Ид шидийн аливаа хэлбэр буруу

Сатан таныг ид шидээр хөөцөлдөөсэй гэж хүсдэг. Гай зовлонгоос өөрсдийгөө хамгаалахын тулд өвөг дээдэстээ юм уу, эсвэл сүнсэнд өргөл өргөдөг хүн олон байдаг. Тэд сүнсний ертөнцийн хүчнээс айдаг учраас ийм юм хийдэг. Тийм хүмүүс ид шидтэй бөгж юм уу бугуйвч зүүдэг. Мөн ид шидийн хүчтэй гэж үздэг «эм дом» уух юм уу тийм юмыг биедээ түрхдэг. Зарим хүн гай зовлонгоос хамгаалдаг ид шидтэй гэж үзсэн ямар нэгэн зүйлийг гэр орондоо юм уу өөр хаа нэгтээ тахин байрлуулдаг. Нөгөө зарим нь ажил хэрэг, шалгалт шүүлэг болон үерхэл болзоог амжилттай болгодог гэж итгэдэг учраас янз бүрийн тарнидсан зүйл хэрэглэх нь их байдаг.

Сатанаас хамгаалах хамгийн сайн арга бол Еховатай анд нөхөр болох явдал. Ехова Бурхан болон түүний тэнгэрэлчүүд Сатан хийгээд түүний албидаас хамаагүй илүү хүчтэй (Иакоов 2:19; Илчлэлт 12:9). Ехова өөрт нь бүрэн итгэлтэй анд нөхддөө туслахын тулд хүч хэрэглэхэд бэлэн байгаа (Судрын дэд 16:9).

«Та нар ид шидээр хөөцөлдөж болохгүй» гэж Бурхны Үг хэлдэг. Элдэв янзын ид шидийн хойноос хөөцөлддөг хүн Сатан Диаболын шууд нөлөөнд ордог учраас Ехова ид шидийн аливаа хэлбэрийг буруушаадаг (Левит 19:26, ШЕ).