Бурхан Гурвалын нэг хэсэг мөн үү?

Библид юу гэж байдаг вэ?

Бурхан бол Гурвал гэж заадаг Христийн шашны урсгал олон байдаг. Харин Гурвалын талаар «Британника нэвтэрхий толь»-д юу гэж байдгийг анхааръя. «Гурвал гэдэг үг ч, Гурвалын тухай өгүүлсэн сургаал ч Шинэ гэрээнд байдаггүй. ... Энэ сургаал хэдэн зууныг дамнан хувьсан өөрчлөгдөж, маргааны бай болсоор ирсэн».

Бурхныг Гурвалын хэсэг гэж Библид бичсэн зүйл нэг ч байдаггүй. Библид юу гэж байдгийг үзье.

«[Ехова] бол бидний Бурхан, [Ехова] бол ганц» (Дэд хууль 6:4).

«Ехова гэдэг нэртэй зөвхөн Та л бүх дэлхийн цорын ганц Хамгийн дээд» (Дуулал 83:18, ШЕ).

«Мөнхийн амьтай болохын тулд цорын ганц жинхэнэ Бурхан таныг болон таны илгээсэн Есүс Христийг үргэлж таньж мэдэх ёстой» (Ёохан 17:3).

«Бид жинхэнэ Бурхан Эцэг ганц байдгийг мэддэг» (1 Коринт 8:6).

Христийн шашны ихэнх урсгал Бурхныг яагаад Гурвалын нэг хэсэг гэж заадаг вэ?