Makalelo oolabihedha folyetu wihina nambele othapanya ni muthu

Obajha Janeru a 2018, okapani wa Mwana Livuru na Mutugumano Egumi ni Mabasa nnodhana muselu dhothapanyedha mmalaleyelo. Ohiya wahiyedha malivuru ehu baahi, muselu ndha dhinonikavihera othapanya naathu. Wihina anamalaleya yandege werana eyo, vidiyu dha mmalaleyelo dhinowoniha makalelo owambela othapanya nimulabihedhaga Bibliya. Ela enatapulela wihina kanalabihedhege malivuru ehu mmalaleyelo? Naari nalabihedhege! Motajhiha, mafolyetu ehu bapama wihina nambele othapanya ni muthu. Iyo podi olabihedha kadda folyetu mwa makalelo ala:

1. Werena nikoho niri okapani wa folyetu.

2. Omonihe yowakulaya mBibliyani olabihedhaga yolebela eri muwari mwa folyetu. Muthuya akanna mudhidhi podi othapanyedha muselu dhimodha dhiri muwari mwa folyetu.

3. Omwihiyedhe folyetu ni omukongomedhe wileri muselu dhihanle mudhidhi mmodha.

4. Wahinamaruwe, omonihe nikoho na mwana musolo “Kubuwela ndha” ni ompaganye labo onafuniwe waakula nikoho nne wodhela Bibliya.

Wahogolowa, omonihe yowakulaya ni ohiye nikoho wi wakule labo nimodha. We podi werana nikoho nnafwanyeya mu jw.org obe nnafwanyeya omagomihero wa folyetu. Yakala yowenyeya podi onvaha buruxura Muthenga dhapama dha Mulugu! obe malivuru ehu oohudhiha.