2014 оны чуулгантай холбоотой сануулга
◼ Цагийн хуваарь: Танхимын хаалга 8:00-д онгойно. Чуулганы хоёр өдөр 9:20-д хөгжим эгшиглэнэ. Чуулганыг эмх журамтай, хүндэтгэлтэй явуулахын тулд хөгжим эгшиглэхэд бүх хүн суудлаа эзлэх учиртай. Бямба гаригт 17:10-т, ням гаригт 15:55-д дуу дуулж залбираад хөтөлбөрөө дуусгана.
◼ Олон улсын чуулган: Зарим газар олон улсын чуулган болно. Салбар чуулган болох газрын суудлын тоо, машины зогсоол, зочид буудлын багтаамжийг сайтар тооцоолж байгаад гадаадын зочид төлөөлөгчдийг урьдгийг санаарай. Уригдаагүй байж олон улсын чуулганд очвол суудал хүрэлцэхгүй байж мэднэ. Нутгийнхаасаа өөр чуулганд суух хэрэг гарлаа ч олон улсын чуулганд битгий очоорой.
◼ Машины зогсоол: Машин тавихад төлбөргүй, ирсэн дарааллаар тавина. Ер нь, зогсоолын талбай хязгаартай байдаг учир машинтай хүн бүр машинаараа ирэх биш, боломжтой бол, нөгөөгийнхдөө дайгдаарай.
◼ Суудал авах: Хаалга нээхэд бие биеэсээ өрсөж, дуртай газраа суух гэж битгий яараарай. Амин хувиа хичээлгүй, бусдын сайн сайхныг бодоорой. Жинхэнэ христианы онцлог болсон чанарыг илэрхийлбэл Гэрч биш хүмүүс Бурхныг магтан алдаршуулна (Иох. 13:34, 35; 1 Кор. 13:4, 5; 1 Петр 2:12). Хамт амьдардаг юм уу хамт яваа хүмүүст эсвэл суралцагчдадаа л суудал авч болно. Өндөр настай болон хөгжлийн бэрхшээлтэй хүмүүст зориулсан суудлын тоо хязгаартай тул асран халамжлах нэг юм уу хоёр хүн л хамт сууж болно.
◼ Өдрийн хоол: Завсарлагаанаар хоол авах гэж гадагшаа гарахын оронд суудал доороо тавьж болохоор овор хэмжээ багатай саванд хоол хийгээд гэрээсээ авчраарай. Том юм уу шилэн сав авчирж болохгүй.
◼ Хандив: Дэлхий дахины үйл хэргийг дэмжих зорилгоор сайн дурын хандив өргөх нь чуулган зохиодогт талархлаа илэрхийлэх арга юм.
◼ Эм: Хэрэв та эмчийн жороор эм уудаг бол авч ирэхээ бүү мартаарай. Анхны тусламжийн тасагт тийм эм байдаггүй. Чихрийн шижин гэх мэтийн өвчний улмаас тариа тогтмол хийдэг бол тариур, зүү зэргийг ердийн хог хаягдлын саванд хийх ёсгүйг анхаарна уу.
◼ Гэмтэж бэртэхээс сэргийлэх нь: Халтирч, эсвэл унаж бэртэхээс болгоомжлоорой. Халтирдаг гутал, ялангуяа өндөр өсгийтэй гутал өмссөнөөс болж гэмтэж бэртэх тохиолдол жил бүр гардаг. Налуу газар, шат зэргээр явахад аюулгүй, хөлд эвтэйхэн гутал өмсөх нь зүйтэй.
◼ Сонсгол муутай бол: Танхимд хөтөлбөрийг ФМ радиогийн долгионоор цацдаг. Тиймээс зайгаар ажилладаг жижиг ФМ радио, чихэвч авчраарай.
◼ Хүүхдийн тэрэг, эвхдэг сандал: Хүүхдийн тэрэг болон эвхдэг сандал авчирж болохгүй. Харин хүүхэд унахаас хамгаалдаг зориулалтын сандлыг эцэг эх нь хажуугийнхаа суудалд бэхэлж болно.
◼ Үнэртэн: Чуулган битүү барилга байгууламжид болдог учир амьсгалын замын болон бусад өвчтэй хүмүүст сөргөөр нөлөөлж болзошгүй хурц үнэртэн, сүрчиг зэргийг хэрэглэхдээ ухаалаг байгаарай (1 Кор. 10:24).
◼ Зоогийн газар: Биеэ зөв авч явбал Еховагийн нэрийг алдаршуулна. Христиан хүнд зохистой хувцас өмсөх нь чухал. Чуулган болох газар, зөөгчид цайны мөнгө өгдөг заншилтай бол өгөх нь зүйтэй.
◼ Сайн дураараа үйлчлэх: Сайн дураараа туслах хүсэлтэй бол чуулганы Сайн дурын үйлчлэлийн тасагт мэдэгдээрэй. 16-гаас доош насны хүүхдүүд ч эцэг эх юм уу асран хамгаалагч, эсвэл тэдний итгэмжилсэн, насанд хүрсэн хүний хараа хяналтан дор ажиллаж, хувь нэмэр оруулж болно.