Wẽnnaam tʋʋmdã lekoll na-kẽndr yʋʋmd 2007 wã yĩnga

Wẽnnaam tʋʋmdã lekoll na-kẽndr yʋʋmd 2007 wã yĩnga

Noyã

Yʋʋmd 2007 wã pʋgẽ, Wẽnnaam Tʋʋmdã Lekoll na n yɩɩ woto:

AD SÕSSÃ SẼN TIK SƐB NINS ZUTÃ: Les Saintes Écritures — Traduction du monde nouveau [bi12], Gũusg Gasgã [w], Tirez profit de l’École du ministère théocratique [be], “Toute Écriture est inspirée de Dieu et utile” (yʋʋmd 1990 rẽndã) [si], la Comment raisonner à partir des Écritures (yʋʋmd 1989 rẽndã) [rs].

Lekollã segd n sɩnga LƐƐRE. Sɩngda ne yɩɩll la pʋʋsgo. Y segd n pʋʋsa nebã ne b waoong me. Rẽ fãa poore, bɩ y maan wa b sẽn na n wilg taoorã. Sõsd sã n sa a sõsga, lekollã yel-gɛt na n boola sõsd ning sẽn pʋgdã.

SÕSG MINIM: Minit a 5. Yaa lekollã yel-gɛtã, sagend sẽn yaa sõngdã, bɩ kãsem soab a to sẽn mi sõsg sõma n segd n wɛgs sõs-kãngã. Tika L’École du ministère sebrã zugu. (Tigims nins sẽn pa tar kãsem dãmb wʋsgã tõe n kõo sõs-kãngã kãsemb sõngdb sẽn mi sõsg sõma.)

SÕSG N° A 1: Minit 10. Yaa kãsem soab bɩ kãsemb sõngd sẽn mi sõsg sõma n segd n wɛgs-a. A na n tika Gũusg Gasgã, Tirez profit de l’École du ministère théocratique sebrã, bɩ “Toute Écriture est inspirée de Dieu et utile” sebrã zugu. Yaa diskuur sẽn dɩkd minit piiga. B pa baood t’a kʋms sõsgã sẽn tik sebr ningã sẽn yet bũmb ningã bal ye. A segd n wilga sõsgã yõod vẽenega, n gom n tadg zĩig ning sẽn na n sõng tigingã neb n yɩɩdã zugu. A pa segd n toeem gom-zug ning b sẽn kõ wã ye. A segd n gũusame n da loog wakatã b sẽn kõ wã ye. Sõsdã sã n segda ne saglgo, b tõe n bool-a-la kɛɛng tigisgã poor n sagle.

ZÃMSG D SẼN PAAM BIIBLÃ KARENG PƲGẼ: Minit 10. Yaa kãsem soab bɩ kãsemb sõngd sẽn tar minim n segd n wɛgs sõs-kãngã. A segd n deng n dɩka minit a nu n wilg tigingã neb sẽn tõe n tũ verse rãmb kẽer to-to. A tõe n sõsa sags nins fãa b sẽn yãk tɩ b karem semennã pʋgẽ wã zugu. Pa yet t’a kʋms babg ning b sẽn yãk tɩ b karmã bal ye. B sẽn baood n yɩɩdã yaa a sõng kɛlgdbã tɩ b bãng b sẽn tõe n tũ saglsã to-to, la bõe yĩng tɩ b segd n tũ saglsã, la rẽ sẽn nafd-b to-to. Sõsdã na n modgame n da loog minit a nu wã b sẽn kõ-a sõsgã pipi babgã yĩngã ye. A segd n basa minit a nu n kõ kɛlgdbã tɩ bãmb me wilg b sẽn yã Biiblã kareng semen kãngã pʋgã. Kɛlgdbã goam segd n yɩɩ koeese (segõnd 30 bɩ sẽn pa ta woto). B segd n wilga bũmb ning sẽn tall yamleoog ne-b Biiblã kareng pʋgẽ, la a nafa. Rẽ poore lekollã yel-gɛt na n kosa karen-biisã tɩ b kẽng b karen-dot toɛy-toɛyã pʋsẽ.

SÕSG N° A 2: Minit a 4 bɩ sẽn pa ta woto. Yaa karengo, la yaa rao n segd n karme. A segd n karma babg ning b sẽn kõ-a wã bala, a pa segd n yeel bũmb n yaool n sɩng karengã bɩ a sã n wa karem n sa ye. Lekollã yel-gɛt segdame n sõng karen-biisã tɩ b karemdẽ tɩ nebã wʋmd karengã võore, tɩ b karengã yɩ faag-faaga, tɩ b bãng b sẽn segd n maan to-to tɩ gom-biis sãnda puk sõma, tɩ b bãng n toeemd b koe-zomã tɩ zemsd ne karengã, tɩ b tũ bãnã, la b karengã yɩ wa b sẽn gomd to-to raasenkamã.

