Tʋʋmdã tigissi

Vẽnegre: Rĩungã Tʋʋmd na n talla Tʋʋmd tigisg semen fãa yĩng tigims gĩn sull tigis-kãsemsã wakate. Tigimsã tõe n maana toeeng wa sẽn segd sẽn na yɩl n paam weer n tõog n kẽng “Tũ-y Wẽnnaam” tigims gĩn sull tigis-kãsengã. Zĩig ning sẽn zemsã, tũnug-y ne minit 15 yaoolem Tʋʋmd tigisg ning sẽn deng tigis-kãsengã n gom n tadg tagsa sẽn zems ne tigingã zutu, sẽn yit tʋʋl-nif kiuugã seb-paasdem pʋgẽ. Yʋʋmd 2005 wao-fugdg kiuugã pʋgẽ, tʋʋmd tigisg tõr la b na n dɩk n lebg n ges tigis-kãsengã tags-kãsemse. Tõnd fãa tõe n gʋlsa tigis-kãsengã tags-kãsems n segl d mens sõs-kãng yĩnga. Tagsa takɩ d sẽn dat n tũ d vɩɩmã la koe-moonegã pʋgẽ wã segd n zĩnda tags-kãens sʋka. Woto, d tõe n wilga tõnd mens sẽn tũ sagl-kãens to-to n keng neb a taab raoodo.

Yʋʋm-sar r. 13 semena

Yɩɩll 11 (sb29-MM)

Min. 10: Tigingã koeese. Rĩungã Tʋʋmd koees b sẽn tũusi. Wilg-y segls nins b sẽn maan moonegã yĩng yʋʋm-sar kiuug rasem 25 ne yʋʋm-vẽkr kiuug pipi raarã yĩnga. Tũnug-y ne sagls nins sẽn be seb-neng a 8 wã pʋgẽ n wilg d sẽn na n kãab nebã yaoolem Gũusg Gasgã la Réveillez-vous ! wã to-to. Y tõe n tũnuga ne goam a taab sẽn zemse. Mak-n-wilg fãa pʋgẽ bɩ y wilg d sẽn na n maan to-to n leok kɩɩsg gom-kãngã: ‘Mam mii yãmb tʋʋmdã hal sõama.’—Ges-y Biibl Sõss seb-bilã, s.n. 12.

Min. 15: “D rata yãmb sõngrã.”a Bool-y kãsem soab n sok koɛɛg-koɛɛga. Kɩt-y t’a togs bũmb ning sẽn keng a raood t’a bao n na n tʋm n sõng tigingã pʋgẽ wã, la bũmb nins sẽn sõng-a t’a tall zʋg-sõma nins sẽn segd ne yãkrã.

Min. 20: “Wãn-wãn la y na n kõ y roagdbã kasetã?”b Tũnug-y ne sogsg nins b sẽn kõ wã. Kos-y kɛlgdbã tɩ b togs koɛɛg-koɛɛga, bãmb sẽn maan to-to n tõog n kɩt tɩ b roagdb tʋlg n wʋm koɛɛgã, la b kõ-b kasetã.

Yɩɩll 15 (sb29-MM) la baasg pʋʋsgo.

Yʋʋm-sar r. 20 semena

Yɩɩll 29 (sb29-MM)

Min. a 5: Tigingã koeese. Zĩig ning Pas de sang : la médecine relève le défi video wã sẽn be tɩ b tõe n gesã, b sagenda ned kam fãa t’a ges-a n segl semen ning sẽn watã sõasga.

Min. 15: “Wẽnnaam tʋʋmdã lekoll sẽn nafd tõnd to-to.” Diskuur lekollã yel-gɛt sẽn kõta. Paas-y tagsa sẽn yit yʋʋmd 2004 zĩ-likr kiuugã Rĩungã Tʋʋmd seb-paasdem pʋgẽ. Reng-y n segl tɩ ned a ye bɩ neb a yiib togs lekollã sẽn nafd-b to-to.

Min. 25: “D kɩt tɩ d vẽenemã ket n yãgd wakat fãa.” Tik-y sull a 1-5 wã zug n togs sɩngr goam sẽn yaa koɛɛga, la y tik sull a 6-11 wã zut n maan sogsg ne leoore. Karm-y sull a 6-8, la 11 wã. Tik-y sull 12-14 n togs baasg goamã. Sã n tõe fãa bɩ tʋʋmd yel-gɛtã maan sõs-kãngã.

Yɩɩll 25 (sb29-MM) la baasg pʋʋsgo.

Yʋʋm-sar r. 27 semena

Yɩɩll 22 (sb29-MM)

Min. 10: Tigingã koeese. Ligdã gɛɛl koɛɛga. Tẽeg-y koe-moondbã tɩ b kɩs b yʋʋm-sar kiuugã mooneg tʋʋmd kɩbay sɛba. Tũnug-y ne sagls nins sẽn be seb-neng a 8 wã pʋgẽ n wilg d sẽn na n kãab nebã yaoolem Gũusg Gasgã bɩ Réveillez-vous ! wã to-to.

