Та Еховагийн заадаг бүхнийг чадах чинээгээрээ сурдаг уу?

Бичиг үсгийн дамжаа

• Зорилго: Бие даан Библи уншиж, судлах ба хүмүүст үнэнийг заахад нь туслах зорилгоор уншиж, бичиж сургах.

• Хугацаа: Шаардлагатай хугацаагаар.

• Хаана: Тухайн хурлын Хаанчлалын танхим

• Хэнд зориулсан: Бүх дэлгэрүүлэгч, сонирхогч хүмүүс

• Хэрхэн хамрагдах: Ахлагчид хурлынхаа хэрэгцээнд тохируулан зохион явуулж, сурах боломжтой бүх хүнийг сурахыг уриалдаг.

Дэлгэрүүлэгчийн сургууль

• Зорилго: Дэлгэрүүлэгчийн сайн мэдээ дэлгэрүүлэх, заах чадварыг сайжруулах.

• Хугацаа: Тасралтгүй үргэлжилдэг.

• Хаана: Тухайн хурлын Хаанчлалын танхим.

• Хэнд зориулсан: Бүх дэлгэрүүлэгчээс гадна цуглаанд тогтмол ирдэг, Библийн сургаалыг хүлээн зөвшөөрч, зарчмуудынх нь дагуу амьдардаг хүмүүс.

• Хэрхэн хамрагдах: Дэлгэрүүлэгчийн сургуулийн харгалзагчид хэлэх.

Гадаад хэлний дамжаа

• Зорилго: Дэлгэрүүлэгчийг гадаад хэлээр сайн мэдээ дэлгэрүүлж сургах.

• Хугацаа: 4-5 сар. Ихэнхдээ бямба гаригийн өглөө 1-2 цагаар хичээллэдэг.

• Хаана: Ихэнхдээ ойролцоох Хаанчлалын танхим.

• Хэнд зориулсан: Гадаад хэлээр дэлгэрүүлэхийг хүсдэг, үлгэр жишээ дэлгэрүүлэгчид.

• Хэрхэн хамрагдах: Хэрэгцээг харгалзан үзэж салбараас зохион явуулдаг.

Хаанчлалын танхим барих

• Хаанчлалын танхим барих, сэргээн засах. Энэ нь сургалт биш боловч энэ ажлын явцад сайн дурын ажилчид барилгын ажилд хэрэгтэй янз бүрийн ур чадвар эзэмшдэг.

• Сайн дурынхны боломжоос шалтгаалдаг.

• Бүс нутгийн барилгын хорооны харьяа нутаг дэвсгэр. Заримдаа сайн дурынхан хорооныхоо харьяа нутгаас өөр нутагт гамшгийн үеэр тусламжийн ажилд оролцдог.

• Тавигдах шаардлага: Баптисм хүртсэн, ахлагчдын зөвлөлийн зөвшөөрөлтэй (эрэгтэй, эмэгтэй) дэлгэрүүлэгчид. Заавал барилгын ажлын мэдлэг, туршлагатай байх шаардлагагүй.

• Хэрхэн хамрагдах: Хурлынхаа ахлагчаас «Хаанчлалын танхимын ажилд сайн дураараа оролцогчийн анкет» (S-82) авч бөглөнө.

Эхлэгчийн сургууль

• Зорилго: Эхлэгчийг «үйлчлэлээ гүйцээхэд» нь туслах (2 Тим. 4:5).

• Хугацаа: 2 долоо хоног

• Хаана: Салбараас сонгосон газар буюу ихэнхдээ ойролцоох Хаанчлалын танхим.

• Тавигдах шаардлага: Доод тал нь нэг жил байнгын эхлэгчээр үйлчилсэн байх.

• Хэрхэн хамрагдах: Шаардлага хангасан эхлэгчийг дүүргийн харгалзагчаар уламжлан урьдаг.

Шинэ бетелчний сургууль

• Зорилго: Шинэ бетелчдийг амжилттай үйлчлэхэд нь туслах.

• Хугацаа: 16 долоо хоног, долоо хоногт нэг цаг.

• Хаана: Бетел.

• Тавигдах шаардлага: Байнгын бетелчин эсвэл түр хугацааны туслагч байх (нэг жилээс илүү үйлчилсэн байх).

