Библийн эшлэл цээжлэх нь

Танд заримдаа Библийн дуртай эшлэлээ цээжээр хэлэх юм уу хаана байдгийг нь санах хэцүү байдаг уу? Биднийг тайвшруулдаг юм уу буруу бодлоосоо салахад тустай эсвэл бусадтай хуваалцмаар зүйл олон байдаг (Дуу. 119:11, 111). Библийн эшлэл тогтооход тань тус болох хэдэн зөвлөгөөг дурдъя.

• «JW Library^®» апп дотор шошго тавиарай. «Дуртай эшлэл» гэсэн нэртэй шошго нээгээрэй. Дараа нь цээжилмээр байгаа эшлэл дээрээ дарвал тэмдэглэл үүсгэх цонх нээгдэнэ. Тэгээд «Дуртай эшлэл» рүүгээ оруулаарай.

• Нүдэнд харагдах газар тавиарай. Цээжлэх эшлэлээ цаасан дээр бичээд нүдэнд тусах газар тавиарай. Зарим хүн толь юм уу хөргөгчний хаалган дээрээ тогтоодог. Өөр зарим нь тухайн эшлэлээ компьютер эсвэл утасныхаа дэлгэцийн зураг болгодог.

• Библийн зүйл бичсэн карт бэлдээрэй. Карт бэлдэхдээ нэг талд нь эшлэлээ бүтнээр нь, нөгөө талд нь хаана (ном, бүлэг, зүйл) байдгийг бичээрэй. Тэгээд эшлэлээ уншаад Библийн хаана бичсэн байдгийг санаарай. Бас эсрэгээр нь давтаж үзээрэй.