Watchtower BIBLIYOTEKA ONLAYINI
Watchtower
BIBLIYOTEKA ONLAYINI
Emanyawa
  • BIBLIYA
  • MALIVURU
  • MUTUGUMANO
  • w20 maiyu pp. 8-11
  • Amwene owiddana mudhidhi wokuthula

Vidiyu osakuliwe kamo

Nlevelele, ehikala makathamiho ni vidiyu ela

  • Amwene owiddana mudhidhi wokuthula
  • Namasugwera Alaleyaga Omwene Wa Yehova (Yohudhera)—2020
  • Dhithu dholigana
  • ‘Mwene oonorti’ mudhidhi wookuthula
    Namasugwera Alaleyaga Omwene Wa Yehova (Yohudhera)—2020
  • Peeno ‘mwene oonorti’ baani?
    Namasugwera Alaleyaga Omwene Wa Yehova (Yohudhera)—2020
  • Apocalipse—Anatapulela ddi wa amwiddani a Mulugu
    Namasugwera Alaleyaga Omwene Wa Yehova (Yohudhera)—2022
  • Ohudhere ni dhovuhulela dha mBibiliyani
    Namasugwera Alaleyaga Omwene Wa Yehova (Yohudhera)—2023
Namasugwera Alaleyaga Omwene Wa Yehova (Yohudhera)—2020
w20 maiyu pp. 8-11

Amwene owiddana mudhidhi wokuthula

Dhovuhulela dhimodha dhinawogiwa vala, dhinapadduwa mudhidhi mmodhave. Dhovuhulela dhatedhene dhinowoniha wi nnakala ‘malabo ookuthula.’​—Dan. 12:4.

A chart showing prophecies and the identity of the king of the north and king of the south from 1870 through present day.
  • Mudhidhi wa dhopadduwa 1-4, ononiha dhovuhulela dhakwanele mudhidhi mmodhave malabo ookuthula ni ofiyedha yaka ya 1870-1918. Malabo ookuthula eromile yaka ya 1914. Yovuhulela 1: Mwanenyama owopiha onna musolo mitanu nabili akumelele ehinathi ofiya yaka yooroma wa mudhidhi wa dhapadduwa. Koddo Yoroma ya Elabo Yatene ewaniwaga, musolo wanetanu nabili oporosiwa. Obajha yaka ya 1917 musolo wanetanu nabili ovola, vano mwanenyama owopiha ovulumuwa. Yovuhulela 2: Mwene oonorti ahoneya yaka ya 1871. Mwene oosul ahoneya yaka ya 1870. Yaka ya 1871 Alemanha daali mwene oonorti. Voobajha Grã-Bretanha aali mwene oosul, mbwenye yaka ya 1917 Potência Anglo-Americana okala mwene oosul. Yovuhulela 3: Obajha yaka ya 1870, Charles Russell vamodha naakwaye okala ‘amwimeleli’. Omambelelo wa yaka ya 1880 ‘Torre de Vigia de Sião’ wakongomedha anamileri wi elaleyege muthenga dhapama. Yovuhulela 4: Obajha yaka ya 1914 wambeliwa mabasa ohadda. Tirigu ni ntaajhe omwalanihiwa. Yovuhulela 5: Obajha yaka ya 1917, okumelela Potência enna manyalo a mujhila ni oologo. Fotu ela enowoniha ewaniwaga Koddo Yoroma ya Elabo Yatene yaka ya 1914-1918. Dhithu dhapadduwele anamona a Yehova: Obajha yaka ya 1914-1918, Anamahudhera a Bibliya ovokeriwa mukambura elabo yo Alemanha ni yo Grã-Bretanha. Yaka ya 1918 addibila yasogolela mabasa oolaleya o sede enlubale yo Estados Unidos ovokeriwa mukambura.
    Yovuhulela 1.

    Yolebela obe (dholebela) Apo. 11:7; 12:13, 17; 13:1-8, 12

    Yovuhulela. ‘Mwanenyama owopiha’ onowedda velaboni yavati yaka matxikwi ni matxikwi. Mudhidhi wokuthula, musolo wanetanu nabili onoporosiwa. Vasogolova, musolo onere ovola vano ‘elabo yatene yavati’ enere omuhara mwanenyama owopiha. Saddana onamulabihedha mwanenyama ola owopiha wi ‘awane koddo naale ehanle.’

