Та алийг нь сонгох вэ?

Орчлон ертөнц болон амьд биес Бурхны бүтээл үү? Эсвэл санамсаргүй бий болсон уу? Өгүүллийн эхэнд эш татсан хоёр физикчийн үг ч, Библийн хамгийн эхний үг ч энэ асуултын хариу болдог. Гэхдээ хоёр хариу хоорондоо илт зөрчилдөж байгааг та анзаарав уу? Энэ хоёр үзэл бодол өөр өөрийн гэсэн идэвхтэй дэмжигчидтэй. Алийг нь сонгохоо мэдэхгүй эргэлздэг хүн ч олон бий. Хүмүүс энэ хоёр асуултыг алдартай номууд болон шоу нэвтрүүлгүүдэд сөргүүлэн тавьж, мэтгэлцдэг.

Орчлон ертөнц хар аяндаа бий болсон, бүтээгч байхгүй гэж сургуульд заадаг. Гэхдээ багш нар Бүтээгч байхгүйн нотолгоог үзүүлдэг билүү? Нөгөөтээгүүр шашны удирдагчид Бүтээгч байдаг гэж номлодгийг та дуулсан байх. Гэхдээ тэд үүнийгээ батлах баримт нотолгоог хэлж өгдөг билүү? Эсвэл «Зүгээр л итгэ» гэдэг үү?

Бүтээгч байдаг эсэхийг хөдөлгөөнгүй нотлох хүн бараг байхгүй гэж та бодож байсан байх. Тэгээд ч энэ асуултын хариуг мэдэх нь тийм чухал юм уу гэж гайхаж болох юм.

Олон хүнд Бүтээгч байдаг гэсэн итгэл төрүүлсэн баримт нотолгоог «Сэрцгээ!» сэтгүүлийн энэ дугаарт нийтэлж байна. Түүнчлэн «Амьдралын үүсэл гарлыг мэдэх нь яагаад чухал вэ?» гэдэг асуултад хариу өгнө.