SÕSG N° A 3: Minit a 5. Yaa saam-bi-poak la b segd n kõ. Yel-gɛtã sã n pa yãk sõsg zĩig a ye École du ministère sebrã seb-neng 82 pʋgẽ wã n kõ-a, yẽ n na n ges be n yãk a toore. Karen-biigã pa segd n toeem gom-zug ning b sẽn kõ wã ye. A sõsgã segd n wilga kɛlgdbã b sẽn tõe n wɛgs gom-zug ning b sẽn kõ-a wã koe-moonegã pʋgẽ to-to. Pa segd n yɩ bũmb nebã sẽn mi tɩ pa tõe n yɩ ye. B sã n pa wilg sɛb tɩ karen-biigã tõe n tik n segl a sõsgã, a segd n vaeesa tõnd sɛbã pʋsẽ n bao zĩis b sẽn wegsẽ a gom-zugã, n tik rẽ zug n segle. Karen-bi-paalã sõss segd n tara tikr zĩis b sẽn wilg vẽenega. Lekollã yel-gɛt segd n gesa karen-biigã sẽn wʋg a sõsgã to-to wã, a sẽn sõng a sõsd-n-taagã to-to t’a tags Gʋlsg Sõamyã sẽn yet bũmb ningã zut la a sõng-a t’a wʋm tags-kãsemsã võorã. Lekollã yel-gɛt n na n yãk sõsd-n-taag n kõ-a.

SÕSG N° A 4: Minit a 5. Karen-biigã segd n wɛgsa gom-zug ning b sẽn kõ-a wã. B sã n pa wilg sɛb t’a tõe n tik n segl a sõsgã, segd n vaeesa tõnd sɛbã pʋsẽ n bao zĩis b sẽn wegsẽ a gom-zugã, n tik rẽ zug n segle. Sã n yaa rao la b kõ sõs-kãngã, a segd n ninga a yamẽ tɩ yaa Rĩungã Roog neb la a kɛlgdbã. La sã n yaa saam-bi-poaka, a segd n tũu noy nins b sẽn kõ Sõsg N° a 3 wã yĩngã. Lekollã yel-gɛt sã n mik tɩ zemsame, a tõe n kõo rao sõsg N° a 4. La bãng-y tɩ yaa rapã bal la b segd n kõ sõss N° a 4 nins b sẽn ning bãnd woto (*) wã, sẽn na yɩl tɩ b maan t’a yɩ wa diskuuri.

SAGLSÃ: Minit a 1. Lekollã yel-gɛt pa segd n deng n togs karen-biigã sẽn na n tʋm tikr ning zugã ye. Sõsg a 2, a 3, la a 4 poore, lekollã yel-gɛt segd n wilga manesem kẽer sẽn sek pẽgr a sẽn yã sõsgã pʋgẽ. A pa segd n yeel bal tɩ “yaa sõma” ye, a segd n wilga bũmb nins sẽn kɩt t’a yet tɩ yaa sõma wã. Tigisgã poor bɩ wakat a to, lekollã yel-gɛtã tõe n boola karen-biig n kõ sagls a taab sẽn na n sõng-a.

WAKATÃ: Sõsd ba a ye pa segd n yõsg wakat ning b sẽn yãk n kõ-a wã, sagendã sagls me pa segd n yõsg minit a yembre. Sõsg N° a 2 n tɩ ta a 4 rãmbã ned sã n dat n yõsg wakatã, b tõe n yals-a-la ne yam. Rap nins sẽn wɛgsd sõsg minimã, sõsg N° a 1, bɩ zãmsg d sẽn paam Biiblã kareng pʋgẽ wã sã n yõsg wakatã, b segd n bool-b-la kɛɛng tigisgã poor n kõ saglse. Ned kam fãa segd n gũusame n da yõsg a wakatã ye. Lekollã segd n dɩka minit 45, yɩɩllã la pʋʋsgã toor sẽn ka be.

Y SAGLSÃ ZĨIGA: Ges-y lekollã sebr neng 79-81.

