10 сарын 22, лхагва
Итгэлээ үйлсээр баталдаггүй хүний итгэл үхмэл юм (Яак. 2:17).
Өөрийгөө итгэлтэй гэж хэлэх ч, хэлснээ батлах үйлс байхгүй хүний тухай Яаков дээрх зүйлд хэлжээ (Яак. 2:1–5, 9). Түүнчлэн «өмсөх хувцасгүй, өлөн зэлмэн» байгаа ах дүүстээ бодит тусламж үзүүлээгүй хүнийг дурдсан. Итгэлтэй гэж хэлсэн энэ хүн ч итгэлийг нь батлах үйлсгүй (Яак. 2:14–16). Яаков Рахабыг итгэлээ үйлсээрээ баталсан хүний жишээ болгон дурдсан (Яак. 2:25, 26). Рахаб Еховагийн тухай сонсож, өөрийн ард түмэн болох израйлчууддаа тусалдаг гэдэгт нь итгэжээ (Иош. 2:9–11). Тэгээд амь нас нь аюулд орсон 2 израйл туршуулыг аварч итгэлээ үйлсээрээ харуулсан. Ийнхүү төгс бус, харь эмэгтэй Абрахамын адилаар шударга сайнд тооцогдсон. Энэ жишээ итгэлээ үйлсээрээ батлахын чухлыг харуулдаг. хц23.12 х. 5–6 д/м 12–13
10 сарын 23, пүрэв
Та нар суурин дээр бат зогсож, үндэс сайтай мод мэт бай (Эф. 3:17).
Христийн дагалдагч бид Библийн анхан шатны мэдлэгтэй болоод сэтгэл ханадаггүй ээ. Харин Бурхны агуу хүчний тусламжтайгаар «Бурхны гүн юмыг» сурч мэдэхийг хүсдэг (1 Кор. 2:9, 10). Еховатай улам дотносох зорилгоор нэг сэдэв сонгоод бие дааж судалбал ямар вэ? Жишээлбэл эрт үед Ехова үйлчлэгчдээ хайрладгаа хэрхэн илэрхийлж байсныг, энэ нь танд ч хайртайг хэрхэн баталдгийг судалж болно. Мөн өөрийг нь шүтэхдээ израйлчуудаас Ехова юу шаарддаг байсныг судлаад өнөөдөр юу шаарддагтай нь харьцуулж болохгүй нь юу билээ? Түүнчлэн Есүсийн талаарх зөгнөлүүд хэрхэн биелснийг дэлгэрэнгүй судлах боломжтой. Та тэдгээрийг «Харуулын Цамхаг Нийгэмлэгийн хэвлэлийн товьёг» эсвэл «Еховагийн Гэрчүүдэд зориулсан судалгааны лавлах» ашиглан судалбал маш их баяр хөөр эдлэх биз ээ. Библийг гүнзгий судалснаар итгэл тань батжиж, «Бурхны мэдлэгийг олж авна» (Сур. 2:4, 5). хц23.10 х. 18–19 д/м 3–5
10 сарын 24, баасан
Хамгийн гол нь, бие биеэ халуун сэтгэлээр хайрла. Учир нь хайр тоо томшгүй нүглийг далдалдаг (1 Петр 4:8).
Элч Петрийн ашигласан «халуун сэтгэл» гэж орчуулдаг үг нь «сунгах» гэсэн утгатай. Уг зүйлийн дараагийн хэсэгт халуун сэтгэлээр хайрладаг хүн ах дүүсийнхээ нүглийг далдалдаг гэж бичжээ. Маш их толботой ширээг төсөөлөөрэй. Сунадаг материалтай бүтээлгийг хоёр талаас нь татаж байгаад бүтээвэл ширээн дээрх ганц хоёр ч биш, бүх толбыг далдална. Үүн шиг бид итгэл нэгтнээ гэсэн хайраа «сунгавал» нэг хоёр биш, «тоо томшгүй нүглийг далдлах» буюу уучилж чадна. Бид итгэл нэгтнээ халуун сэтгэлээр хайрлаж, уучилж чадмааргүй санагдсан үед ч уучилдаг байх ёстой (Кол. 3:13). Бусдыг уучилбал хайр маань чин сэтгэлийнх гэдгийг, мөн Еховад таалагдахыг хүсдэгээ батална. хц23.11 х. 11–12 д/м 13–15