Есүс ядуурлыг арилгана

Есүс дэлхийд байхдаа хүмүүсийг, ялангуяа ядуу зүдүү, зовж зүдэрсэн хүмүүсийг чин сэтгэлээсээ хайрладаг байлаа (Матай 9:36). Амь насаа хүртэл бусдын төлөө золиос болгон өгсөн (Матай 20:28; Ёохан 15:13). Есүс удахгүй хүмүүст хайртайгаа дахин батална. Бурхны Хаант төрийн сүр хүчит, эрх мэдэлт Хааныхаа хувьд дэлхий даяарх ядуурлыг арилгана.

Есүс юу хийх талаар Библид ийнхүү яруу сайхан дүрслэн хэлжээ.

• «Тэрбээр ард түмний дундах дорой буурай хүмүүсийг хамгаалж, ядуусын хөвгүүдийг аварч, луйварчдыг бяцлах болтугай» (Дуулал 72:4, ШЕ).

Есүсийн бидний төлөө хийсэн бүхэн бас удахгүй хийх бүхнийх нь төлөө талархаж байгаагаа хэрхэн илэрхийлэх вэ? Талархлаа илэрхийлэх нэг арга бол Есүсийн тунхаглаж байсан «Бурхны Хаант төрийн тухай сайн мэдээг» судалж мэдэх юм (Лук 4:43). Дэлгэрэнгүй мэдээллийг «Бурхны Хаант төр гэж юу вэ?» гэсэн өгүүллээс уншина уу.