SAGEND SẼN YAA SÕNGDÃ: Kãsem dãmbã sull segd n yãka kãsem soab sẽn tar minim t’a yɩ sagend sẽn yaa sõngd n paas lekollã yel-gɛtã. Tigingã sã n tar kãsem dãmb wʋsgo, yʋʋmd fãa, b segd n toeemda sagend sẽn yaa sõngdã. Yẽ tʋʋmd yaa a bool saam-biis nins sẽn wegsd sõsg N° a 1 wã la zãmsg d sẽn paam Biiblã kareng pʋgẽ wã kɛɛng n kõ saglse, sã n wa yaa tɩlae. Pa tɩlae tɩ sõsg fãa poor bɩ a bool kãsem soabã bɩ kãsemb sõngdã kɛɛng n kõ sagls ye.

LEBG-N-GESÃ: Minit 30. Kiis a yiib fãa, lekollã yel-gɛtã na n lʋɩɩ taoor tɩ b maan lebg-n-gesã. Yaa sõsg minimã ne zãmsg d sẽn paam Biiblã kareng pʋgẽ wã poor la b na n maan lebg-n-gesã. A na n tika zãmsg nins d sẽn paam lekollã sasa kiis a yiib nins sẽn loogã zugu, tɩ lebg-n-gesã semen be sʋka. Yãmb tigingã sã n tar rasem a yiib tigis-kãseng lebg-n-gesã semenne, bɩ y viig lebg-n-gesã (ne lekollã sõss a taabã) n ning semen ning sẽn pʋgdã, bala b na n wɛgsa semen kãng lekollã sõss tigis-kãsengã sasa. La lebg-n-gesã sã n sega ne tigims sull yel-gɛtã kaagre, yɩɩllã, sõsg minimã, la zãmsg d sẽn paam Biiblã kareng pʋgẽ wã na n yɩɩ wa sẽn be lekollã na-kẽndrã sebr pʋgẽ wã bala. La y segd n dɩka semen ning sẽn pʋgdã sõsg N° a 1 wã n maan daar-n-kãngã. Semen ning sẽn pʋgdã, Wẽnnaam Tʋʋmdã Lekoll na n sɩnga ne sõsg minimã la zãmsg d sẽn paam Biiblã kareng pʋgẽ wã, wa sẽn be lekollã na-kẽndr sebr pʋgẽ wã, tɩ rẽ poor bɩ b maan lebg-n-gesã.

LEKOLLÃ NA-KẼNDRE

Yʋʋm-vẽkr pipi r. Biiblã karengo: Ezai 24-28 Yɩɩll 33

Sõsg minim: D wilg d saglsã yõodo, la nebã sẽn tõe n tũ-b to-to wã (be s.n. 158 s. a 1-3)

N° 1: Karen-biisã sẽn segd n segl b sõssã to-to (be s.n. 43 s. a 1–s.n. 44 s. a 3)

N° 2: Ezai 26:1-18

N° 3: Bõe yĩng tɩ Wẽnnaam gɩdg pʋg yiisgu? (rs s.n. 40 s. a 1–s.n. 41 s. a 3)

N° 4: Wãn to la d tõe n “yeelg Zusoab a Zezi Kiristã?” (Rom 13:14)

Yʋʋm-vẽkr r. a 8 Biiblã karengo: Ezai 29-33 Yɩɩll 42

Sõsg minim: Sõng-y nebã tɩ b bãng y sẽn yet-b bũmb ningã yõodo (be s.n. 158 s. a 4–159 s. a 3)

N° 1: Y sẽn na n segl y sõsgã to-to, la y sẽn tõe n yãk sõsgã zĩig to-to. (be s.n. 44 s. a 4-s.n. 46 s. a 1)

N° 2: Ezai 30:1-14

N° 3: # Ned sã n yeel tɩ: ‘M tara sor n na n maan m sẽn dat ne m yĩngã,’ wãn to la d na n leoke? (rs s.n. 41 s. a 4)

N° 4: Bũmb ning sẽn wilgd t’a Zeova nonga kambã

Yʋʋm-vẽkr r. 15 Biiblã karengo: Ezai 34-37 Yɩɩll 222 (29)

Sõsg minim: Gom-biisã tũusgu (be s.n. 160 s. a 1–3)

N° 1: D sẽn na n tall a Zezi tagsg sõma la wẽngã zug to-to (w05-MM 1/1 s.n. 21-22, s. 11-15)

N° 2: Ezai 34:1-15

N° 3: D sẽn tõe n tall nonglem hakɩk to-to

N° 4: A Ãdem ne a Hawa yaa neb sẽn sɩd zĩnd bɩ? (rs s.n. 25-6)

