Есүс гэмт хэргийг таслан зогсооно

Гэмт хэрэг, шударга бус явдлын хохирогч болохын зовлонг Есүс сайн мэддэг. Есүсийг худал хуурмагаар гүтгэж, зүй бусаар занчиж, шударга бусаар шүүж, хууль бусаар буруутгаж, харгис хэрцгийгээр цаазалсан. Харин ямар ч гэм зэмгүй тэрбээр бусдыг гэсэн сэтгэлдээ хөтлөгдөн амиа олны төлөө золиос болгон өгсөн (Матай 20:28; Ёохан 15:13). Есүс Бурхны Хаант төрийн Хааныхаа хувьд удахгүй дэлхий даяар шударга ёсыг тогтоож, гэмт хэргийг бүрмөсөн таслан зогсооно (Исаиа 42:3).

Есүс зорилгоо биелүүлэхэд дэлхий ямар болохыг Библид ийнхүү дүрсэлжээ.

• «Муу хүмүүс байхгүй болно. Байсан газраас нь хайгаад ч чи тэднийг олохгүй.  Харин дөлгөөн хүмүүс газар нутгийг эзэмшиж, хэмжээлшгүй амар тайвныг мэдрэн баярлана» (Дуулал 37:10, 11,ШЕ).

Есүсийн бидний төлөө хийсэн бүхэн бас удахгүй хийх бүхнийх нь төлөө талархаж байгаагаа хэрхэн илэрхийлэх вэ? Талархлаа илэрхийлэх нэг арга бол Есүсийн тунхаглаж байсан «Бурхны Хаант төрийн тухай сайн мэдээг» судалж мэдэх юм (Лук 4:43). Дэлгэрэнгүй мэдээллийг «Бурхны Хаант төр гэж юу вэ?» гэсэн өгүүллээс уншина уу.