Бурхны анд нөхөд муу үйл хийхээс зайлсхийдэг

Муу үйл хийлгэхээр Сатан хүмүүсийг ятгадаг. Бурхны анд нөхөр болохыг хүсдэг хүн Бурхны үзэн яддаг зүйлийг мөн үзэн яддаг байх ёстой (Дуулал 97:10). Бурхны анд нөхдийн зайлсхийвэл зохилтой зарим зүйл:

Бэлгийн холбогдолтой нүгэл. «Чи бүү завхайр!» (Египетээс гарсан нь 20:14). Гэр бүл болохоосоо өмнө бэлгийн харьцаанд орох нь буруу үйл (1 Коринт 6:18).

Архидан согтуурах. «Архидан согтуурагчид... Бурхны хаанчлалыг өвлөдөггүй юм» (1 Коринт 6:10).

Аллага, үр хөндөлт. «Чи хүн бүү ал!» (Египетээс гарсан нь 20:13).

Хулгай. «Чи бүү хулгайл!» (Египетээс гарсан нь 20:15).

Худал хэлэх. Ехова «худалч хэлийг» үзэн яддаг (Сургаалт үгс 6:17).

Хүчирхийлэл ба уур хилэн. «Хүчирхийлэлд дурлагчийг Тэр [Ехова] сэтгэлдээ үзэн яддаг» (Дуулал 11:5). «Махан биеийн үйлс нь... уур хилэн» (Галат 5:19, 20).

Мөрийтэй тоглоом. «Сувдаг шунахай... хүнтэй дотно харьцаж болохгүй тухай бичсэн юм» (1 Коринт 5:11).

Арьс өнгө, үндэс угсаагаар ялгаварлан гадуурхах. «Дайснуудаа хайрла, та нарыг хавчигсдын төлөө залбир» (Матай 5:43, 44).

Бидний төлөө Бурхны хэлсэн болгон бидний тусын тулд байдаг. Муу үйлээс зайлсхийх нь тэр болгон амар байдаггүй. Ехова болон түүний Гэрчүүдийн тусламжтайгаар та Бурханд таалагддаггүй үйлээс зайлсхийж болно (Исаиа 48:17; Филиппой 4:13; Еврей 10:24, 25).