Yʋʋm-vẽkr r. 22 Biiblã karengo: Ezai 38-42 Yɩɩll 61

Sõsg minim: Goam võor wʋmb sẽn yaa nana-nana (be s.n. 161 s. a 1-4)

N° 1: D ra bas tɩ bɛɛbã kɩɩsg kɩt tɩ d bas koɛɛgã mooneg ye (w05-MM 1/1 s.n. 27-28, s. 16-18)

N° 2: Ezai 38:9-22

N° 3: # Ned sã n yeel tɩ ‘Wẽnnaam n da rat t’a Ãdem beege,’ wãn to la y na n leoke? (rs s.n. 27 s. a 1-2)

N° 4: Bũmb ning sẽn kɩt tɩ d pa segd n dogl neb a taabã yam-wẽnsã

Yʋʋm-vẽkr r. 29 Biiblã karengo: Ezai 43-46 Yɩɩll 113 (12) (sb29-MM)

Sõsg minim: D toeemd d gom-biisã la d gomd vẽeneg-vẽenega (be s.n. 161 s. a 5–s.n. 162 s. a 4)

N° 1: Bõe yĩng tɩ d sak t’a Zeova bʋ-kaoã zemsame? (w05-MM 1/2 s.n. 28-29, s. a 4-9)

N° 2: Ezai 45:1-14

N° 3: Yaab rãmbã baleng sẽn pa tar yõodã võore (rs s.n. 81 s. a 3-s.n. 83 s. a 2)

N° 4: *Kiris-nebã sẽn pa segd n wags taabã võore

Wao-fugdg r. a 5 Biiblã karengo: Ezai 47-51 Yɩɩll 79

Sõsg minim: Goam sẽn kõt sõsg pãnga, sẽn wilgd tɩ d kɩsa sɩd ne d sẽn yetã, la sẽn bilgd yɛlã neere (be 163 s. a 1–s.n. 164 s. a 2)

N° 1: A Zeova goamã kogenda d tẽebã yɩlemde, la a sõngd-d tɩ d kell n sak a Zeova (w05-MM 1/5 s.n. a 4-5, s. a 5–11)

N° 2: Ezai 50:1-11

N° 3: A Zeova sẽn kis yaab rãmbã balengã võore (rs s.n. 83 s. a 3-s.n. 84 s. a 1)

N° 4: Biiblã gɩdgame tɩ d ra kõ taab kũun bɩ?

Wao-fugdg r. 12 Biiblã karengo: Ezai 52-57 Yɩɩll 139

Sõsg minim: Goam sẽn tũud buud gomdã goam-wʋgb noyã (be s.n. 164 s. a 3-s.n. 165 s. a 1)

N° 1: A Zeova goamã kõta raoodo (w05-MM 1/5 s.n. a 5-6, s. 12–14)

N° 2: Ezai 55:1-13

N° 3: Sak n mong f meng yɛl kẽer Wẽnnaam daabã maaneg yĩng tara yõodo

N° 4: Ãnda rãmb la Kirist kɩɩsdbã? (rs s.n. 35-6 s. a 4)

Wao-fugdg r. 19 Biiblã karengo: Ezai 58-62 Yɩɩll 189

Sõsg minim: Y sẽn na n tʋm ne pãlã to-to (be s.n. 166 s. a 1–s.n. 167 s. a 1)

N° 1: Ezai sebrã yõodo (si s.n. 123 s. 34-9)

N° 2: Ezai 60:1-14

N° 3: Bõe yĩng tɩ yɩ Wẽnnaam yamb yaa bõn-sõngo?

N° 4: * Wãn-wãn la d tõe n bãng sɩdã kɩɩsdbã? (rs s.n. 36 s. a 5–s.n. 38 s. a 2)

Wao-fugdg r. 26 Biiblã karengo: Ezai 63-66 Yɩɩll 141

Sõsg minim: D sẽn na n siglg d sõsgã to-to (be s.n. 167 s. a 2-s.n. 168 s. a 1)

Lebg-n-gesã

Tʋʋlg r. a 5 Biiblã karengo: Zeremi 1-4 Yɩɩll 70

Sõsg minim: D sẽn na n maan to-to tɩ d sõsgã pãlã yɩ nana (be s.n. 168 s. a 2-s.n. 169 s. a 5)

N° 1: Zeremi sebrã: Sɩngr goama (si s.n. 124 s. a 1-5)

N° 2: Zeremi 3:1-13

N° 3: Bõe n tõe n kɩt tɩ ned paam sũ-noog hakɩka?

