Onowubuwela?

Wahapwasedha wawileri a Namasugwera a yaka ela? Kabe noone akala onowanda wawakula makoho enaharela:

Mareeliho baani nnawakelihu naaja mudhidhi wihina nthapanye ni Yehova, nanvuruwanaga ni napendda wodhela oliye?

Nnere wanda othoma dhithu dhapama, nnere okala anamahudhiha apama, nroromelo nehu nnere oliba teto odhivela wehu ni Yehova onere wenjhedhedheya. — Namasugwera a 01 a 2022, epaddi 30-31.

Nnalibiheye aavi nahudhera omuroromela Yehova vamodha naalobwana aasakuliye wihina eholele nlogo naaye?

Ola mudhidhi wohudhera ororomela makalelo Yehova aneddihiye dhithu, ohiya osayela onona pama dhothoma dha anamaholela mulogo. Teto ohoseya winlubale wafiya nnakale owiwegeredhene wihina niwelele dhoholela nnavahiwihu, naarive dhigaali dhorusa wonelamo obe wiwelela. — Namasugwera a 02 a 2022, epaddi 4-6.

Madhu a mungero enihina: ‘Aliwa enere ohagalala ni enere omoona purumu mmadani mwa Zorobabeli agwelaga’ yatapulela ddi? (Zac. 4:8-10)

Yowoona ela yahikavihera nlogo na Mulugu wi, naarive tempulu ele yooniwa ninga yokweya, yere omarihiwa ni yaakale mowiwanana ni efunelo ya Yehova. — Namasugwera a 03 a 2022, epaddi 16-17.

Nnande aavi okala yotajhiha yapama . . . nawogaga? (1 Tim. 4:12)

Owogege nuupama ni nriho naarive oligiwaga, wibege ni murimaawo wamutene, Wilibihere wihina ovahe yowakulawo omutugumanoni, kuwalabihedhege madhu oovoreyiha murima, wawogege madhu enaahagalasa athu amodha, owogege ebaribari, kuwawogege obure athu amodha. — Namasugwera a 04 a 2022, epaddi 6-9.

Mwahaya bwaddi makalelo aanenyama annayi enawogiwa va Daniyeli kapitulu 7 egaliganihiwa ni mwanenyama mmodha baahi ohiya anenyama annayi oohiyana esorihiwe va Apocalipse 13:1,2?

Mwanenyama asorihiwe va Apocalipse 13 kanatapulela onamathonga wa muthu mmodha baahi obe onamathonga wa elabo yatene, ninga Roma. Ohiya eyo mwanenyama ola owopiha anatapulela onamathonga watene olamulele elabo yavati yaka mundduli. — Namasugwera a 05 a 2022, epaddi 9.

Nnonihe addi wihina nnororomela wogowa wa Yehova?

Akala muthu ohuniruwana, ohunuukula obe ohunitheegela vano nnohiya dhithu dhatedhene mmadani mwa Yehova, nnowoniha wihina oliye anere omariha obure watene onanoniha goyi mwaha yothega yakwihu obe yehu. — Namasugwera a 06 a 2022, epaddi 10-11.

Ddibila alobelaga mmutugumanoni ubuwelege ddi?

Nalobelaga kannapatha mudhidhi yoyo wihina nivahe dholaga obe nivuwihe muselu. Thabwathabwa omabajho wa mutugumano kinahoweleya ‘olapiha nlobelo.’ (Mat. 6:7) — Namasugwera a 07 a 2022, epaddi 24-25.

‘Ale yerilena dhego dhabure, enaavenyihiwe wihina etorihiwe’ nimakalelo baani? (João5:29)

Aliwa kinatorihiwe mwaha wa dhithu yeriliwana kale. Aliwa enaatorihiwe ni enaapenddiwe mowiwanana ni ekalelo enakanniwana yavenyihiwa muukwani. — Namasugwera a 09 a 2022, epaddi 18.

Muthenga baani wohagalasa ddibila J. F. Rutherford awogiliye va mwaha waye mweri wa Setembro yaka ya 1922?

Va musonkanoni wereye o Cedar Point, Ohiyo, EUA, awogaga mwaha waye osoriha egihina: Mwene ohubajha othonga! Nyu muli anamalaleya aye. Bumwahaya nvuwihe, nvuwihe, nvuwihe Mwene ni Omwene waye! — Namasugwera a 10 a 2022, epaddi 3-5.

Isaías kapitulu 30 anasoriha dhithu baani tharu dhinanikavihere ovilela?

Kapitulu ela enowoniha wihina oliye (1) onowavuruwana malobelo ehu ni wawakula, (2) wodhela onivaha dhholela ni, (3) wodhela onreeliha ovanene ni osogolo. — Namasugwera a 11 a 2022, epaddi 9.

Mwahaya bwaddi nigawoga wihina madhu enafwanyeya va Salmos 37:10, 11, 29 ehakwanela kale ni enere wakwanela osogolo?

Madhu a Davidi enowoniha mareeliho yanna amwaana Ezarayeli, ni yaliwo mudhidhi wa onamathonga wa Salomawu. Yesu asorihaga madhu enafwanyeya va versu 11, owoga egihina, winere okala parayizu osogolo. (Mat. 5:5; Luc. 23:43) — Namasugwera a 12 a 2022, epaddi 8-10, 14.