We podi okavihera emudhaawo okala yohagalala

Yehova anafuna wi emudhaawo ekala yohagalala. (Sal 127:3-5; Ec 9:9; 11:9) Mbwenye, ohagalala wehu podi wehiwa mwaha dhithu dhabure dhinapadduwa mwilaboni ela ni dhoviriganiha dha emudhi yawo. Ki vano, ethu baani kadda muthu vemudhini anahoweliye werana wi ekanne ohagalala?

Mulobwana atenle amurihege mwariye. (1Pe 3:7) Oliye onoojha mudhidhi wowinjhivene ni mwariye. Oliye onoomwaddela mwariye dhithu anadhiveliwiye ni kanamukuwa ethu. Onomutamalela wodhela dhithu dhatedhene aneriyena wi amukavihere ni wodhela othuwathuwela emudhaye. (Col 3:15) Onowoga wi ginowudhivela ni onomutamalela wodhela ethu-sithu. — Pr 31:28, 31.

Muhiyana ateliwe onoveda makalelo omukavihera mamune ofwanya yoojha ya kadda labo. (Pr 31:12) Oliye onomwiwelela ni onomukavihera. (Col 3:18) Awogaga ni mamune, onowoniha odhivela ni nriho. — Pr 31:26.

Abaabi enohowela oveda mudhidhi wi ekale ni aniwa. (De 6:6, 7) Enohowela wawaddela aniwa wi enowadhivela vanlubale. (Mt 3:17) Yaafunaga wasumulula enohowela werana mwamakalelo okweya ni odhivela. — Ef 6:4.

Ahima mwarihege abaabinyu ni mwawiwelelege. (Pr 23:22) Mwawaddelege abaabinyu dhithu dhinuupadduwelani ni munubuwelinyu. Mwasumululiwaga, mwawiwelelege abaabinyu ni moonihege wi munowariiha makolwinyu. — Pr 19:20.

OSUGWE VIDIYU OSAYELE OKANNA OHAGALALA VEMUDHINI, WAMALA WERENA NIKOHO NNA:

Ethu baani kadda muthu eriliyena wi ekanne ohagalala vamuralani?