N° 4: * Tõnd manesem segd n yɩɩ wãn ne sɩdã kɩɩsdbã? (rs s.n. 38 s. a 3–s.n. 39 s. a 5)

Tʋʋlg r. 12 Biiblã karengo: Zeremi 5-7 Yɩɩll 159

Sõsg minim: D sẽn na n sigl d goamã tɩ tũ taab to-to (be s.n. 170 s. a 1–s.n. 171 s. a 2)

N° 1: D sẽn na n segl sõsg tigingã yĩng to-to (be s.n. 47 s. a 1–s.n. 49 s. a 1)

N° 2: Zeremi 5:1-14

N° 3: Kiristã pa yẽbg tigingã a Pɩɛɛr zug ye (rs s.n. 387 s. a 1–s.n. 388 s. a 4)

N° 4: D sẽn tõe n dɩk yam ne bũmb ning sẽn be Yikri 14:11 pʋgẽ wã to-to

Tʋʋlg r. 19 Biiblã karengo: Zeremi 8-11 Yɩɩll 182

Sõsg minim: Sõsg goam sẽn tũud taab neere (be s.n. 171 s. a 3-s.n. 172 s. a 5)

N° 1: D sẽn na n segl Tʋʋmdã Tigisgã pʋgẽ sõsg la sõss a taab to-to (be s.n. 49 s. a 2-s.n. 51 s. a 1)

N° 2: Zeremi 10:1-16

N° 3: Bõe n kɩt tɩ d miẽ t’a Abrahaam, a Zoob la a Daniɛll ra tẽeda kũum vʋʋgre?

N° 4: Kʋɩlen-biis nins b sẽn kõ a Pɩɛɛrã yaa bõe? (rs s.n. 388 s. a 5–s.n. 391 s. a 2)

Tʋʋlg r. 26 Biiblã karengo: Zeremi 12-16 Yɩɩll 205

Sõsg minim: Ra bao-y n togs-y y sẽn yã bũmb nins y seglgã sasa wã fãa ye (be s.n. 173 s. a 1-4)

N° 1: Rondã wilgdame tɩ Wẽnnaam tɩrlmã pa tar to ye (w05 1/11 s.n. 13-14)

N° 2: Zeremi 12:1-13

N° 3: Neb nins sẽn yet tɩ bãmb n ledg a Zezi tʋm-tʋmdbã pa kiris-neb hakɩk ye (rs s.n. 391 s. a 3-s.n. 393 s. a 6)

N° 4: Zĩ-bʋs wɛɛngẽ la kiris-nebã segd n tall zu-zẽkre?

Tʋʋl-nif r. a 2 Biiblã karengo: Zeremi 17-21 Yɩɩll 30

Sõsg minim: Ra gʋls-y y sẽn dat n togsã fãa ye (be s.n. 174 s. a 1-s.n. 175 s. a 4)

N° 1: Zãmã taoor sõsg seglgo (be s.n. 52 s. a 1-s.n. 54 s. a 1)

N° 2: Zeremi 20:1-13

N° 3: Yɛ la Armagedõ zabrã na n zabe? (rs s.n. 182 s. a 1-s.n. 183 s. a 4)

N° 4: * D tagsg segd n yɩɩ wãn ne saglsã?

Tʋʋl-nif r. a 9 Biiblã karengo: Zeremi 22-24 Yɩɩll 184

Sõsg minim: D gũus ne bẽds nins d sẽn tõe n sege, d sã n pa gʋls d sẽn dat n togsã fãa wã (be s.n. 175 s. a 5–s.n. 177 s. a 1)

N° 1: Zĩis nins sõsdã sẽn tõe n yãk a meng yam daab n maanã (be s.n. 54 s. a 2–4; la s.n. 55 zĩ-gũbrã)

N° 2: Zeremi 23:1-14

N° 3: Bũmb ning sẽn kɩt tɩ koɛɛgã mooneg kõt tõnd sũ-noogã

N° 4: Bõe la b na n sãam Armagedõ? (rs s.n. 183 s. a 5-s.n. 184 s. a 3)

Tʋʋl-nif r. 16 Biiblã karengo: Zeremi 25-28 Yɩɩll 27

Sõsg minim: Ned sã n kos tõnd tɩ d wilg bũmb võore (be s.n. 177 s. a 2-s.n. 178 s. a 2)

N° 1: Bao-y minim nebã zãmsgã pʋgẽ (be s.n. 56 s. a 1–s.n. 57 s. a 2)

N° 2: Zeremi 26:1-15

N° 3: Ãnd n na n põs Armagedõ zabrã wakate? (rs s.n. 184 s. a 4-9)

