Бурхны анд нөхөр сайн үйл хийдэг

Хэрэв та бахархан хүндэтгэдэг анд нөхөртэй бол түүнтэйгээ адилхан байхыг хичээх болно. «[Ехова] бол сайн бөгөөд шударга юм» гэж Библид бичжээ (Дуулал 25:8). Бурхны анд нөхөд байхын тулд бид сайн үйл хийдэг бөгөөд үнэнч шударга байх ёстой. Библид: «Онцгой хайрлагдсан хүүхдүүд адил Бурхныг дууриагчид болж, хайр дотор яв» гэж бичжээ (Эфэс 5:1, 2). Үүний тулд яах ёстой вэ? гэвэл:

Бусдад туслахад бэлэн байх. «Бүх хүмүүст... сайныг хийе» (Галат 6:10).

Идэвхтэй хөдөлмөрлөх. «Хэн хулгай хийсэн нь дахиж бүү хулгайл. Харин өөрийн гараар ажиллаж, сайныг хичээл зүтгэлээр үйлд» (Эфэс 4:28).

Биеийн болон ёс суртахууны хувьд цэвэр ариун байх. «Махан биеийн ба сүнсний аливаа бузар булайгаас өөрсдийгөө ариутгая. Ингэхдээ ариуслыг Бурхны айдас дотор төгсгөе» (2 Коринт 7:1).

Гэр бүлийнхнийгээ хайрлаж, хүндлэх. «Хүн бүр эхнэрээ, өөрийгөө хайрладгийн адил хайрла. Харин эхнэр нь нөхөртөө гүн хүндэтгэл үзүүлж бай. Хүүхдүүд эцэг эхдээ дуулгавартай бай» (Эфэс 5:33—6:1, ШЕ).

Бусдыг хайрлах. «Бие биеэ хайрлацгаая. Учир нь хайр бол Бурхных» (1 Иохан 4:7).

Улс орныхоо хуулийг биелүүлэх. «Хүн бүхэн [төр, засагтаа] захирагд... Бүгдэд өгөх ёстойгоо өг. Хэнд албан татвар өгөх ёстой түүнд татвар өгөгтүн» (Ром 13:1, 7).