    Wakwanela. Mutokora nuuvira, ehikumelela anamathonga eri amwiddani a Yehova. Nuuvira yaka dhowinjhivadhene, mudhidhi ewaniwaga koddo yooroma ya elabo yatene, Império Britânico ahikwerebeya vanlubale. Yamukavihere ofiyedha okanna kopolo dila bili, fuwandana waye ni Estados Unidos. Thabwathabwa mudhidhi wokuthula, Saddana anolabihedha onamathonga watene wihina aharahare nlogo na Mulugu.

  • Yovuhulela 2.

    Yolebela obe (dholebela) Dan. 11:25-45

    Yovuhulela. Mudhidhi wokuthula, mwene oonorti ni mwene oosul enere owanela othonga.

    Wakwanela. Yaka ya 1945, Alemanha ni a Potência Mundial Anglo-Americana, yahitatamula koddo ewanelaga othonga, teto, União Soviética ni eniwananiyena okala mwene o norte. Yaka ya 1991 União Soviética opwaramwasuwa, nuuvira mudhidhi, Rússia ni eniwananiyena okala mwene oonorti.

  • Yovuhulela 3.

    Yolebela obe (dholebela) Isa. 61:1; Mal. 3:1; Luc. 4:18

    Yovuhulela. Yehova anere omuruma ‘mwimeleli’ aye, wihina ‘egeredhe dila’ ohunathi ofiya mudhidhi wotikitedhiwa Omwene wa Mesiya. Nikuru nna, nnere obajha “olaleya muthenga dhapama, yaalaleyaga athu owogowa murima.”

    Wakwanela. Obajha yaka ya 1870, C. T. Russell vamodha naakwaye, yahilaba nuuviheya wihina evenyihedhe ebaribari ya mBibliyani. Yaka ya 1880 aliwa yahifiyedha woona wi enohoweleya adhari a Mulugu olaleya. Aliwa yahasasanya marevista yawoga wi “Enohoweleya anamalaleya owakwana 1000” ni “Oothikitheliwa wihina elaleyege.”

  • Yovuhulela 4.

    Yolebela obe (dholebela) Mat. 13:24-30, 36-43

    Yovuhulela. Mwiddani odhowa mmunddani mwa mulobwana, odhalamo nthaajhe. Vano mulobwana ohiya nthaajhe nne wunnuwa vamodha ni tirigu ofiyedha mudhidhi wohadda. Nuufiya mudhidhi wohadda, nthaajhe omwalanihiwa ni tirigu.

    Wakwanela. Obajha yaka ya 1800, makiristawu eebaribari enowoneya wi bohiyana ni makiristawu owoota. Mudhidhi ola wookuthula, makiristawu eebaribari enotukumanyiwa ni enomwalanihiwa ni makiristawu owoota.

  • Yovuhulela 5.

    Yolebela obe (dholebela) Dan. 2:31-33, 41-43

    Yovuhulela. Manyalo a mujhila ni oologo ahekwamuthu yubiwe ni mujhila dhohiyana-iyana.

    Wakwanela. Ologo enatapulela athu enathongiwa ni Potência Mundial Anglo-Americana, wula empambihaga. Mwaha wa yeyo, Potência Mundial Anglo-Americana analiganihiwa ni mujhila, kanawedha olabihedha kopolo dhaye mowakwanela.

  • Mudhidhi wa dhopadduwa, ononiha dhovuhulela dhakwanele mudhidhi mmodhave malabo ookuthula ni ofiyedha yaka ya 1919-1945. Yaka ya 1945, mwene oonorti aali Alemanha. Potência Anglo-Americana aali mwene oosul. Yovuhulela 6: Yaka ya 1919 makiristawu oothikitheliwa otugumanyiwa mmulogoni ovenyihedhiwe. Obajha yaka ya 1919 mabasa oolaleya wambeliwa opariwa ni kopolo. Yovuhulela 7: Yaka ya 1920 okungiwa A Liga das Nações okalawo ofiyedha mudhidhi ewaniwaga Koddo Yanabili ya Elabo Yatene. Fotu ela enoniha yovuhulela 1 wodhela mwanenyama owopiha onna musolo mitanu nabili ni yovuhulela 5 wodhela manyalo a mujhila ni oologo dhinnave wakwanela. Yaka ya 1939-1945 dhopadduwa dha mwilaboni: Koddo Yanabili ya Elabo Yatene. Dhithu dhapadduwele Anamona a Yehova: Yaka ya 1933-1945, addibila okwaranya 11 mil ovokeriwa mukambura elabo yo Alemanha. Yaka ya 1939-1945, podi wera addibila owakwana 1 600 yahivokeriwa mukambura elabo yo Grã-Bretanha. Yaka ya 1940-1944, elabo yo Estados Unidos addibila yahirijhiwa dila dhowakwana 2 500.
    Yovuhulela 6.

