Wakavihere anamahudhera awo ogonjhiha dhilemelelo dhonyakavala

Athu enakanna wandana wapama ni Yehova baale eri oweela epaddi yomuzimuni. (1Pe 1:14-16) Anamahudhera yasukuma dhilemelelo dhabure, enere okanna murala wohagalala, egumi yapama, ni enere onona weeddiha pama korowadhiwa.

Watapulelemo pama anamahudhera awo malamulo a Yehova, mwahaya bwaddi adhe aavahege ni mareelihoya nnawakelihu naawiwelelaga. Wakavihere osaddula mubuwelo wewa ni dhowera dhewa. (Ef 4:22-24) Wawaddele wihina nnikavihero na Yehova aliwa podi ogonjhiha dhilemelelo dhonyakavala. (Fil 4:13) Waahudhihe olobela wa Yehova yaafunaga werana ethu yabure. Wakavihere onona ni orabela dhithu dhehe nroromelo newa. Wawaddele wihina ogonjhihave dhilemelelo dhabure kinaakwana, mbwenye enohoweleya okanna dhilemelelo dhapama. Onere ohagalala wawonaga anamahudhera awo esaddulaga egumiwa, nnikavihero na Yehova.

OSUGWE VIDIYU WAKAVIHERE ANAMAHUDHERA AWO OGONJHIHA DHILEMELELO DHONYAKAVALA, WAMALA WAWAKULE MAKOHO ALA:

• 

  Anamaholela mulogo ni Rita yoonihe addi wihina yomuroromela Jadi?

• 

  Rita adidele addi omukavihera Jadi?

• 

  Jadi avedile addi nikavihero na Yehova?