N° 4: Kãab wẽng bee tẽnga zugã rat n yeelame tɩ bõe? (Sɩng. 3:17)

Tʋʋl-nif r. 23 Biiblã karengo: Zeremi 29-31 Yɩɩll 148

Sõsg minim: Kɩt-y tɩ y sõsgã yɩ wa y raasenkam goamã (be s.n. 179 s. a 1-s.n. 180)

N° 1: Kɩt-y tɩ nebã bãng welgr ning sẽn be wã (be s.n. 57 s. a 3-s.n. 58 s. a 2)

N° 2: Zeremi 31:1-14

N° 3: Bõe yĩng t’a Zeova ziirã pa tar tɛka?

N° 4: Armagedõ pa wilgd tɩ Wẽnnaam pa nonglem soab ye (rs 185 s.n. s. a 1-3)

Tʋʋl-nif r. 30 Biiblã karengo: Zeremi 32-34 Yɩɩll 100

Sõsg minim: Y koe-zomã sõmblem (be s.n. 181 s. a 1–4)

Lebg-n-gesã

Sig-noy r. a 7 Biiblã karengo: Zeremi 35-38 Yɩɩll 165

Sõsg minim: D sẽn na n maan to-to tɩ d noorã pems sõngd tɩ d gom sõma (be s.n. 181 s. a 5-s.n. 184 s. a 1; 182 zĩ-gũbrã)

N° 1: Kɩt-y tɩ y kɛlgdbã tagse (be s.n. 58 s. a 3-s.n. 59 s. a 3)

N° 2: Zeremi 36:1-13

N° 3: Armagedõ sasa f sã n pa be Wẽnnaam poorẽ, f yaa Wẽnnaam bɛ (rs s.n. 185 s. a 4-7)

N° 4: Kiris-nebã sẽn tõe n mao ne sãmb-sãmb b sẽn tẽed bũmb ninsã zut to-to

Sig-noy r. 14 Biiblã karengo: Zeremi 39-43 Yɩɩll 56

Sõsg minim: Y sã n gomd bɩ y ra wɩk y gĩinã ye (be s.n. 184 s. a 2-s.n. 185 s. a 2; la s.n. 184 zĩ-gũbrã)

N° 1: Wilg-y nebã b sẽn tõe n tũ saglsã to-to, la y kõ mak-sõngo (be s.n. 60 s. a 1-s.n. 61 s. a 2)

N° 2: Zeremi 39:1-14

N° 3: Bõe n tusd dũniyã nanambs tɩ b tigimd taab n na n zab Armagedõ zabrã? (rs s.n. 186 s. a 1-2)

N° 4: * Bõe yĩng tɩ kiris-neb sẽn baood taab n dat n kẽ kãadem segd n tall manesem sẽn segde?

Sig-noy r. 21 Biiblã karengo: Zeremi 44-48 Yɩɩll 122

Sõsg minim: Wilg-y tɩ y nanda y kɛlgdbã (be s.n. 186 s. a 1–4)

N° 1: D sẽn na n maan to-to n maneg d sẽn sõsd to-to wã n paase (be s.n. 62 s. a 1–s.n. 64 s. a 1)

N° 2: Zeremi 46:1-17

N° 3: Wãn to la d na n gũus n da wa belg d mense?

N° 4: D sẽn tõe n bãng Babilon Kãsengã sẽn yaa a soab to-to (rs s.n. 42 s. a 1-2)

Sig-noy r. 28 Biiblã karengo: Zeremi 49-50 Yɩɩll 95

Sõsg minim: D kelgd neb a taabã neere (be s.n. 187 s. a 1-5)

N° 1: D sẽn na n kẽng taoor ne sõsg to-to (be s.n. 64 s. a 2– 65 s. a 4)

N° 2: Zeremi 49:14-27

N° 3: Bõe n da kɩt tɩ pĩnd wẽndẽ Babilonnã yʋʋr yi? (rs s.n. 42 s. a 3-s.n. 44 s. a 5)

N° 4: Roagdbã sẽn segd n zĩnigd b kambã n karemdẽ tɩ b kelgdẽ wã võore

Sigr r. a 4 Biiblã karengo: Zeremi 51-52 Yɩɩll 166

Sõsg minim: Sõng-y neb a taabã tɩ b kẽng taoor tẽebã pʋgẽ (be. s.n. 187 s. a 6–s.n. 188 s. a 3)

N° 1: Zeremi sebrã yõodo (si s.n. 129 s. 36-9)

