Хичээл 16

Бурханд өөрийгөө зориулж, баптисм хүртэх нь

Бурхны анд нөхөр болохын тулд яах ёстой вэ? (1, 2)

Бурханд өөрийгөө зориулна гэж яахыг хэлдэг вэ? (1)

Хэзээ баптисм хүртэж болох вэ? (2)

Бурханд үргэлж үнэнч байхын тулд яах хэрэгтэй вэ? (3)

1. Бурхны анд нөхөр болохын тулд Библийн сургаалыг сайтар мэдэж (1 Тимот 2:3, 4), мэдсэн зүйлдээ итгэж (Еврей 11:6), нүглээ гэмшин (Үйлс 17:30, 31), амьдралаа өөрчлөх (Үйлс 3:19) хэрэгтэй. Дараа нь хайрандаа хөтлөгдөн Бурханд өөрийгөө зориулах учиртай. Өөрийгөө зориулах гэдэг нь хүсэл тааллыг нь биелүүлж амьдрахаа амлан, ганцаарчлан залбирна гэсэн үг (Матай 16:24; 22:37).

2. Энэ алхмыг хийсний дараа баптисм хүртэх хэрэгтэй (Матай 28:19, 20). Баптисм хүртэх нь Еховад өөрийгөө зориулснаа олонд мэдэгдэж байгаа хэрэг юм. Тиймээс, Бурханд үйлчлэх шийдвэрийг бие даан гаргах түвшинд хүрсэн хүн л баптисм хүртэх ёстой. Хүн баптисм хүртэхдээ хоромхон зуур усанд шумбадагa (Марк 1:9, 10; Үйлс 8:36).

3. Ехова хүсэл таалалд нь нийцүүлж амьдарна гэж амласан хүнийг хэлсэндээ хүрээсэй гэж хүсэж байдаг (Дуулал 50:14; Номлогчийн үгс 5:4, 5). Харин Диавол Еховад үйлчлэхийг болиулах гэж оролдоно (1 Петр 5:8). Тэгэх тусам нь, Еховад байнга залбираарай (Филиппой 4:6, 7). Библийг өдөр бүр судлаарай (Дуулал 1:1—3). Итгэл нэгтнүүдтэйгээ ойр дотно байгаарай (Еврей 13:17). Тэгсэн цагт Бурхны шаардлагыг биелүүлж, Еховад үргэлж үнэнч байж чадна!

[Зүүлт]