Бурхны Хаант төр юу хийх вэ?

Библид юу гэж байдаг вэ?

Бурхны Хаант төр хүний бүх засгийн газрыг халж, дэлхийг бүхэлд нь захирна (Даниел 2:44; Илчлэлт 16:14). Тэр цагт Бурхны Хаант төр ...

• Амин хувиа боддог, хорон муу хүмүүсийг устгана. «Харин хар санаатан газраас тастагдана» (Сургаалт үгс 2:22).

• Дайныг үгүй хийнэ. «[Бурхан] дэлхийн хязгаарт хүртэл дайныг зогсоодог» (Дуулал 46:9).

• Хүмүүсийг элбэг хангалуун, амар тайван амьдруулна. «Хүн тус бүр өөрийн усан үзмийн болон инжрийн модны дор сууна. Тэднийг айлгах ямар ч хүнгүй болно» (Мика 4:4).

• Дэлхийг диваажин болгоно. «Зэлүүд газар, цөл баярлан, Араба ч баясан, замар цэцэг мэт дэлгэрнэ» (Исаиа 35:1).

• Хүн бүрийг сонирхол татсан ажилтай болгож, хөдөлмөрийнх нь үр шимийг хүртээнэ. «[Бурхны] сонгосон хүмүүс өөрсдийнхөө гарын бүтээлийг өмсөнө. Тэд дэмий хоосон ажиллахгүй» (Исаиа 65:21–23).

• Өвчин эмгэгийг арилгана. «“Би өвчтэй байна” гэж нэг ч оршин суугч өгүүлэхгүй» (Исаиа 33:24).

• Хөгшрөлтийг зогсооно. «Түүний махан бие залуу үеийнхээс ч илүү сэргэг болог. Тэрээр залуугийнхаа хүч тэнхээтэй өдрүүдэд буцаж очиг» (Иов 33:25).

• Нас барагсдыг амилуулна. «Булшинд байгчид бүгдээрээ [Есүсийн] дууг сонсон, гарч ирнэ» (Иохан 5:28, 29).