Bibliya muthenga anivahile Mulugu

Yehova ohunivaha nvaho wohagalasa: Bibliya. Nvaho ola onna malivuru mang’ono owakwana 66. Vano we podi wikoha: ‘Bibliya adhele wuvi? Yubuwelo dhili mBibliyani saani?’ Wihina nawakule makoho ala nrajhihe woona makalelo nimwakenlihu Bibliya.

1. Akala athu bimulembe Bibliya, mwahaya bwaddi nigawoga wi madhu a Mulugu?

Bibliya alebiwe ni athu owakwana 40 muwari mwa yaka 1600. Livuru noobajha nlebiwe yaka ya 1513 M.W.O; vano noogomihera nlebiwe yaka ya 98 M.W. Athu amodha emulebe yaali: Anamakukula, anamatota oba teto amodha yaali anamathonga, eyo enowoniha wihina athu emulembe Bibliya yaali ohiyana-iyana. Naari dhigari ndo, dhipaddi dhatedhene dha mBibliyani dhinowiwana. Mwaha wa ddi? Mwaha wi Bibliya anadhela wa Mulugu. (Omwileri 1 Tessalonicenses 2:13.) Athu ala kilembe yubuwelo dhewa. Mbwenye ‘yahiwoga wodhela Mulugu elabihedhiwaga ni muzimu wotxena.’a (2 Pedro 1:21) Alabihedhaga muzimu waye wotxena, Mulugu wavethela obe wathukulela alobwana ale oleba yubuwelo dhaye. — 2 Timóteo 3:16.

2. Mulugu alebenle aani Bibliya?

Mulugu aalebenle Bibliya athu a ‘malogo, mahimo, dhiwogelo ni athu atene.’ (Omwileri Apocalipse 14:6.) Bumwahaya Mulugu adhe enyege wihina Bibliya atapuleliwe ni dhiwogelo dhowinjhiva wapitha malivuru amatene. Athu a dhilabo dhatedhene podi wileri muthenga dhapama dhili mBibliyani, naari egaali a dhilabo ni dhiwogelo dhohiyana-iyana.

3. Yehova ambarele addi Bibliya?

Bibliya ohufwanyiwa makathamiho manlubale, mbwenye Yehova kahile wihina muthu obe ethu-sithu emuthihe onaddela muthenga waye. Ethu yobajha sowihina yalabihedhiwe dhithu dhihinaliba otala, ninga koru ni papiru. Ki dhandeyile avi wihina Bibliya anifwanye? Mwaha athu yamudhivela Bibliya, aliwa yokopiyari Madhu a Mulugu dila dhowinjhivadhene ekopiyarelaga koru dhixa ni papiru dhixa. Makathamiho mamodha sowihina athu yanna owedha ehixixa omutolosa Bibliya. Naari dhigari ndo Yehova ohabarela madhu aye! Mudhidhi watene wahikala athu yahela egumi yewa vang’ovini wihina embarele Bibliya. Eyo enowiwanana ni ele anawoga Bibliya egi: ‘Madhu a Mulugu ehu enokalawo ni mukala-kala.’ — Isaías 40:8.

OHUDHERE DHITHU DHIMODHA

4. Madhu a Mulugu enomuwoga mwinya a Bibliya

Woone VIDIYU. Wamala omwileri 2 Timóteo 3:16, muthapanyedhe.

VIDIYU: Mwinnya a Bibliya baani? — Epaddi ya vidiyu (2:48)

• Akala athu bimulembe Bibliya, mwahaya bwaddi agithaniwa Madhu a Mulugu?

• Onorumedha wihina Mulugu diwaddenle yubuwelo dhaye athu enakala mwilaboni ya vati?

5. Bibliya ohuthabwa ofwanyiwa makathamiho, mbwenye ofiyedha peeno ohukalawo

VIDIYU: Aliwa yonvaha thima Bibliya — Ogwaddela (William Tyndale) (6:17)

• Nuumala onona dhithu dhatedhene yerilena athu wi embarele Bibliya, onokanna efunelo ya omwileri? Mwaha wa ddi?

Omwileri Salmos 119:97, mwamala muthapanyedhe nikoho nnaharela:

• Mwahaya bwaddi athu edhe ehelege egumi yewa vang’ovini wihina emutapulele ni emugawe Bibliya?

6. Livuru naathu atene

Bibliya livuru nithambwe otapuleliwa ni nnathabwa ogawiwa wapela elabo yatene. Omwileri Atos 10:34, 35, mwamala muthapanyedhe makoho enaharela:

• Mulugu anafunela ddi wihina Bibliya atapuleliwe ni agawiwe ni dhiwogelo dhowinjhiva?

• Enathabwa othukula murima wodhela Bibliya ddi?

OVIRISEDHA

Bibliya Madhu a Mulugu, oliye ohera dhatedhene wihina athu atene ekalena.

Ogwaddela

• Bibliya egi Mulugu ohavethela athu wi emulebe, enatapulela ddi?

• Enathukula murima ddi wodhela makalelo atapuleliwe ni anagawiwa Bibliya? Ononamo avi mwaha wa Bibliya wakwaranya makathamiho amatene enfwanye?

• Ononamo avi mwaha wa dhithu dhatedhene Mulugu eriliyena wihina uwaddele muthenga waye?

WEGI ONONE DHITHU DHIMODHA

Wileri dhithu dhimpadduwele Bibliya, obajha dholebela dha mada dhakale ofiyedha aBibliya enatapuleliwa peeno.

“Bibliya afinye aavi malabo ala a peeno” (Despertai!, Novembro a 2007)

Woone makalelo Bibliya aagonjhihiye makathamiho mararu.

“Thalako yotikiniha wodhela makalelo Bibliya afiliye peeno” (A Sentinela, n.º 4 a 2016)

Woone makathamiho yaafwannye athu yamutapulela Bibliya.

Aliwa yonvaha thima Bibliya (14:26)

Bibliya ohutapuleliwa ni ohukopiyariwa dila dhowinjhivadhene. Ki onakanne avi ebaribari wi madhu a mBibliyani kisadduliwe?

“Bibliya ohusadduliwa?” (Epaddi ya mu jw.org)