Tʋʋmdã tigisg geelg-n-tʋm

Sɩpaolg r. 13 semenã

Yɩɩll a 4

Min. 10: Tigingã koeese. D Rĩungã Ministɛɛrã koees b sẽn tũusi.

Min. 13: Yãmb sʋgsgã leoore. Diskuur kẽem soab sẽn kõta.

Min. 22: “D gʋʋl ratem ning Rĩungã Kɩbay N° 36 sẽn nekã.” Sõasg b sẽn maand ne sʋgsg la leoore, sull a 1-5 wã zutu. Wilg-y segls nins b sẽn dɩk tigingã pʋgẽ n na n moon mooneg zĩig ning fãa b sẽn nan ka moonã. Vaees-y wilgr nins sẽn be sull a 7 ne a 8 lebg-n-tɩ-ges rãmbã maaneg wɛɛngẽ wã, la y kɩt tɩ b maan mak-n-wilg wilgr fãa zugu. Wilg-y vẽeneg tɩ tara yõod wʋsg tɩ b pʋg ratem nins fãa b sẽn yã wã, la b modg n sɩng Biibl zãmsg ne neba. Sõs-y sull a 9 wã la verse nins b sẽn sõdgã zug n baase.

Yɩɩll 63 la baasg pʋʋsgo.

Sɩpaolg r. 20 semena

Yɩɩll 111

Min. 10: Tigingã koeese. Gɛɛlã rapoore.

Min. 15: Yɛl b sẽn vɩɩmd Rĩungã Kɩbay N° 36 pʋɩɩb pʋgẽ. Togs-y b sẽn tõog n moon teritoaarã tɩ ta zĩig ninga. Ned n zĩnd tigingã pʋgẽ n moon koe-noogã a pipi bɩ? Wilg-y pẽgr goam nebã sẽn togse. Koe-moondb kẽer n tõog n sɩng Biibl zãmsg ne neb bɩ? Sã n yaa woto, bɩ y kɩt tɩ b togs b sẽn maan dẽ to-to, bɩ b lebs n maan-b n wilgi. Tẽeg-y koe-moondba fãa tɩ b gʋʋl ratmã b sẽn yã wã.

Min. 20: “Ket-y n moond-y-yã!” Diskuur la bool-n-sʋke. Kẽer lagma ne a Zeova siglgã n nang pãng moonegã tʋʋmd pʋgẽ b vɩɩmã tõre. Ne yam-sõngo, b yãa sũ-noog rẽ maaneg pʋgẽ. (Ges-y Bãngr sebrã, seb-neng 179, sull 20, la yʋʋmd 1992, sig-noy kiuug 1 daar Gũusg Gasgã [farende], seb-nens 21-2, sull 14-15.) Bool-y koe-moond sẽn moon n ka vaal yʋʋm wʋsg pʋsẽ t’a togs bʋʋm nins sẽn kɩt t’a nang pãng moonegã tʋʋmd pʋgẽ wã.

Yɩɩll 141 la baasg pʋʋsgo.

Sɩpaolg r. 27 semena

Yɩɩll 153

Min. 10: Tigingã koeese. Tẽeg-y koe-moondba tɩ b kɩs sɩpaolg kiuugã koe-mooneg tʋʋmd rapoore. Sɛb nins d sẽn na n kãab yʋʋm-sar kiuugã yaa Bãngr sebrã la Traduction du monde nouveau wã. Wilg-y tʋʋm kãseng ning a Zeova Kaset rãmbã sẽn maan n yiis Biiblã buud-goam wʋsg pʋsẽ wã.—⁠Ges-y yʋʋmd 1997, zĩ-likr kiuug rasem 15 Gũusg Gasgã (farende), seb-nens 11-12.

Min. 20: Tʋm-y ne Comment raisonner sebrã sõma. Sʋgsg la leoor sõasg sẽn tik seb-nens a 7-8 wã zutu. Wilg-y b sẽn maan seb-kãngã to-to sẽn na yɩl n sõng tõnd tɩ d segl n tõog n maan koe-moonegã tʋʋmd sõma n yɩɩda. Wilg-y b sẽn tõe n tʋm ne sebrã to-to, d sã n wa kõt kaset n tũnugd ne telefone. Maan-y mak-n-wilg sẽn wilgd b sẽn tõe n maan to-to n yã tagsa sẽn zems n leok sʋkre. Raool-y koe-moondbã fãa tɩ b minim sebrã sõma, n zɩt-a b kordẽ wã, la b tʋmd ne-a wakat fãa.

Min. 15 : Wãn-wãn la m tõe n tall tõog-m-meng m televiziõ wã gesg pʋgẽ? Kẽem soab sõsda ne bi-bɩɩg sẽn yaa poll sẽn dɩkd lɛɛr dãmb a wãn daar fãa n get televiziõ wã. Pipi wã, saam-biigã pẽdgdame n yetẽ tɩ yell ka be a pʋgẽ ye. A yetame tɩ yaa pemsem kokr bal tɩ rẽ ka wat ne baa fɩ sẽn yaa wẽng a zug ye. Kẽem soabã vaeesda Les jeunes s’interrogent sebrã sak 36 tags-kãsemse. A wilgdame tɩ televiziõ ges tɩ loog noor rɩta sẽk sẽn tar yõod wʋsg b sẽn da tõe n dɩkẽ n maan meng zãmsgo, n yi koe-moonego, bɩ n sõng ne tigingã ratem pidsgu. Saam-biigã wilgda a mi-beoog saglsã yĩnga, la a yet tɩ sẽn na yɩl n kogl a tẽebã a na n toeema a minungã televiziõ wã gesg wɛɛngẽ.

Yɩɩll 175 la baasg pʋʋsgo.

Yʋʋm-sar r. a 4 semena

Yɩɩll 189

Min. 10: Tigingã koeese.

Min. 15: Tigingã ratem.

Min. 20: “Goam b sẽn togs a wakate.” Sõasg ne kɛlgdbã la mak-n-wilg rãmba. Neb wʋsg tagsdame tɩ b ka tõe n sɩng sõss ne neb sõma-sõma ye, n tagsdẽ tɩ b segd n paama tõog sẽn yaa zall n tõog n wom biisi, tɩ yaool n pa woto ye. Wilg-y tɩ tõnd fãa, tɩ koe-moond paals la kom-bɩɩs be sʋka, sẽn tõe to-to n sɩng sõss ne neb d sã n maan modgr bilfu. Vaees-y koɛɛg wilgr nins b sẽn saglã, n gom n tadg b sẽn yaa nana wã zugu, la y kɩt tɩ koe-moondb a yiib bɩ a tãab mak-b n wilgi. Ges-y yʋʋmd 1998 tʋʋlg kiuug D Rĩungã Ministɛɛrã, seb-neng a 8, n paam wilsg a taab b sẽn tõe n tũnug ne. Raool-y neba fãa tɩ b tall yam-sõng sẽn na yɩl n tõog n paam sũ-noog n yɩɩd b ministɛɛrã pʋgẽ.

Yɩɩll 218 la baasg pʋʋsgo.