Madhu Oobajha a Epaddi 14

Makiristawu a nsaka noobajha yahilaleya muthenga dhapama dha Omwene mburo dholapela. Yesu owatonyihedha mburo yahoweliwa olaleyawo teto ahavaha thotho yowoga dhiwogelo dhimodha. Ndala, athuya yowanda ovuruwana muthenga ni ewogelo yewa. Anamahara ale yoharahariwa vanlubale mbwenye Yehova owavaha kopolo ni oliba murima.

Yesu omooniha murumiwi Juwawu mpaddo woomwene wa Yehova. nuwindo, Juwawu woona Omwene wa Mulugu omugonjhihaga Saddana ni amarihaga onamathonga waye nimukalakala velaboni yavati. Juwawu ahimoona Yesu athongaga ninga Mwene ni a 144 000 ethongaga vamodha ni oliye. Ohiya eyo, Juwawu woona elabo esadduwaga ekalaga parayizu teto athu aatene emwebedhaga Yehova mwimodhani ni murenddele.