Okale oojheha

Ethu erilena Yesu

VIDIYU: Yesu ahimukavihera ddibile nuuvilela

1. Osugwe VIDIYU, obe omwileri Juwawu 7:3-5 ni 1 Coríntios 15:3, 4, 7. Wamala wawaakule makoho enaharela:

1. Omabajhowene addibile Yesu yoona aavi muthenga alaleya Yesu?

2. Enooniha ddi wihina Yesu kaamunyanyanle ddibile Tiyagu?

Nnahudhera ddi ni Yesu?

2. Nnohowela onona ojheha, mwaha athu amodha enolegela vang’ono ehinarumedhe muthenga wa Omwene.

Omutajhihe Yesu

3. Walabihedhege makalelo ohiyana-iyana. Muthu ahirumedha omuhudhera Bibiliya omabajhowene, kumuwaddihedhe. Wakala mudhidhi wofwanelela olabihedhe vidiyu ni artigu wihina omukavihere woonelamo makalelo winedda ohudhera wa Bibiliya ni makalelo ohudherawa winamukaviheriwa.

4. Kuwaliganihege athuya. Kadda muthu ohuhiyana ni mukwaye. Akala mmudhaawo kanarumedha omuhudhera Bibiliya obe akala muthu onamuhudhihiwe Bibiliya kanarumedha yohudhiha ya mBibiliyani, osayele onona ethu enamuthukulela ohurumedha. Nerege dhohudhiha dha mugereja mwaaye dhinoomurusa ohiya? Anowaddihedhiwa namudhaye obe ni amwanddamanaaye? Onvahe mudhidhi wihina muthu ole apendde dhithu ndhe omuhudhihiliwe ni apendde thima dhinna muselu dha mBibiliyani.

5. Omulobelelege muthu ole anna efunelo. Omulobe Yehova wihina ukavihere okannave monelo wapama ni okala a nriho. Omulobe thotho Yehova wihina ukavihere onona mudhidhi wofwanelela ohiya omwaredhela muthu ahinna efunelo.