MWEDDELO WEHU WEKIRISTAWU
Yehova ononikavihera ogonjhiha dhoweha
Muwari wa malabo yala okuthula nnowanana makathamiho orusa. Malabo mamodha podi wubuwelaga wi ehithabwa orusa ni kanawedhe wawanana. Mbwenye nadidela omwaddamela Yehova oliye onere onikavihera wawanana podive egathabwile orusa. (Isa 43:2, 4) Naafwanyiwaga dhoweha nnande addi omwaddamela Yehova?
Malobelo. Nanfugulela murima wehu Yehova oliye ononivaha murenddele ni kopolo wihina nande owanana makathamiho. — Fil 4:6, 7; 1Te 5:17.
Mutugumano. Mudhidhi yola nirihu nnohowela yojha yomuzimuni opitha kale ni okala vamodha ni addibila. (He 10:24, 25) Niwiwegeredha wihina nivahe dhowakula dhehu omutugumanoni nnorelihiwa ni muzimu wotxena. — Ap 2:29.
Mabasa oolaleya. Enere okala yokweya okala oolibeene epaddi yomuzimuni nerana dhatedhene nnandihu wihina napare mabasa oolaleya. Teto nnere okanna wandana woliba ni addibilihu vamodha ni Yehova. — 1Co 3:5-10.
OSUGWE VIDIYU YEHOVA ANERE WUSAMALELA, WAMALA WAWAKULE MAKOHO ALA:
Ddiniyani yamukavihere Malu omwaddamela Yehova naarive afwanyiwaga dhoweha?
Ndala ninga Malu, madhu enafwanyeya va Salmos 34:18 enaanikavihere aavi mudhidhi naafwanyiwaga dhoweha?
Yopadduwa ya Malu enoniha aavi wi Yehova ononivaha ‘kopolo dhohikala dha masika’ naafwanyiwaga dhoweha? — 2Co 4:7