Оршил үгийн жишээ

7-р сарын эхний бямба гаригт Библийн хичээл эхлэх

«Бид хүмүүст Библи уншихыг уриалж яваа юм. Библийг ойлгоход хэцүү ном гэж олон хүн боддог. Танд ямар санагддаг вэ? [Хариулахыг нь хүлээнэ.] Энд юу гэж бичсэнийг хараарай». «Харуулын цамхаг» сэтгүүлийн 7–9-р сарын дугаарын арын нүүрийг үзүүлээд эхний асуултыг ярилцаж, Библиэс ядаж ганц зүйл үзүүлнэ. Сэтгүүлээ өгөөд дараа уулзахдаа 2-р асуултыг ярилцахаар тохирно.

Жич: Энэ оршил үгийн жишээгээр 7-р сарын 6-ны дэлгэрүүлэх ажлын цуглаан дээр үзүүлбэр үзүүлнэ.

«Харуулын цамхаг» 7–9-р сар

«Хүн болгонд л бэрхшээл тулгардаг. Тийм болохоор зарим хүн амьдралын утга учир юу юм бол гэж боддог. Аз жаргалтай байхад юу хамгийн их саад болдог гэж та боддог вэ? [Хариулахыг нь хүлээнэ.] Одоо бидний амсаж байгаа зовлонг Бурхан удахгүй арилгана гэсэн амлалт Библид байдаг. [Илчлэлт 21:4-ийг уншина.] Биднийг ямар ирээдүй хүлээж байгааг, одоо яавал утга учиртай амьдрахыг энэ сэтгүүлд бичсэн байгаа».

«БИ ЗАВГҮЙ»

«Цагаа олж ирээгүйд уучлаарай. Би Еховагийн Гэрч л дээ. Библиэс нэг чухал санааг тантай хуваалцах гэсэн юм. Та одоо ярилцах завгүй болохоор энэ танилцуулгыг өгье (Танилцуулгын сэдвийг хэлнэ). Товчхон хэр нь сонирхолтой юм бичсэн байгаа».

«Бурхнаас ирсэн сайн мэдээ»

«Библид нэг тустай санаа байдаг юм. Хайрын сэтгэлтэй Бурхан яагаад гай зовлон учрахыг зөвшөөрдөг юм бол оо гэж олон хүн бодож явдаг. Бурхан хүмүүсийг зовж амьдрахаар бүтээсэн юм болов уу?» [Хариулахыг нь хүлээнэ.] 5-р хичээлийг гаргаад эхний хоёр догол мөрийг, налуугаар бичсэн Библийн зүйлүүдийг уншиж ярилцана. Товхимлоо өгөөд дараа уулзахдаа тодоор бичсэн дараагийн асуултыг ярилцахаар тохирно.