Эмнэлгийн тусламж яаралтай авах хэрэг гарлаа гэхэд та бэлэн үү?
Эмнэлгийн тусламж авах хэрэг гэнэт гарч болох юм (Иак. 4:14). Тиймээс аль болох урьдаас бэлэн байхыг хичээх нь хэрсүү ухаалаг хэрэг (Сур. 22:3). Тийм үед эмч мэргэжилтнүүдийн санал болгох эмчилгээний арга хувилбараас алийг нь зөвшөөрөхөө шийдчихсэн үү? Энэ шийдвэрээ бичгээр буулгасан уу? Ухаалаг шийдвэр гаргахад «Цусгүй эмчилгээ—Баримтат цуврал» (Transfusion-Alternatives—Documentary Series) гэсэн DVD-д багтсан гурван цувралын 2-р хэсэг буюу «Цусгүй эмчилгээ ба өвчтний хэрэгцээг хангаж, эрхийг дээдлэх нь» (Transfusion-Alternative Health Care—Meeting Patient Needs and Rights) гэсэн хэсгийг үзвэл тустай. Кино үзэнгээ доорх асуултуудад хариулж чадах эсэхээ шалгаж үзээрэй. Кинонд мэс заслын явцаас бас харуулдаг тул эцэг эхчүүд бага насны хүүхдүүдтэйгээ хамт үзэхдээ юу үзүүлэхээ бодох хэрэгтэй.
1) Ямар учраас зарим эмч мэргэжилтэн эмчилгээний зорилгоор цус хэрэглэх тухайд үзэл бодлоо өөрчилж байна вэ? 2) Цус хэрэглэхгүй хийсэн гурван хүнд мэс заслын жишээ хэлнэ үү. 3) Дэлхий дахинд олон зуун эмч, мэс засалч цусгүй эмчилгээг илүүд үздэг болсны учир юу вэ? 4) Сүүлийн үеийн судалгаанаас эмчилгээний зорилгоор цус хэрэглэх талаар юу мэдэж болох вэ? 5) Цус сэлбэх нь ямар аюултай вэ? 6) Цусгүй эмчилгээний ач холбогдлыг мэргэжилтнүүд хэрхэн дүгнэсэн бэ? 7) Цус багадалт гэж юу вэ? Ямар арга хэмжээ авч болох вэ? 8) Улаан эсийг хэрхэн төлжүүлэх вэ? 9) Мэс засал хийхдээ цус алдалтыг багасгахын тулд ямар ямар арга хэрэглэдэг вэ? 10) Цусгүй эмчилгээг бага насны хүүхэд, биеийнх нь байдал тун хүнд байгаа хүмүүст хэрэглэж болдог уу? 11) Эмч мэргэжилтнүүдийн баримтлах шаардлагатай ёс зүйн нэг зарчим юу вэ?
Кинонд үзүүлж буй эмчилгээний заримыг мөс чанараараа сонгох учиртай тул эмнэлгийн тусламж яаралтай авах хэрэг гарахад л шийдвэр гаргах нь ухаалаг бус юм. «Бурхны хайр» номын 7-р бүлэг, тухайн бүлэгт дурдсан нэмэлт материал, 2006 оны 11-р сарын «Христиан үйлчлэл»-ийн хавсралт зэрэг нь сайн бодож байгаад ухаалаг шийдвэр гаргахад тусална. Та баптисм хүртсэн бол ХЗИ-д шийдвэрээ бичээд, үргэлж биедээ авч явж байгаарай.
[3-р хуудасны товчлол]
Эмч мэргэжилтнүүдийн санал болгох эмчилгээний арга хувилбараас алийг нь зөвшөөрөхөө шийдчихсэн үү? Энэ шийдвэрээ бичгээр буулгасан уу?