Nyumba Yotaama yoBabeli

Mutokora nuuvira, ahima a Nowe yahabaala anamwani owinjhiva. Nuuvira mudhidhi, emudhiya weraga wenjhedhedheya. Aliwa obalaleyela mburo dhimodha ninga Yehova aawogiliye.

Mbwenye amodha kiyafuna omwiwelela Yehova. Bumwahaya edhe ewogege yegi: ‘Kanibalaleye. Mbwenye nikale mburo mmodhave, nimage sidadi ni nyumba yotaama enaagomele odhulu. Nera ndo nnere othabwa ovuwa.’

Yehova kahagalale naaliwa. Ohunona ethu Yehova eriliyena? Oliye ovunganyedha ewogelo yewa, kadda muthu owogaga ewogelo yayeene. Aliwa kiyiwanana. Bumwahaya, edhe ehiyege omaga nyumba ele yotaama. Vano sidadi ele ononiwa ninga Babeli enatapulela “ohiwanana.” Numala aliwa omwadheyela mburo dhimodha ninga Yehova mwafuneliye. Mbwenye kiyaselele werana dhithu dhabure. Nerege kaaliwo muthu amudhivela Yehova? Kabe noone.