• Хэрхэн хамрагдах: Шаардлага хангасан бетелчнийг урьдаг.

Христиан үйлчлэлийн сургууль

• Зорилго: Ахлагч, туслах үйлчлэгчийг хурлыг харгалзах, удирдан зохион байгуулах үүрэг биелүүлэхэд нь сургах (Үйлс 20:28). Удирдах Зөвлөлийн шийдвэрээр тогтсон хугацаанд явуулдаг.

• Хугацаа: Сүүлийн үед ахлагчдыг нэг өдөр хагас, туслах үйлчлэгчдийг нэг өдөр сургадаг болсон.

• Хаана: Ихэнхдээ ойролцоох Хаанчлалын танхим юм уу чуулганы танхим.

• Тавигдах шаардлага: Ахлагч юм уу туслах үйлчлэгч байх.

• Хэрхэн хамрагдах: Шаардлага хангасан ахлагч, туслах үйлчлэгчийг дүүргийн харгалзагчаар уламжлан урьдаг.

Ахлагчийн сургуульa

• Зорилго: Ахлагчийг хурлын үүргээ биелүүлэхэд нь туслах.

• Хугацаа: 5 хоног.

• Хаана: Салбараас сонгосон газар буюу ихэнхдээ ойролцоох Хаанчлалын танхим юм уу чуулганы танхим.

• Тавигдах шаардлага: Ахлагч байх.

• Хэрхэн хамрагдах: Шаардлага хангасан ахлагчийг салбар урьдаг.

Явуулын харгалзагчид ба эхнэрүүдэд нь зориулсан сургуульb

• Зорилго: Дүүргийн болон мужийн харгалзагчийг хуралд үйлчлэх, «үг ба сургаал дотор шаргуу ажиллах», хариуцсан хүмүүсээ хариулах чадварыг нь сайжруулах (1 Тим. 5:17; 1 Петр 5:2, 3).

• Хугацаа: 2 сар.

• Хаана: Салбар сонгодог.

• Тавигдах шаардлага: Дүүргийн юм уу мужийн харгалзагч байх.

• Хэрхэн хамрагдах: Шаардлага хангасан явуулын харгалзагчийг эхнэрийнх нь хамт салбар урьдаг.

Ганц бие эрчүүдэд зориулсан Библийн сургуульc

• Зорилго: Гэр бүлгүй ахлагч, туслах үйлчлэгчийг нэмэлт үүрэг хүлээхэд сургах. Төгсөгчид ихэнхдээ эх орондоо, хэрэгцээтэй газар үйлчлэх томилолт авдаг. Гадаадад үйлчлэх боломжтойгоо мэдэгдсэн хүмүүсийн зарим нь өөр улсад үйлчлэх томилолт авдаг.

• Хугацаа: 2 сар.

• Хаана: Салбараас сонгосон газар буюу ихэнхдээ чуулганы танхим юм уу Хаанчлалын танхим.

• Тавигдах шаардлага: Итгэл нэгтнүүддээ үйлчилж, Хаанчлалын үйл хэргийг эн тэргүүнд тавих зорилготой, хэрэгцээтэй газар үйлчлэх боломжтой, 23-62 насны, эрүүл, ганц бие эрэгтэй байх (Марк 10:29, 30). Ахлагч юм уу туслах үйлчлэгчээр, доод тал нь 2 жил тасралтгүй үйлчилсэн байх ёстой.

• Хэрхэн хамрагдах: Тухайн салбарын нутаг дэвсгэрт энэ сургуулийг явуулахаар бол хамрагдах хүсэлтэй хүмүүстэй дүүргийн чуулганы үеэр уулзалт хийдэг. Уулзалтын үеэр дэлгэрэнгүй мэдээлэл авах боломжтой.

Христиан хосуудад зориулсан Библийн сургуульd

• Зорилго: Гэр бүлийн хосыг тусгай сургалтад хамруулж, Еховад болон байгууллагад нь илүү үр өгөөжтэй үйлчлэхэд туслах. Төгсөгчид ихэнхдээ эх орондоо, хэрэгцээтэй газар үйлчлэх томилолт авдаг. Гадаадад үйлчлэх боломжтойгоо мэдэгдсэн хүмүүсийн зарим нь өөр улсад үйлчлэх томилолт авдаг.

