WILIBIHERE MMABASANI OOLALEYA | MAKALELO OOFWANYA OHAGALALA MMALALEYELO
Waakavihere anamahudhera a Bibliya woona mutugumano
Mutugumano dhinokosa epaddi ya webedha woweela. (Sal 22:22) Athu atene enatugumana wihina emwebedhe Yehova enofwanya ohagalala ni mareeliho. (Sal 65:4) Anamahudhera a Bibliya yatugumanaga, kinaliba wunnuwelavo epaddi yomuzimuni.
Onaakavihere addi anamahudhera a Bibliya otugumana? Waalobe wihina edhowe omutugumanoni. Wawonihe vidiyu Nyumba Yomwene Munereya ddi? Wawaaddele mareeliho baani muthu anawakeliye mwaha otugumana. (Ofwanye egumi yohagalasa ya malabo amatene! musolo 10) Podi owoga ethu ohudheriwe omutugumanoni obe dhithu munafuninyu ohudhera mutugumano onaharela. Waavahe anamahudhera awo malivuru enasuziwa omutugumanoni. Ohiya eyo, podi omukavihere wodhela onvaha boleya obe ethu-sithu. Mohanganyedha, onere ohagalala vanlubale mwaha wilibihera wawo wihina omukavihere namahudhera woona mutugumano waye wobajha.—1Co 14:24, 25.
OSUGWE VIDIYU WAAKAVIHERE ANAMAHUDHERA AWO ODHOWA OMUTUGUMANONI, WAMALA WAWAKULE MAKOHO ALA:
Rita apathile ofuru baani wihina amulobe Jadi woona mutugumano?
Mwahaya bwaddi nigahagalala namahudhera a Bibliya adhowa omutugumanoni?
“Mwebaribarene Mulugu ari ni nyu”
Dhitu baani dhimudhivele Jadi nuwoona mutugumano waye wobajha?