OHUDHERA 11

Owogege owalene

Romanos 12:11

ENAHOWELEYA WERE DDI: Owogege owalene wihina wathukulegena murima ale enuvuruwana osaddula egumiwa.

Wonelemo pamadhene museluya. Wegeredhaga epaddawo, kubuwela thima onna museluya. Wonelemo pamadhene wihina owoge ni madhu awo.
Wawubuwelege ale onawogiwena. Wahinathi odhowa owoga muselwawo wubuwelele makalelo onakaviheriwe ale enuvuruwane. Windo waje makalelo ookweya watapulela wonelemo pama muselule opurelamowa.
Owogege ni makalelo enathukula murima. Owogege owalene. Madawo ni kovawo etonyihedhege wi diwene anawoga ogali otapuwene.

Olemelela owoga ni makalelo mamodhave podi athuya ohupwatha. Pole-pole wihina yahupadduwele. Owogege ni madaya otonyihedhaga wi onawogiwe enoharana. Owogege owalene thabwathabwa wafunaga otonyihedha thomodha dhinaathukulele werana ethu sithu ale enuvuruwana. Mbwenye kuthabwena okwaranyiha muddidda, weragana ndala mudhidhi watene athuya enere ohiya wuvuruwana.