    Yolebela obe (dholebela) Mat. 13:30; 24:14, 45; 28:19, 20

    Yovuhulela. ‘Tirigu’ anere oheleliwa ‘vasasarani’, teto, ‘mudhari oororomeleya ni athotho’ dinaasakuliwe wihina akabelelege ‘nikuru ning’ono.’ Olaleyiwa wa muthenga ‘dhapama Dhomwene’ winere ‘wafwanya athu atene enakala mwilaboni yavati.’

    Wakwanela. Yaka ya 1919 mudhari oororomeleya disakuliwe wihina asamalelege nlogo na Mulugu. Obajha mudhidhi yole ofiyedha peeno, anamahudhera a Bibliya enowilibihera wihina ethukuwihe mabasa oomwene. Peeno, Anamona a Yehova enowapara mabasa oolaleya okwaranya dhilabo 200 ni enokumiha dhipano dha mBibliyani okwaranya dhiwogelo 1000.

  • Yovuhulela 7.

    Yolebela obe (dholebela) Dan. 12:11; Apo. 13:​11, 14, 15

    Yovuhulela. Mwanenyama owopiha onna manyaga menli ommadha awoge naathu enakala elabo yavati wihina ‘esasanye ekwamuthu ya mwanenyama owopiha.’ Vasogolova, mwanenyama anere ovaha ‘muuya ekwamuthu.’

    Wakwanela. Potência Mundial Anglo-Americana, divahile mubuwelo wihina egeredhiwe Liga das Nações. Nikuru nna nnokaviheriwa ni dhilabo dhimodha. Mwene oonorti ahitaganela ni Liga das Nações yaka ya 1926 baahi ofiyedha 1933. Peeno athu enaroromela wi Nações Unidas (ONU) amukavihera Liga das Nações, dhewa dhinere waweddela pama ni enubuwela wi aliwa enere odhana murenddele mwilaboni. Mbwenye Omwene wa Mulugu baahi, bunaadhena murenddele.

  • Mudhidhi wa dhopadduwa, ononiha dhovuhulela dhakwanele mudhidhi mmodhave malabo ookuthula ni ofiyedha yaka ya 1945-1991. Ofiyedha yaka ya 1991, mwene oonorti aali União Soviética vamodha naale eniwananiyena, nuuvira mudhidhi Rússia naale eniwananiyena ogwelavo vampaddoni. Potência Mundial Anglo-Americana daali Mwene oosul. Yovuhulela  8: Murabo wa mwisi onakala ninga yuwa, onatonyihedha otolosiwa waathu watatamuliwe ni Potência Mundial Anglo-Americana. Yovuhulela 9: Nações Unidas akungiwaga yaka ya 1945, ahimuhaba Liga das Nações. Fotu ela, enoniha yovuhulela 1 enamusoriha mwanenyama owopiha onna musolo mitanu nabili vamodha ni yovuhulela 5 wodhela manyalo a mujhila ni oologo dhinnave wakwanela. Yovuhulela 6: Yaka ya 1945, anamalaleya yahikwaranya 156 000. Yaka ya 1991,anamalaleya yahikwaranya 4.278.000. Dhithu dhapadduwele Anamona a Yehova: Yaka ya 1945-1950, matxikwi ni matxikwi aaddibila yahithukuleliwa o Sibéria elabo yo União Soviética.
    Yovuhulela 8.

    Yolebela obe (dholebela) Dan. 8:23, 24

    Yovuhulela. Mwene onna owali anere otota ‘otolosa ni makalelo ootikiniha.’

    Wakwanela. Potência Mundial Anglo-Americana, ahitota otolosiwa waathu dila dhowinjhivadhene. Mootajhiha, mudhidhi ewaniwaga koddo yanabili ya elabo yatene, Estados Unidos, ahatolosa amwiidani amodha a Potência Mundial Anglo-Americana ni makalelo ootikiniha wodhela bomba bili atômicas.

  • Yovuhulela 9.

    Yolebela obe (dholebela) Dan. 11:31; Apo. 17:3, 7-11, 16

    Yovuhulela. ‘Mwanenyama owopiha onna malemba ninga nyarugwe’ anokumelela mukwegweni, di mwene anetanu natharu. Manyaga aye owakwana kumi enomporosa ‘namararuwa’, vasogolova mwanenyama owopiha ommadha agujhuliwe. Livuru na Daniel nnomuliganiha mwene anetanu natharu ni ‘ethu yotakala enadhana makathamiho.’

