«Үүрд жаргалтай амьдраарай!» ном, товхимлыг дэлгэрүүлэхдээ ашиглаарай

Библийн хичээлд ашиглах шинэ ном болон товхимлыг аваад бид маш их баярласан! Илүү олон шавь бэлдэх бидний хүчин чармайлтыг Ехова ивээгээсэй гэж бид залбирч байна (Мт 28:18–20; 1Ко 3:6–9). Шинэ багажийг яаж ашиглах вэ?

«Үүрд жаргалтай амьдраарай!—Библийн интерактив хичээл» номын заах арга барил нь шинэ учраас Библийн хичээлд бэлдэж бас хөтлөхөд дараах зааврыг дагаарай.a

• Материалыг уншаад асуултуудыг ярилцаарай

• «Уншина уу» гэж заасан Библийн зүйлийг уншаад яаж хэрэгжүүлэхийг ойлгоход суралцагчдаа туслаарай

• Видеог үзүүлээд асуултуудын дагуу ярилцаарай

• Номоо үзэх болгонд нэг хичээлийг дуусгахыг зориорой

Дэлгэрүүлэхдээ айлын хүний хүсэл эрмэлзлийг мэдэхийн тулд эхлээд товхимол өгөөрэй («“Үүрд жаргалтай амьдраарай!” товхимлыг анх уулзахдаа хэрхэн өгөх вэ?» гэсэн хавсралтыг үзээрэй). Товхимлыг дуусгаад суралцагч хичээлээ үргэлжлүүлэхийг хүсвэл номыг өгч 4-р хичээлээс үргэлжлүүлээрэй. Хэрэв хэн нэгэнтэй «Библийн мэдлэг» ном юм уу «Хайрлуулж явъя» номоор хичээл хийдэг бол «Үүрд жаргалтай амьдраарай!» ном руу шилжээд хаанаас эхлэхийг өөрөө шийдээрэй.

«БИБЛИЭ ШИМТЭН СУДЛААРАЙ» ВИДЕОГ ҮЗЭЭД ДАРААХ АСУУЛТАД ХАРИУЛААРАЙ.

• Суралцагчид шинэ номоос юу сурч авах вэ?

• Энэ видеог Библийн хичээл эхлэх гэж байгаа хүнд яагаад үзүүлэх ёстой вэ?

• Ахиц дэвшил гаргаж байгаа суралцагчийг ямар ямар зорилт тавихад нь урамшуулах хэрэгтэй вэ? («Хэсэг бүрийн зорилго ба зорилт» гэсэн хүснэгтийг үзээрэй).