Оршил үгийн жишээ

БИБЛИЙН ХИЧЭЭЛ

«Бид хүмүүст Библийн хичээл үнэгүй заадаг. Таныг хүсвэл 200 гаруй оронд хүмүүс гэр бүлээрээ Библийн хичээл яаж хийдгийг хэдхэн минутад үзүүлье. Энд бичсэн аль ч сэдвийг сонгож болно. (Гарын авлага болгох номын гарчгийг үзүүлнэ.) Аль нь танд хамгийн сонирхолтой байна вэ?»

ЦАГ ҮЕИЙН БАЙДАЛ

«Танд нэг асуулт тавья. Хүн төрөлхтөнд тулгарч байгаа олон бэрхшээлийн нэгийг түрүүлж шийднэ гэвэл та чухам алийг нь хэлэх вэ? (Юунд хамгийн их санаа зовдгийг нь мэдээд тэр сэдвээр ярилцаарай)».

ХАЙР/САЙХАН СЭТГЭЛ

«Хүмүүс бие биеэ жинхэнэ ёсоор хайрлахаа больсонд санаа зовдог хүн олон байдгийг бид анзаарсан юм. Та бас үүнд санаа зовдог уу? ... Юунаас болоод ийм болсон юм бол? ... Ийм юм болохыг Библид зөгнөснийг та мэдэх үү? (2 Тим. 3:1–4). Библид бас учрыг нь бичсэн байдаг (1 Иох. 4:8)».

АМЬДРАЛ/АЗ ЖАРГАЛ

«Бид амьдралаа сайжруулахыг хүсдэг хүмүүстэй ярилцаж явна. Ер нь хүн амьд яваадаа баярладаг. Гэхдээ олон хүн жинхэнэ ёсоор жаргалтай амьдрах арга зам бий юу гэж боддог. Та энэ тухай юу гэж боддог вэ? ... Таны бодлоор, жаргалтай амьдрахад юу хамгийн их саад болдог вэ? ... (Дуу. 1:1, 2; айлын хүний ярианд тохирох өөр зүйл үзүүлнэ).

ХҮМҮҮС: «БИ ӨӨРИЙН ГЭСЭН ШАШИН ШҮТЛЭГТЭЙ» ГЭЖ ХЭЛДЭГ БОЛ

«Сайн байна уу? Биднийг танай байрны (эндэхийн) хүмүүстэй ярилцахад ихэнх нь шашин шүтдэгээ хэлсэн юм. Та бас шүтлэгтэй хүн байх, тийм үү? ... Гэхдээ хүмүүс ямар ч шашин шүтдэг бай, юмны үнэ өсөх, гэмт хэрэг, өвчин эмгэг гэх мэтийн нэг л ижил бэрхшээлтэй тулгардаг биз дээ? ... Иймэрхүү бэрхшээлийг шийдэх арга байдаг болов уу? ... (2 Петр 3:13 гэх мэтийн зүйлийг уншина)».