N° 2: Zeremi 52:1-16

N° 3: Zãgs tɩ Wẽnnaam kõn soog-f yaa yalemdo

N° 4: Bũmb ning sẽn kɩt tɩ d miẽ tɩ kiris-neb ne yʋʋrã bee Babilon Kãsengã pʋgẽ wã (rs s.n. 45 s. a 1-46 s. a 1)

Sigr r. 11 Biiblã karengo: Wiisgu 1-2 Yɩɩll 129

Sõsg minim: D maan bũmb n sõng nebã vẽeneg-vẽenega (be s.n. 188 s. a 4–s.n. 189 s. a 4)

N° 1: Wiisg sebrã: Sɩngr goama (si s.n. 130 –1 s. a 1-7)

N° 2: Wiisgu 2:1-10

N° 3: Bũmb ning sẽn kɩt tɩ zoe n yɩ Babilon Kãsengã pʋgẽ yaa yãgb yellã (rs s.n. 46 s. a 2-7)

N° 4: Ned sẽn yaa nin-sõng pa ned sẽn ka pãng ye

Sigr r. 18 Biiblã karengo: Wiisgu 3-5 Yɩɩll 140

Sõsg minim: Waoogd-y nebã (be s.n. 190 s. a 1-s.n. 191 s. a 1)

N° 1: Wiisg sebrã yõodo (si s.n. 132 s. 13-15)

N° 2: Wiisgu 4:1-13

N° 3: Lisgã sẽn yaa a soaba, la bũmb ning sẽn kɩt tɩ sẽn tẽedbã reegd lisgã (rs s.n. 47 s. a 1-4)

N° 4: * Kiris-nebã sẽn pa kẽed politikã yɛlẽ wã võore

Sigr r. 25 Biiblã karengo: Ezekɩɛll 1-5 Yɩɩll a 1

Sõsg minim: D pʋʋsd nebã sõma, n wilg tɩ nand-b lame (be s.n. 191 s. a 2-s.n. 192 s. a 1)

Lebg-n-gesã

Sẽoog r. a 2 Biiblã karengo: Ezekɩɛll 6-10 Yɩɩll 26

Sõsg minim: Gomd-y ne waoogre (be s.n. 192 s. a 2-s.n. 193 s. a 2)

N° 1: Ezekɩɛll sebrã: Sɩngr goama (si s.n. 132-3 s. a 1-6)

N° 2: Ezekɩɛll 7:1-13

N° 3: D sã n dat n kolg Wẽnnaam, bõe la d segd n maane? (Zak 4:8)

N° 4: Kiris-nebã lisgã pa koom mesbo, b leb n pa kõt kom-peels me ye (rs s.n. 47 s. a 5-48 s. a 2)

Sẽoog r. a 9 Biiblã karengo: Ezekɩɛll 11-14 Yɩɩll 112

Sõsg minim: Gomd-y ne kɩs-sɩda (be s.n. 194 s. a 1-s.n. 195 s. a 2)

N° 1: Ra bas-y neer maaneg ye (w05 1/6 s.n. 29-s.n. 30)

N° 2: Ezekɩɛll 11:1-13

N° 3: Lisgã yẽesda yel-wẽnã bɩ? (rs s.n. 48 s. a 3-6)

N° 4: Wãn to la d segd n wʋm Wilg 17:9-11 goamã võore?

Sẽoog r. 16 Biiblã karengo: Ezekɩɛll 15-17 Yɩɩll 29

Sõsg minim: D sẽn tõe n wilg tɩ d kɩsa sɩd ne d sẽn yetã to-to (be s.n. 195 s. a 3–s.n. 196 s. a 4)

N° 1: D ra bas tɩ tags-kɛgã tõog-d ye (w05 15/9 s.n. 26-8)

N° 2: Ezekɩɛll 16:1-13

N° 3: Yɩ yam soab sẽn dat n yeelga (Yel. 13:16)

N° 4: Ãnda rãmb la sẽn paam vʋʋsem sõng lisgã? (rs s.n. 48 s. a 7-s.n. 50 s. a 1)

Sẽoog r. 23 Biiblã karengo: Ezekɩɛll 18-20 Yɩɩll 193

Sõsg minim: Gomd-y ne gũusgu, la y ra gil sɩdã me ye (be s.n. 197 s. a 1-3)

N° 1: Ned sã n sok yãmb bũmbu, bɩ y gũus n bãng a sẽn zoe n tagsd bũmb ningã (be s.n. 66 s. a 1-s.n. 68 s. a 1)

