Иргэдийн улс төрчдөд итгэх итгэл алдарсаар—Библид юу гэж байдаг вэ?

2024 он дэлхийн түүхэнд хамгийн олон сонгууль болох сонгуулийн жил болно. Гэтэл улс төрчдөд итгэхээ больсон олон хүн байна.

• «Улс төрчдийн ихэнх нь ард иргэдийнхээ төлөө зүтгэх бус хувийн ашиг сонирхлоо л боддог» гэж АНУ-д явуулсан судалгаанд оролцогчдын дийлэнх нь мэдэгдсэн байнаa—«Пью Судалгааны Төв», 2023 оны 9-р сарын 19.

Залуучууд ч улс төрчдөд итгэхээ больжээ.

• «Өсвөр насныхан нийгэмд тулгамдсан асуудлуудыг шийдэхийг эрмэлздэг бөгөөд тэдний дунд явуулсан судалгаагаар бол улс төрчид шийдлийг нь олж чадахгүй байгаа ажээ»—«Нью Йорк Таймс», 2024 оны 1-р сарын 29.

• «Залуучууд улс төрчдөөс илүү “youtuber”-чдэд итгэдэг болсныг нэгэн судалгаанд дурдсан байна»—«Korea Times», 2024 оны 1-р сарын 22.

Улс төрчид бидний ирээдүйг сайхан болгож чадах уу? Бид хэнд итгэж болох вэ?

Хэнд итгэхээ сайн бодоорой

Хүмүүс хэн хүнд хамаагүй итгэлгүй, хянамгай ханддаг болсон нь сайшаалтай. Библид «Гэнэн хүн юм бүгдэд итгэдэг. Харин хэрсүү хүн өөрийн алхмууддаа хянамгай ханддаг» гэж бий (Сургаалт үгс 14:15).

• Мэдээ мэдээллийн үнэн зөв, баталгаатай эсэхийг магадлахад тустай зөвлөгөөг «Худал мэдээллээс болгоомжлоорой» гэсэн өгүүллээс уншаарай.

Түүнээс гадна хамгийн шударга улс төрчдийн ч эрх мэдэл, боломж бололцоо хязгаартай. Тийм ч учраас Библид ингэж сэрэмжлүүлсэн байдаг.

• «Хүмүүн удирдагчдад итгэл найдвараа бүү тавь. Ямар ч хүн чамайг аварч чадахгүй» (Дуулал 146:3, «Good News Translation»).

Таны итгэлийг даах удирдагч

Хамгийн чадварлаг, хамгийн найдвартай удирдагчийг Бурхан томилсон тухай Библид гардаг. Тэр удирдагч бол Есүс Христ юм (Лук 1:32, 33). Бурхны тэнгэрт байгуулсан Хаант төрийн Хаан нь Есүс юм (Матай 6:10).

• Есүст яагаад итгэж болохыг, дэлхий нийтэд тулгамдсан асуудлуудыг яаж шийдэхийг нь «Хаант төрийн Хаан хэн бэ?», «Хаант төр юу хийх вэ?» гэсэн өгүүллүүдээс уншаарай.