Watchtower BIBLIYOTEKA ONLAYINI
Watchtower
BIBLIYOTEKA ONLAYINI
Emanyawa
  • BIBLIYA
  • MALIVURU
  • MUTUGUMANO
  • lff ohudhera 60
  • Odideleve olibiha wandana wawo ni Yehova

Vidiyu osakuliwe kamo

Nlevelele, ehikala makathamiho ni vidiyu ela

  • Odideleve olibiha wandana wawo ni Yehova
  • Ofwanye egumi yohagalasa ya malabo amatene!—Omuhudhera Bibliya mwa makalelo oothapanyedha
  • Mwanamusolo
  • Dhithu dholigana
  • OHUDHERE DHITHU DHIMODHA
  • OVIRISEDHA
  • WEGI ONONE DHITHU DHIMODHA
  • 12 Okanna dholuba
    Mukale mento!—2018
  • Azombwe — Mudhowegeve Munnuwelagavo Epaddi Yomuzimuni Mwamala Obaddiziwa
    Namasugwera Alaleyaga Omwene Wa Yehova (Yohudhera)—2022
  • Okanne ni wakwanelihe dholuba dhomuzimuni
    Namasugwera Alaleyaga Omwene Wa Yehova (Yohudhera)—2022
Ofwanye egumi yohagalasa ya malabo amatene!—Omuhudhera Bibliya mwa makalelo oothapanyedha
lff ohudhera 60
Ohudhera 60. Muhiyana dhala agakiratile mukodde amwilerigi Bibliya. Livuru ‘Achegue-se a Jeová’ nigaari vameza.

OHUDHERA 60

Odidele olibiha wandana wawo ni Yehova

Oopidiwa
Oopidiwa
Oopidiwa

Omuhudheraga Bibliya ni livuru nna, ohuhudhera dhithu dhowinjhiva wodhela Yehova. Dhithu dhatedhene ohudheriwe dhihenjhedhedha odhivela wawo nuliye. Podi wera ohupeleka egumawo wa Yehova ni ohubaddiziwa. Mbwenye akala naari podi wihina onna wubuwela werana thalo ndho mohulegela. Mbwenye obaddiziwa kahi omakuthulo wa dhithu dhatedhene. Enohoweleya olibihagave wandana wawo ni Yehova malabo amatene. Ki nimakalelo baani?

1. Mwahaya bwaddi ekala yapama odidelave olibiha wandana wehu ni Yehova?

Nnohowela wilibihera wenjhedhedha wandana wehu ni Yehova. Mwahaya bwaddi? ‘Wihina nihipupuruwe,’ obe, wihina nihimulapele oliye. (Hebreus 2:1) Enaanikavihere ddi odhowave omulabela Yehova nuroromeleya? Enohoweleya wilibihera mmabasani oolaleya ni osayela makalelo owenjhedhedha mabasa ehu a Yehova. (Omwileri Filipenses 3:16.) Omulabela Yehova yothoma yapama yofwanelela mwigumini mwehu! — Salmo 84:10.

2. Ki dhithu dhimodha onahoweliwe werana ddiniya?

Naarive ogamarihe omuhudhera Bibliya ni livuru nna, onna obajhawene omulabela Yehova. Bibliya anihina nnohowela ‘owara emuthu exa,’ obe, nnohowela otajhiha dhikalelo dha Yehova ofiyedha vinandelihu. (Efésios 4:23, 24) Wihina nande, nnohowela omuhudhera Bibliya nudhowa omutugumanoni. Nadidela ohudhera dhithu dhixa wodhela Yehova vamodha ni dhikalelo dhaye, teto nasaddula egumi yehu, nnere ohagalasa murima wa Babihu, Yehova.

3. Yehova anukavihere aavi wihina wandana weenyu okaleve wooliba?

Bibliya anihina: ‘Mulugu . . . anere wakwanihedha oxagihiwa weenyu. Oliye anere wuvahani kopolo, oliba murima, ni anere wukaviherani wimela txithi.’ (1 Pedro 5:10) Atene iyo nnofwanyiwa dhoweha, mbwenye Yehova anere onivaha kopolo nnahowelihu wihina nikaleve oororomeleya woliye. (Salmos 139:23, 24) Oliye anopaganya wuvaha efunelo ni kopolo dhomulabela nuroromeleya. — Omwileri Filipenses 2:13.

OHUDHERE DHITHU DHIMODHA

Woone makalelo odidelave olibiha wandana wawo ni Yehova ni wawakela mareeliho aye mwigumini mwawo.

