Есүс «дуулгавартай байж сурсан»

Есүс Еховад үргэлж дуулгавартай байдаг (Ёох. 8:29). Тэгвэл яагаад Библид «Тэрээр ... зовлон туулж дуулгавартай байж сурсан» гэж бичсэн бэ? (Евр. 5:8).

Есүс тэнгэрт огт үзээгүй юмыг дэлхий дээр байхдаа үзэж туулсан. Үнэнч боловч төгс бус эцэг эхийн гар дээр өссөн (Лук 2:51). Шударга бус шашны удирдагчид, захирагчдаас болж зовсон (Мат. 26:59; Марк 15:15). Тэрбээр «өөрийгөө дорд болгосон. Үхэхдээ ч, бүр тарчлаах шонд хадуулж үхэхдээ дуулгавартай байсан» (Флп. 2:8).

Тэгэхээр Есүс огт өөр нөхцөлд дуулгавартай байхыг сурсан. Тиймээс биднийг ойлгож өрөвддөг төгс Хаан, Тэргүүн тахилч болж чадсан (Евр. 4:15; 5:9). Зовлон туулж дуулгавартай байж сурсан Есүсийг Ехова бүр ч их эрхэмлэдэг болжээ. Бид ч хүнд хэцүү нөхцөлд дуулгавартай байж сурвал Еховад эрхэм, ямар ч даалгаврыг биелүүлж чадах хэрэгтэй хүн болно (Яак. 1:4).