Yɩɩn-sõamyã sebre

Yɩɩlle.

98 Yɩɩl-y yɩɩn-paall a Zeova yĩnga,+

bala a maana bõn-kãsemse.+

A nug-rɩtgã, a kangã sẽn yaa sõngã kɩtame tɩ fãagr wa.*+

2 A Zeova kɩtame tɩ b bãng a sẽn fãagd nebã to-to.+

A wilga a tɩrlmã bu-zẽmsã taoore.+

3 A tẽega a maan-neerã la a kɩs-sɩdã a sẽn da wilg Israyɛll nebã yĩngã.+

Dũniyã nebã fãa yãa tõnd Wẽnnaamã sẽn wa n fãagd a nin-buiidã.*+

4 Yãmb a dũniyã neb fãa, kils-y-yã a Zeova a tõogrã yĩnga.

Kɩdm-y la y kaas ne sũ-noogo, n yɩɩl pẽgr yɩɩla.+

5 Yɩɩl-y n pẽg-y-yã a Zeova ne pɛndga,

ne pɛndg la yɩɩn-noogo.

6 Peeb-y tãntãad la baorgo.+

Kaas-y ne sũ-noog Rĩm a Zeova taoore, a tõogrã yĩnga.

7 Bɩ mogrã ne bũmb ning fãa sẽn be a pʋgẽ wã tãse,

n paas tẽngã* la neb nins fãa sẽn be a zugã.

8 Bɩ kʋɩlsã wẽ nug-pogse.

Bɩ tãensã naag taab n kaas ne sũ-noog+

9 a Zeova taoore, bala a watame* n na n kao dũniyã bʋʋdo.

A na n kaoo tẽngã* nebã bʋʋd ne tɩrlem,+

la a kao buud toɛy-toɛyã bʋʋd tɩrga.+