Okale ookweya

Ethu erilena Yesu

VIDIYU: Yesu anoladdaniha makalelo Babihu ananisamaaleliye

1. Osugwe VIDIYU obe omwileri Matewuji 6:25-27. Wamala wawaakule makoho enaharela:

1. Yesu aladdaninhe aavi makalelo Yehova ananisamaaleliye?

2. Yesu ahinona dhithu dhowinjhiva wodhela balame, mbwenye oliye apwaasendhe ethu modha yokweya. Ethu baani? Mwahaya bwaddi edhe ekalege makalelo apama ohudhiha?

Nnahudhera ddi ni Yesu?

2. Naahudhihaga athu mwamakalelo okweya, enowanda wubuwela dhithu nnahudhihihu ni nnowanda wadahinya murima.

Omutajhihe Yesu

3. Kuthabwege owoga. Ohiya owoga dhithu dhatedhene ononniwe wodhela muselu yoole, owogege muselu onafwanyeya musolo oli livuru munahudherinyu. Wamukoha, ojhehe nuuvilela wihina namahudhera awo aakule. Ahinona yowakulaya obe aakula ethu ehiniwanana ni Bibiliya, wawerena makoho wihina omukavihere opendda museluya munahudherinyu. Namahudheraya oonelamo mutomaya, odhowele ponto enaharela.

4. Omoonihe namahudhera awo makalelo oniwanana muselu ahudheriye nuule anahudheriye. Motajhiha, muhunathapanyedhe muselu onawoga wodhela ovenyihiwa muukwani, we podi ovirisedha muselu namahudhera awo ahudhenriye wodhela anookwa.

5. Onone olabihedha dholaddaniha. Ohunalabihedhe yoladdaniha wikohe:

1. ‘Yoladdanihaya sokweya?’

2. ‘Namahudheraga anere wanda woonelamo mwamakalelo ookweya?’

3. ‘Enere omukavihera namahudhera aaga wonelamo mutomaya — ohiya yoladdanihave?’