ODIDELEVE OMUKAVIHERA MWANAMURALA ANNA EFUNELO
MUSOLO 9
Thagaraga
Nlagano: ‘Muhagalalege ni ale enahagalala; munlege ni ale enunla.’ — Rom. 12:15.
Ethu erilena Yesu
1. Osugwe VIDIYU obe omwileri Marku 6:30-34. Wamala wawaakule makoho enaharela:
Mwahaya bwaddi Yesu ni anamahara aye edhe ‘efunege okalawo yekiwa’?
Yamuthukulenle Yesu ohudhiha muthithi ole waathu ddi?
Nnahudhera ddi ni Yesu?
2. Naaweeddelaga athu thagaraga, kannalibihedha muthengave nnalaleyihu, mbwenye nnowooniha wi nnowapwatha.
Omutajhihe Yesu
3. Opwasedhege ovuruwana. Omuhiye muthuya awoge dhithu anubuweliye. Kumugwaddege awogaga, newene kuwoonihe wihina kunapwatha mubuwelo waye, dhithu dhinamuthuwathuwiha obe monelo waye. Wampwasedhaga ovuruwana, muthuya anowonelamo wihina we onothuwathuwela dhithu anubuweliye.
4. Omubuwelege muthuyo yole anna efunelo. Wubuwelaga dhithu muthapanyedhinyu wikohe:
‘Mwahaya bwaddi agahoowela ovuruwana muthenga dhapama?’
‘Omuhudhera Bibiliya onaamukavihere aavi okanna egumi yapama ovanene ni osogolo?’
5. Olabihedhege muselu dhiniwanana ni egumi ya muthuyo yole. Omabajhowene, omoonihe makalelo omuhudhera Bibiliya winakuliiwa makoho aye ni winamukaviheriwa mwigumi mwaaye.