Olabihedhe epaddi yobajha ya JW.ORG mmabasani oolaleya

Epaddi yobajha ya sayiti yehu, dhinofwanyeyamo muselu ni vidiyu dhisasanyiwe wihina yadahinyena murima athu yahili anamoona a Yehova. (At 13:48) Malabo owinjhivene, dhinalabihedhiwa muselu dhinavira munotisiyani obe muselu dhinawogiwa ni athu owinjhiva.

Onande aavi olabihedha muselu dhinafwanyeya epaddi yobajha ya musayitini mmabasani oolaleya?

• Ovolowege musayitini malabo amatene. Opwasedhege muselu dhinafwanyeya epaddi yobajha ya musayitini ni wubuwele makalelo onalabihedhiiwe wihina omukavihere muthu anna efunelo. (Wihina ofwanye muselu dhimodha dhaali mu sayitini epaddi yobajha, oddabwinye vinadha “Ver Mais.”) Ovolowa musayitini malabo amatene, wineere wukavihera okanna muselu dhohiyanahiyana wihina olabihedhe mmabasani oolaleya.

• Olabihedhege muselu ni vidiyu dhikumihiwe ovanene dhinafwanyeya epaddi yobajha wihina othapanye ni muthu di muthu. Muselu ndha podi onikavihera onona dhithu athu a murudda wehu enubuweliwa.

• Wawonihe athu epaddi yobajha. Osayele muselu mmodha wihina muthapanyedhe ni omukavihere onona osayela dhithu dhimodha musayitini.

• Omwinviyarele link. Athu amodha kinadhiveliwa othapaanya ni anamoona a Yehova thoo-thoo, mbwenye enoofuna ovolowa mu sayiti mwehu. Bumwahaya, kuhiye wawinviyarela link ya muselu obe vidiyu dhinafwanyeya epaddi yobajha ya musayitini athu enna efunelo.