Min. 25: “Rɩ-y Pas de sang : la médecine relève le défi video wã yõodo.” Sõasg ne kɛlgdbã sẽn tik Pas de sang video wã zugu, n tũnugd ne sogsg nins b sẽn kõ tɩ be seb-neng a 6 pʋgẽ wã. Rẽ poor bɩ y karem yaoolem sullã. Video wã sã n ka beẽ, bɩ y sõs gom-zug ning sẽn yaa “Un intérêt croissant pour la médécine et la chirurgie sans transfusion” wã, sẽn be yʋʋmd 2000, yʋʋm-vẽkr kiuug rasem a 8 Réveillez-vous ! wã, seb-neng a 7-11 wã pʋgẽ.—Ges-y yʋʋmd 1998, sa-sik kiuug rasem 22 Réveillez-vous ! wã me, seb-neng 10-11 pʋgẽ.

Min. 10: A Zeova Kaset rãmbã sakda zɩɩm babs bɩ? Diskuur kãsem soab sẽn kõta, sẽn tik yʋʋmd 2004, sigr kiuug rasem 15 Gũusg Gasgã (ne farende), seb-neng 29-31 zugu. Wilg-y vẽeneg tɩ sard nins d sẽn segd n dɩk yɛl nins sẽn tɩ loe ne sũur kasetã zutã pa reem yell ye, bala b tɩ loee ne zems-n-taar ning d sẽn tar ne a Zeova wã. Lebg-y n ges-y tags-kãsems nins sẽn be zĩ-gũbr ning gom-zug sẽn yaa “Segls sẽn na yɩl n sõng-d tɩ d lak d mens ne zɩɩmã,” sẽn yi yʋʋmd 2003 yʋʋm-sar kiuugã Rĩungã Tʋʋmd pʋgẽ wã.

Yɩɩll 16 (sb29-MM) la baasg pʋʋsgo.

Yʋʋm-vẽkr r. a 3 semena

Yɩɩll a 4 (sb29-MM)

Min. a 5: Tigingã koeese. Gom-y sɛb nins d sẽn na n kãab yʋʋm-vẽkr kiuugã yelle.

Min. 20: “D sẽn na n zãms nebã Biiblã to-to tɩ b bɩ tẽebã pʋgẽ—Babg a 4 soaba.” Togs-y sɩngr-goam sẽn pa na n yɩɩg minit a yembre, sẽn tik sull a 1 wã zugu. Rẽ poor bɩ y kɩt tɩ b maan mak-n-wilg sẽn kaoosd minit a nu, sẽn tik sull a 2-3 zugu, sẽn bilgd koe-moond sẽn wilgd Biibl zãmsd sẽn na n segl zãmsgã to-to. Yãk-y sull a ye Bãngr sebrã bɩ Baood seb-bilã pʋgẽ n maan mak-n-wilgã. Rẽ poor bɩ y pʋgl ne sogsg la leoor sõasg sẽn tik sull a 2-5 wã zugu, n gom n tadg mak-n-wilgã zĩ-kãsems zutu.

Min. 20: Kom-bɩɩse, bõe yĩng tɩ y segd n tall bõn-datɩ tẽebã wɛɛngẽ? Sogsg la leoor kãsem soab sẽn maanda. Sã n tõe fãa, bɩ y bas tɩ koe-moondb sẽn ket n debd lekoll leok sogsgã la b karem verse rãmbã. Bõe la d segd n tẽeg laogã wɛɛngẽ? (1 Zã 2:15, 16) Bõe la d segd n ning d yamẽ dũni kãngã wɛɛngẽ? (1 Zã 2:17) Sã n yaa woto, bõe yĩng tɩ ka yam tʋʋmd tɩ d pʋg arzɛgs la naam dũni kãngã pʋgẽ? (1 Tɩm. 6:9, 10) Tʋʋm-bʋg la a Zeova kõ tõnd tɩ d maane? (Mat. 24:14; 28:19, 20) Tʋʋm-bʋg la kom-bɩɩsã segd n bao n maane? (Mat. 6:33) Bõe yĩng tɩ rɩk f vɩɩmã tõr n maan a Zeova tʋʋmdã yaa bõn-datl ning sẽn yaa sõma n yɩɩdã? (Koɛ. 12:1) Tõnd sã n tall vɩɩm a woto buudu, sõng-bʋg la d na n paame? (Mat. 11:29, 30) Baa ne y sẽn ket n debd lekollã, tʋʋm na-kẽndr bʋg la y tõe n maan n tõog n yɩ sõngr so-pakd vakãas rãmbã wakate? (Bool-y bi-bɩɩg a ye bɩ b yiib sẽn yɩ sõngr so-pakdb rɩẽ vakãasã la sẽn tʋm sõma n soke.) Baasgẽ wã bɩ y maan sogs-kãensã, la y sagl kom-bɩɩsã tɩ b tags b sẽn na n leok-b to-to: Yãmb tagsg yaa wãn ne a Zeova Kaset rãmbã tiginga? Yaa sẽn yaa yãmb zakã neb tũudmã yĩng n kɩt tɩ yãmb me be a pʋgẽ bɩ? Bɩ yãmb mengã yãame tɩ yaa tũudum ning sẽn yaa sõmã n yɩɩdã? Bɩ yaa sɩdã la woto? Yãmb sã n sɩd tẽed tɩ yaa sɩdã, rẽ segd n kɩtame tɩ y kõ y meng a tʋʋmã yĩnga, la y tũ vɩɩm na-kẽndr ning tũudum-kãng sẽn dat tɩ y tũ wã.—Yɩɩl 110:3; Heb. 6:10.

Yɩɩll 17 la baasg pʋʋsgo.

[Tẽngr not rãmbã]