    Wakwanela. Liga das Nações apwaramwasuwe mudhidhi ewaniwaga koddo yanabili ya elabo yatene. Koddo nuumala, ‘okungiwa’ ONU. Ninga vawogesa Liga das Nações, ONU onosoriha wi anere odhana murenddele, ethu enaadhiwena baahi ni Omwene wa Mulugu. Teto osogolo winayihu, ONU anere ogujhula webedha wowoota.

  • Mudhidhi wa dhopadduwa 1-4, ononiha dhovuhulela dhakwanele mudhidhi mmodhave malabo ookuthula ofiyedha Armajedo. Vano mwene oonorti di Rússia naale eniwananiyena. Mwene oosul di Potência Anglo-Americana. Yovuhulela 10: Anamathonga amwilaboni emmadha elaleyele ‘murenddele ni obareleya.’ Vasogolova ohoseya winlubale winere obajha. Yovuhulela 11: Anamathonga enere orijha webedha wowoota. Yovuhulela 12: Anathonga enere orijha nlogo na Mulugu. Makiristawu oothikitheliwa enahale velaboni yavati enere othukuleliwa odhulu. Yovuhulela 13: Armajedo. Ole omugwenle kavalo ootxena anere ogonjhiha. Mwanenyama owopiha onna musolo mitanu nabili onere oporosiwa; manyalo a ekwamuthu enlubale a mujhila ni oologo ogwaddiwa ni onyenyiwa. Fotu ela enoniha yovuhulela 1 wodhela mwanenyama owopiha onna musolo mitanu nabili, ni yovuhulela 5 wodhela manyalo a mujhila ni oologo, enere okalawo ofiyedha Armajedo. Yovuhulela 6: Peeno ehikalawo anamalaleya okwaranya 8 580 000. Dhithu dhapadduwele Anamona a Yehova yaka ya 2017, Anamathonga enowamaga addibila ni enowawaka nyumba dhiwa enapariwamo mabasa oomwene.
    Yovuhulela 10 ni  11.

    Yolebela obe (dholebela) 1 Tes. 5:3; Apo. 17:16

    Yovuhulela. Anamathonga enere olaleya ‘murenddele ni obareleya’, teto, ‘Manyaga kumi ni mwanenyama owopiha’ enere omurijha ‘namararuwa.’ Voharela, anamathonga enmadha egujhuliwe.

    Wakwanela. Anamathonga podi wera enere owoga wi nihanda odhana murenddele ni obareleya mwilaboni. Vasogolova, anamathonga enamukavihera ONU enere ogujhula webedha wowoota. Eyo enere odhana ohoseya winlubale. Ohoseya wula, winaamale ni ogujhuliwa wa elabo ya Saddana wodhela koddo ya Armajedo.

  • Yovuhulela 12.

    Yolebela obe (dholebela) Eze. 38:11, 14-17; Mat. 24:31

    Yovuhulela. Googwe anere orijha elabo ya nlogo na Mulugu. Mbwenye angero enere watugumanya ‘oothikitheliwa.’

    Wakwanela Mwene oonorti, ni amwene amodha a mwilaboni, enmadha erijha nlogo na Mulugu. Orijhiwa wula wambala, mudhidhi yoyo, oothikitheliwa enaahale mwilaboni, emmadha ethukuleliwa odhulo.

  • Yovuhulela 13.

    Yolebela obe (dholebela) Eze. 38:18-23; Dan. 2:34, 35, 44, 45; Apo. 6:2; 16:14, 16; 17:14; 19:20

    Yovuhulela. ‘Ole omugwenle’ ‘kavalo ootxena’, anere wakwaneliha ‘ogonjhiha waye’.amugujhula Googwe ni atoropa atene. ‘Mwanenyama owopiha’ anere ovokeriwa ‘vathiyani vinahidda munlo wathukutha’, teto, ekwamuthu yunlubale enmadha epwesiwe.

    Wakwanela. Yesu mwene, a Omwene wa Mulugu, anadha wihina avuluse nlogo na Mulugu. Amwene owakwana 144 mil vamodha nnikuru naangero, enere omariha malogo matene enaharahara nikuru na Yehova. Onamathonga watene wa Saddana wimmadha wigujhuliwe.

    Malivuru Emanyawa (2013-2025)
    Okume
    Volowa
    • Emanyawa
    • winviyari
    • Munafuninyu
    • Copyright © 2025 Watch Tower Bible and Tract Society of Pennsylvania
    • Malamulo enarumedha
    • Política de Privacidade
    • Privacy Settings
    • JW.ORG
    • Volowa
    winviyari