Yɩɩn-sõamyã sebre

132 Zeova, tẽeg-y-yã a Davɩɩd yelle,

a namsgã fãa,+

 2 la bũmb ning a sẽn wẽen a Zeova wã yelle.

Yaa bũmb ning a sẽn pʋlem a Zakoob Pãng soabã.+ A yeelame:

Mam pa na n gãand m gãagã zug ye.

 4 Mam pa na n gũsi,

wall m mum m ninã menga,

 5 n tãag m sẽn na n paam zĩig n kõ a Zeova,

roog sẽn yaa sõma* n kõ a Zakoob Pãng soabã ye.”+

 6 Ade! Tõnd wʋmame tɩ b gomd rẽ* yell Efrata.+

Tõnd yãa-a-la kãgrẽ wã.+

 7 Bɩ d tɩ kẽ a roogẽ wã.*+

Bɩ d wõgemd a nao-roagendgã taoore.+

 8 Zeova, yik-y n wa-y yãmb vʋʋsgã zĩigẽ,+

yãmb ne Koglg ning sẽn makd y pãngã.+

 9 Bɩ yãmb maan-kʋʋdbã yeelg tɩrlem wa fuugu,

la bɩ sẽn maand-b sɩd ne yãmbã kaas ne su-noogo.

10 Yãmb tʋm-tʋmd a Davɩɩd yĩnga,

bɩ y ra raag y sẽn yãk* a soabã n bas ye.+

11 A Zeova wẽename n pʋlem a Davɩɩd bũmbu.

Sãmbg sẽn kae, a pa na n lebs a noorã poorẽ ye. A yeel-a lame:

“Sẽn yi-b fo pendẽ wã nin-yend

la m na n zĩnig fo naamã geer zugu.+

12 Fo kambã ne f yagensã sã n sak mam kaoolã

la b tũ sagls nins m sẽn zãmsd-bã,+

bãmb me kambã ne b yagensã

na n zĩnda fo naamã geer zug wakat fãa yĩnga.”+

13 Bala a Zeova yãka Siyõ.+

A ra rat-a lame n maan a yiri.+ A yeelame:

14 “Zĩ-kãngã yaa mam vʋʋsg zĩig wakat fãa yĩnga.

Ka la mam na n zĩndi,+ bala yaa mam daab la woto.

15 Mam na n kõo Siyõ rɩɩb wʋsgo.

Mam na n kɩtame t’a naong rãmbã paam rɩɩb* tɩ seke.+

16 Mam na n yeelga a maan-kʋʋdbã ne fãagre,+

t’a neb nins sẽn maand sɩdã kaas ne sũ-noogo.+

18 Mam na n kɩtame t’a bɛɛbã yeelg yãnd wa fuugu.

La maanf ning sẽn be a zugẽ wã na n pɩlame.”+