«Хаанчлалын тухай мэдээ» №38-ыг 11-р сард тараана
1. Хүмүүс нас барагсдын тухай юу гэж асуудаг вэ? 11-р сард энэ асуултад хэрхэн хариулах вэ?
1 Үхэл бол ямар ч итгэл үнэмшилтэй бай, бүх хүний дайсан (1 Кор. 15:26). Хүн үхээд яадаг вэ, талийгаачтайгаа уулзах болов уу гэсэн асуултыг олон хүн бодож явдаг. Тиймд дэлхий дахин буй бүх хурал «Талийгаачтайгаа уулзах болов уу?» гэсэн «Хаанчлалын тухай мэдээ» №38-ыг нэг сарын турш тараана. Үүнийг тараах тусгай аян 11-р сарын 1-нд эхэлнэ. Тусгай аяны дараа энэхүү «Хаанчлалын тухай мэдээ» №38-ыг дэлгэрүүлэх ажилдаа танилцуулга тараадаг шигээ ашиглана.
2. «Хаанчлалын тухай мэдээ» №38-ын онцлог юу вэ?
2 Онцлог: «Хаанчлалын тухай мэдээ» №38-ыг голоор нь уртааш нь нугалбал нүүрэн талд нь сонирхол татсан «Та юу гэж бодож байна вэ? тийм, үгүй, магадгүй» гэсэн асуулт бий. Дотор талыг нээж үзвэл гол асуултад Библи юу гэж хариулдгийг, үүнийг мэдэх нь уншигчид ямар ашигтайг мэдэж авна. Библид итгэх ямар үндэстэйг бас уншигч ойлгоно. Хамгийн арын хуудсанд уншигчийг бодуулж, ихийг мэдэх гэсэн хүсэл төрүүлэх сонирхолтой асуулт бий.
3. «Хаанчлалын тухай мэдээ» №38-ыг яаж тараах вэ?
3 Яаж тараах вэ: Энэ аян Дурсах цуглаан болон мужийн чуулганы урилга тараах аянтай адилхан байна. Хэсгээ яаж боловсруулах тухай ахлагчид хүлээн авсан захидал буюу 2013 оны 4-р сарын 21-ний өдрийн захидалд үндэслэн заавар өгнө. Хэсэг багатай хурал хэсэг ихтэй хөрш хуралдаа тусалж болно. «Хаанчлалын тухай мэдээ» №38-ыг зөвхөн нэг долоо хоногт тараах хэмжээгээр аваарай. Аяны үеэр хэсгээ дуусгасан бол нийтэд дэлгэрүүлэхдээ «Хаанчлалын тухай мэдээ» №38-ыг тарааж болно. Сарын сүүлээр «Хаанчлалын тухай мэдээ» №38-ыг тараагаад дууссан бол өөр хэвлэл тараах хэрэгтэй. Эхний бямба гаригт Библийн хичээл эхлэх биш, тусгай аянд оролцох талаар анхаарна. Амралтын өдрөөр тараахдаа тохиромжтой бол сэтгүүл бас өгөөрэй. Та энэ аянд идэвхтэй оролцох төлөвлөгөө гаргаж байна уу?