Musolo dhimodha dha Namasugwera

Anamalaleya owinjhiva enamulabihedha JW Library^® wihina yiwegeredhe yadhowaga omutugumanoni. Aplicativo ola ananthukulela musolo wa Namasugwera onahudherihu sumana yeyo, eyo enonikavihera vanlubale. Teto Namasugwera onodhana musolo dhimodha, dhili dhoojha dhomuzimuni. Nnande aavi ofwanya musolo ndho ni opurelamo nimulabihedhaga aplicativo JW Library?

• Epaddi yogomihedha ya kadda yohudhera ya Namasugwera, enodha madhu enihina “wileri dhimodha.” Musiddomwa oddabwinye vili linki, “Musolo dhimodha dha Namasugwera ola.” We onere woona musolo dhatedhene dhinafwanyeya mu Namasugweraya. Wasugwa musolodha onere woona wihina kadda musolo ohukanna numero. Musolo dhahinna numero, si musolo ndho dhimodha. Oddabwinye musolo onafuniwe wileri.

• Makalelo mamodha fudhowa epaddi enadha “Inicio” mu JW Library, wihina woone akala ohufiya Namasugwera muxa epaddi “Novidades” wihina omukitihe. Voharela omuddabwinye Namasugwera omukitihiliwe ni woone dhithu dhatedhene dhili muwari mwa Namasugweraya. Werana ndo, onere wonelamo wihina onna opurelamo musolo dhatedhene dha kadda Namasugwera.