Бүү хойш суугаарай —Амсхийх завгүй бол
1. Зарим хүн Библийн хичээл эхлэхээс хойш суудгийн учир юу вэ?
1 Зав чөлөө муутай гээд Библийн хичээл эхлэхээс хойш суудаг дэлгэрүүлэгч цөөнгүй бий. Суралцагчдаа цаг заваа зориулах хэрэгтэй нь үнэн. Библийн хичээлд бэлдэх, заах, саад бэрхшээлтэй тулгарсан үед нь суралцагчдаа туслах гэх мэтэд цаг зарцуулах шаардлагатай байдаг. Паул Тесалоникийн хүмүүст Еховаг мэдүүлэхийн тулд амиа ч өгөхийг хүссэн хэмээн хэлжээ (1 Тес. 2:7, 8). Зай завсаргүй ажилладаг байлаа ч яаж Библийн хичээл заах вэ?
2. Еховаг хайрладаг хүн цагаа хэрхэн ашиглах вэ?
2 Еховад үйлчлэхэд цаг заваа зориулах шаардлагатай: Бурханд үйлчлэхэд цаг зав гаргах шаардлагатай байдаг нь үнэн. Жишээлбэл, цуглаанд явах, дэлгэрүүлэх, Библи унших, залбирахад байнга цаг гаргадаг. Гэрлэсэн хүн завгүй ч гэсэн ханьдаа цаг заваа харамгүй зориулдаг. Еховад хайртайдаа цаг зав гарган эдгээр үйлст оролцдог гэж бодохоор баярлахгүй байхын аргагүй (Еф. 5:15–17; 1 Иох. 5:3). Шүтлэгийн маань нэг чухал хэсэг бол, Есүсийн хэлснээр, шавь бэлдэх ажил юм (Мат. 28:19, 20). Үүнийг бодож үзвэл, Библийн хичээл заах үүрэг хүлээхээс хойш суухгүй.
3. Яавал Библийн хичээлээ завсардуулахгүй байх вэ?
3 Ажил төрөл, архаг өвчин, эсвэл хурлын ажлаас болоод Библийн хичээлээ хийж чадахгүй болбол яах вэ? Зарим дэлгэрүүлэгч суралцагчаасаа хол газар байхаар болбол утсаар юм уу, интернетээр хичээл хийдэг. Харин архаг өвчний улмаас Библийн хичээлд явж чадахгүй бол суралцагчаа гэртээ уриад хичээл хийдэг дэлгэрүүлэгч байдаг. Зарим нь өөрийнхөө эзгүйд суралцагчаа найдвартай дэлгэрүүлэгчид хариуцуулж үлдээдэг.
4. Библи заах ажилд оролцвол ямар ивээл хүртэх вэ?
4 Паул хүмүүст үнэнийг мэдүүлэхийн тулд цаг зав, хүч чадлаа зориулан баяр хөөр эдэлдэг байжээ (Үйлс 20:35). Тэрбээр Тесалоникт үр бүтээлтэй ажилласнаа бодоод Еховад талархсан (1 Тес. 1:2). Завгүй ажилладаг байлаа ч шавь бэлдэх ажлаас хойш суудаггүй бол баяр хөөртэй сэтгэл дүүрэн үйлчилнэ.