WILIBIHERE MMABASANI OOLALEYA | MAKALELO OOFWANYA OHAGALALA MMALALEYELO
Oddiginye murima
Omwiwelela Mulugu onadhela mmurimani. (Pr 3:1) Bumwahaya naahudhihaga nilibiherege wihina ndahinye murima dhaathu enanivuruwana. Nimakalelo baani?
Kahiyo omuhudhiha baani ebaribari ya mBibliyani namahudhera awo, mbwenye omukavihere oliye oparihedha mabasa mwigumini mwaaye ni olibiha wandana waye ni Yehova. Omukavihere woona wi malamulo a Mulugu enowoniha odhivela, opama ni wogowa wa Mulugu. Omukohe, wihina omukavihere opendda ndhe anahudheriye. Omukavihere wonelamo mareeliho baani enakumelelavo mwaha ohiya ekalelo obe dhithu dhabure. Namahudhera awo akanna odhivela winlubale ni Yehova ohagalala wawo winerege othabwa.
OSUGWE VIDIYU OKANNE OHAGALALA MWAHA WAHUDHIHA ATHU WI EKALE ANAMAHUDHERA—OWOMIHEDHE MAKALELO AWO OOLALEYA—ODDIGINYE MURIMA, WAMALA WAWAKULE MAKOHO ALA:
Mwahaya bwaddi Rita adhe amukohege Jadi egi: “Onowubuwela dhithu nithapanyedhihu txiposi?”
Rita amukavihere avi Jadi wiwananiha malamulo amBibliyani nuudhivela Yehova anniyena nuliye?
Nadahinya murima wa namahudhera ehu, eyo enere omuthukulela wunnuwelavo epaddi yomuzimuni
Rita amukavihere avi Jadi woniha odhivela waye ni Mulugu?