• Хугацаа: 2 сар.

• Хаана: Одоогийн байдлаар АНУ-ын Нью-Йорк мужийн Паттерсон дахь Харуулын цамхаг нийгэмлэгийн Сургалтын төвд явуулж байгаа. Цаашдаа салбараас сонгосон газар буюу гол төлөв чуулганы танхим юм уу Хаанчлалын танхимд явуулна.

• «Тавигдах шаардлага: 25-50 насны, эрүүл, хэрэгцээтэй аль ч газар үйлчлэх боломжтой, «Би энд байна. Намайг явуулаач» гэсэн сэтгэлгээтэй гэр бүлийн хос (Ис. 6:8). Мөн гэрлээд доод тал нь 2 жил болсон, наад зах нь 2 жил бүрэн цагаар тасралтгүй үйлчилж байгаа.

• Хэрхэн хамрагдах: Тухайн салбарын нутаг дэвсгэрт энэ сургуулийг явуулахаар бол хамрагдах хүсэлтэй хүмүүстэй нэг өдрийн тусгай чуулганы үеэр уулзалт хийдэг. Уулзалтын үеэр дэлгэрэнгүй мэдээлэл авах боломжтой.

Харуулын Цамхаг Нийгэмлэгийн «Гилеад» Библийн сургууль

• Зорилго: Эхлэгч болон бүрэн цагийн бусад үйлчлэгчийг миссионерээр үйлчлэхэд сургах.

• Хугацаа: 5 сар.

• Хаана: АНУ-ын Нью-Йорк мужийн Паттерсон дахь Харуулын Цамхаг Нийгэмлэгийн сургалтын төв.

• Тавигдах шаардлага: Баптисм хүртээд 3 жил болсон, уг сургуульд сурах анхны өргөдөл өгөхдөө 21-38 настай, гэрлэсэн хос байх. Англи хэл мэддэг, гэрлээд доод тал нь 2 жил болсон, наад зах нь 2 жил бүрэн цагаар тасралтгүй үйлчилсэн, эрүүл мэнд сайн байх шаардлагатай. Гадаадад үйлчилдэг (мөн миссионерийн статус бүхий) эхлэгч, явуулын харгалзагч, бетелчин, Үйлчлэл дээшлүүлэх сургууль, Ганц бие эрчүүдэд зориулсан Библийн сургууль, Христиан хосуудад зориулсан Библийн сургууль төгссөн хүмүүс шаардлага хангавал уг сургуульд сурах өргөдөл гаргаж болно.

• Хэрхэн хамрагдах: Сонгосон салбаруудад, энэ сургуульд сурах хүсэлтэй хүмүүст зориулж мужийн чуулганы үеэр уулзалт хийдэг. Уулзалтын үеэр дэлгэрэнгүй мэдээлэл авах боломжтой. Танай улсад ийм арга хэмжээ явуулдаггүй, та энэ сургуульд сурах хүсэлтэй бол салбараас нэмэлт мэдээлэл авч болно.

Салбарын хорооны гишүүд ба эхнэрүүдэд нь зориулсан сургууль

• Зорилго: Салбарын хороонд үйлчилдэг хүмүүст Бетелийг харгалзах, хурлын дэлгэрүүлэх ажилд хамаатай асуудлыг авч үзэх, нутаг дэвсгэрийнх нь харьяа дүүрэг, мужийг харгалзах болон орчуулах, хэвлэх, хэвлэл илгээх, бусад тасгийн үйл ажиллагааг удирдан зохицуулах үүргээ сайн биелүүлэхэд нь туслах (Лук 12:48б).

• Хугацаа: 2 сар.

• Хаана: АНУ-ын Нью-Йорк мужийн Паттерсон дахь Харуулын Цамхаг Нийгэмлэгийн сургалтын төв.

• Тавигдах шаардлага: Салбарын хороо юм уу Орон нутгийн хорооны гишүүн болон гишүүн болох томилолт авсан хүн.

• Хэрхэн хамрагдах: Шаардлага хангасан эрчүүдийг эхнэрийнх нь хамт Удирдах Зөвлөл урьдаг.