4. Kuhiye othapanya ni mukwawo avanikutani

Olobela ni omwileri Bibliya winere wukavihera wandana ni Yehova. Ki dhithu ndho dhinukavihere aavi onfiyedhagave oliye?

Mmwileri Salmos 62:8, mwamala muthapanyedhe nikoho nnaharela:

  • Wihina olibiheve wandana wawo ni Yehova, onawomihedhe aavi malobelo awo?

Mmwileri Salmos 1:2 vamodha nnota, mwamala muthapanyedhe nikoho nnaharela:

  • Wihina olibiheve wandana wawo ni Yehova, onawomihedhe aavi makalelo awo oomwileri Bibliya?

Onawomihedhe aavi makalelo awo a ohudhera wavayeka? Wegi onone dhithu dhimodha, musugwe VIDIYU, mwamala muthapanyedhe nikoho nnaharela.

VIDIYU: Owomihedhe ohudhera wawo wavayeka (5:22)

  • Dhithu baani dhiwogiwe nvidiyuni onafuniwe oparihedha mabasa?

  • Muselu baani onafuniwe ohudhera?

5. Okalena dholuba dhomuzimuni

Okalana dholuba dhomuzimuni dhinere wukavihera okanna wandana wooliba nuliye. Musugwe VIDIYU, mwamala muthapanyedhe nikoho nnaharela.

VIDIYU: Egumi yowoma opitha dhatedhene (3:31)

  • Okanna dholuba dhomuzimuni dhimukavihere aavi Cameron?

Kadhinenyeya athu aatene otamela mburo winahoweleya anamalaleya. Mbwenye aatene iyo podi okanna dholuba dhomuzimuni. Mmwileri Provérbios 21:5, mwamala muthapanyedhe dholuba onafuniwe okanna . . .

  • mmulogoni.

  • mmabasani oolaleya.

Yolebela ela enukavihere aavi wakwanihedha dholuba dhawo?

Dholuba onafwaneleliwe okanna

  • Wawomihedha malobelo awo.

  • Omwileri Bibliya aatene.

  • Wanona addibila aatene ammulogoni.

  • Okanna namahudherawo a Bibliya.

  • Olaba ninga piyonero okavihera obe amudhidhi wamutene.

  • Akala ori ddibila, wilibihere wihina okale mudhaari ookavihera.

6. Ofwanye egumi yohagalasa ya malabo amatene!

Mmwileri Salmos 22:26, mwamala muthapanyedhe nikoho nnaharela:

  • Wegi ohagalale ovanene ni ofwanye ohagalala wa malabo amatene enahoweleya were ddi?

Athu egaari mwilaboni exa.

OVIRISEDHA

Odidele olibiha wandana wawo ni Yehova ni okanna dholuba dhomuzimuni. Werana ndo onere ohagalala malabo amatene!

Ogwaddela

  • Enuvaha ebaribari wihina Yehova anere wukavihera omulabela nuroromeleya ddi?

  • Onande aavi olibiha wandana wawo ni Yehova?

  • Okanna dholuba dhomuzimuni winuukavihere aavi olibiha wandana wawo ni Yehova?

Yoluba

WEGI ONONE DHITHU DHIMODHA

Yamuhagalase Yehova ddi: ororomeleya winlubale wimodha baahi obe ororomeleya wawo egumi yatene?

Okale oororomeleya ninga Abarawu (9:20)

Nadhaariya oororomeleya a Yehova podi oyelela ohagalala. Woone makalelo ohogolowela ohagalala.

Ohogolowela ohagalala wanniwena mwaha omuhudhera Bibliya ni opendda (5:25)

Onande aavi okanna dholuba dhomuzimuni ni wakwanihedha?

“Okanne dholuba dhomuzimuni wihina onvuwihe Mpaddusi awo” (A Sentinela, 15 a Julho a 2004)

Mwahaya bwaddi ekala yapama okala mukiristawu owithwelavo omuzimuni? Ki onande aavi okala ndo?

“Nidhowegeve nunnuwelagavo epaddi yomuzimuni — ‘labo ninlubale na Yehova ninna waddamela’” (A Sentinela, 15 a Maio a 2009)

    Malivuru Emanyawa (2013-2025)
    Okume
    Volowa
    • Emanyawa
    • winviyari
    • Munafuninyu
    • Copyright © 2025 Watch Tower Bible and Tract Society of Pennsylvania
    • Malamulo enarumedha
    • Política de Privacidade
    • Privacy Settings
    • JW.ORG
    • Volowa
    winviyari