Bibliya anukavihere ni makalelo baani?

Atenihu nihikanna makoho enapatha egumi yehu ninga: goyi, okwa ni wodhela osogolo. Dhithu dha kadda labo ninga osapela murala wehu ni okanna murala wohagalasa dhinonthuwa-thuwiha. Athu owinjhiva ehonelamo wi Bibliya onowakula makoho ofuneya a mwigumi. Ohiya eyo, anonivaha dholaga dhapama wihina nikanne egumi yohagalala. Ononamo wi Bibliya podi omukavihera muthu omunonniwe?

1. Makoho anawaakula Bibliya baavi?

Bibliya onowakula makoho ofuneya ninga: Egumi ebanjhe avi? Nipadduseliwe ddi? Athu enoonela ddi goyi? Empadduwa ddi muthu akwa? Naarive athu efunaga murenddele, mwilaboni mudhalele ddi koddo? Enaapadduwe ddi ni elabo ya vati? Kahi yabure okoha ndala. Matxikwi ni matxikwi aathu ehonelamo wi Bibliya onowawakula makoho ala mowoneleyamo.

2. Bibliya anaanikavihere avi ohagalala kadda labo?

Bibliya anovaha dholaga dhapama ni anookavihera murala okanna ohagalala webaribari. Ononikavihera owanana dhithu dhinanthuwathuwiha ni ohagalala ni mabasa nnaparihu. Livuru nna nnere wukavihera onona makalelo Bibliya anahudhihiye wodhela dhithu ndha ni dhithu dhimodha. Wamala woona podi wera onere orumedha wi ‘dholebela dhatedhene obe Bibliya aamutene . . . anookavihera.’ — 2 Timóteo 3:16.

OHUDHERE DHITHU DHIMODHA

Kasugwa makalelo Bibliya anaakaviheriye athu, ethu enukavihere odhiveliwa omwileri Bibliya ni mwahaya bwaddi ekala yapama okanna muthu wi ukavihere omoonelamo Bibliya.

3. Bibliya podi oniholela

Bibliya analigana ni waara. Ni onowoga dhithu dhinapadduwe osogolo.

Omwileri Salmos 119:105, mwamala muthapanyedhe makoho enaharela:

• Namaleba a Salmos ola amoonelamo avi Bibliya?

• Onamoonelamo addi Bibliya?

4. Bibliya podi wakula makoho ehu

VIDIYU: Kuyelele ejhehedho! (1:48)

• Nvidiyuni, makoho baani anna purusora ola?

• Omuhudhera Bibliya wimukavihere avi?

Bibliya anonikongomedha ofwanya dhowakula dha makoho ehu. Omwileri Mateus 7:7, mwamala muthapanyedhe nikoho nnaharela:

• Makoho baani wafuniwe wi Bibliya awakule?

5. We podi odhiveliwa omuhudhera Bibliya

Omwileri Bibliya (2:05)

• Nvidiyuni, mwahaya bwaddi azombwe ale kiyadhiveliwa wileri?

• Ki enaathukulela omwileri Bibliya ddi?

Muthenga wa mBibliyani ononivaha ejhehedhelo ni ononlibiha. Omwileri Romanos 15:4, mwamala muthapanyedhe nikoho nnaharela:

• Onofunave onona mpaganyo wa mBibliyani wolibiha ni wa ejhehedhelo?

6.Athu amodha podi onikavihera omoonelamo Bibliya

Athu owinjhiva ehonelamo wi sapama okaviheriwa ni athu amodha ohiya omwileri Bibliya yekiwa. Omwileri Atos 8:26-31, mwamala muthapanyedhe nikoho nnaharela:

• Nnande addi omoonelamo Bibliya? (Osugwe versu 30, 31.

OVIRISEDHA

Bibliya ononivaha dholaga dha kadda labo, anowaakula makoho oofuneya, ononlibiha ni ononivaha ejhehedhelo.

Ogwaddela

• Bibliya anavaha dholaga dha muselu baani?

• Makoho baani Bibliya anawakuliye?

• Dhithu baani dhudhivele ohudhera mBibliyani?

WEGI ONONE DHITHU DHIMODHA

Osugwe makalelo dholaga dha Bibliya dhinakaviheriwa.

“Bibliya ohukanna dholaga dha malabo yaala” (A Sentinela N.º 1 a 2018)

Kasugwa makalelo Bibliya amukaviheriye mulobwana dhala obajha ehimaye awanana dhubuwelo dhabure.

Egumaga ebanjhe ni makalelo yala (2:53)

Ofwanye dholaga dha mBibliyani wihina okanne ohagalala vamuralani.

“Dhithu 12 dhinakavihera murala okala wohagalala” (Despertai! N.º 2 a 2018)

Athu owinjhiva enawoga wi Mulugu anosugwera elabo. Eyo ebaribari? Kasugwa Bibliya anawogiye.

Mwahaya bwaddi omuhudhera Bibliya — Yanterwene (3:14)

1. Akala athu bimulembe Bibliya, mwahaya bwaddi nigawoga wi madhu a Mulugu?

Bibliya alebiwe ni athu owakwana 40 muwari mwa yaka 1600. Livuru noobajha nlebiwe yaka ya 1513 M.W.O; vano noogomihera nlebiwe yaka ya 98 M.W. Athu amodha emulebe yaali: Anamakukula, anamatota oba teto amodha yaali anamathonga, eyo enowoniha wihina athu emulembe Bibliya yaali ohiyana-iyana. Naari dhigari ndo, dhipaddi dhatedhene dha mBibliyani dhinowiwana. Mwaha wa ddi? Mwaha wi Bibliya anadhela wa Mulugu. (Omwileri 1 Tessalonicenses 2:13.) Athu ala kilembe yubuwelo dhewa. Mbwenye ‘yahiwoga wodhela Mulugu elabihedhiwaga ni muzimu wotxena.’a (2 Pedro 1:21) Alabihedhaga muzimu waye wotxena, Mulugu wavethela obe wathukulela alobwana ale oleba yubuwelo dhaye. — 2 Timóteo 3:16.