N° 2: Ezekɩɛll 18:19-29

N° 3: Bugum lisgã ne vʋʋsem sõng lisgã pa yembr ye (rs s.n. 50 s. a 2-6)

N° 4: Bũmb ning sẽn wilgd tɩ Wẽnnaam Rĩungã zoe n luglame wã

Sẽoog r. 30 Biiblã karengo: Ezekɩɛll 21-23 Yɩɩll 35

Sõsg minim: Koɛɛgã mooneg sasa bɩ y gomd ne gũusgu (be s.n. 197 s. a 4-s.n. 198 s. a 5)

N° 1: Bãng-y y sẽn segd n leok to-to tɩ zemse (be s.n. 68 s. a 2-s.n. 70 s. a 3)

N° 2: Ezekɩɛll 23:1-17

N° 3: Bʋʋm nins sẽn kɩt tɩ d segd n karemd Biiblã (rs s.n. 51 s. a 1-s.n. 52 s. a 5)

N° 4: Wẽnnaam nifẽ, ãnd soab la nin-kãsenga?

Sa-sik r. a 6 Biiblã karengo: Ezekɩɛll 24-27 Yɩɩll 37 (9)

Sõsg minim: D bãng n gom sasa sẽn zemse, la yɩ gom-sõma (be s.n. 199 s. a 1-4)

N° 1: D sẽn tõe n tũnug ne lɛtr n taas ned koɛɛg to-to (be s.n. 71-s.n. 73)

N° 2: Ezekɩɛll 24:1-14

N° 3: Zĩ-bʋs wɛɛngẽ la a Moiiz yaa mak-sõng n kõ kiris-nebã?

N° 4: A Ezai la a Zeremi sɛbã kõta kaset tɩ yaa Wẽnnaam n vẽneg tɩ b gʋls Biiblã (rs s.n. 53 s. a 1–s.n. 54 s. a 2)

Sa-sik r. 13 Biiblã karengo: Ezekɩɛll 28-31 Yɩɩll 123

Sõsg minim: D gomd ne gũusgu, d sã n wa gomd ne d zaka rãmb la ne neb a taabã (be s.n. 200 s. a 1-4)

N° 1: Wilg-y tɩ y bɩtame (be s.n. 74 s. a 1-s.n. 75 s. a 3)

N° 2: Ezekɩɛll 28:1-16

N° 3: A Zezi sẽn da reng n togs bũmb ninsã sẽn pidsã wilgdame tɩ yaa Wẽnnaam n vẽneg tɩ b gʋls Biiblã (rs s.n. 54 s. a 3-4)

N° 4: Biiblã sã n yet tɩ “kisgi,” rat n yeelame tɩ bõe?

Sa-sik r. 20 Biiblã karengo: Ezekɩɛll 32-34 Yɩɩll 215

Sõsg minim: Goam sẽn kengd neba (be s.n. 202 s. a 1-s.n. 203 s. a 2)

N° 1: Tʋm-y ne tõod nins y sẽn tarã (be s.n. 75 s. a 4-s.n. 77 s. a 2)

N° 2: Ezekɩɛll 34:1-14

N° 3: Wẽnnaam vʋʋsem sõnga sõngda tõnd wãn-wãna?

N° 4: Biiblã reng n togsa yɛla, tɩ sɩãnsã yaool n wa wilg tɩ sɩd yaa woto (rs s.n. 55 s. a 1-s.n. 57 s. a 2)

Sa-sik r. 27 Biiblã karengo: Ezekɩɛll 35-38 Yɩɩll 94

Sõsg minim: Ra gom-y goam sẽn na n koms nebã raood ye (be s.n. 203 s. a 3-s.n. 204 s. a 1)

Lebg-n-gesã

Bõn-bɩʋʋng r. a 3 Biiblã karengo: Ezekɩɛll 39-41 Yɩɩll 194

Sõsg minim: Y sã n sõsd ne y kiris-nin-taasã (be s.n. 204 s. a 2-s.n. 205 s. a 4)

N° 1: Bõe yĩng tɩ d segd n nong Wẽnnaam goamã? (w05 1/5-MM s.n. 8-9, s. a 3-6)

N° 2: Ezekɩɛll 40:1-15

N° 3: Rẽ yĩnga ninsaalbã tõe n sɩd nooga Wẽnnaam sũuri?

N° 4: # D sẽn na n leok ned sẽn tar sãmb-sãmb ne Biiblã to-to (rs s.n. 57 s. a 3-s.n. 60 s. a 3)

Bõn-bɩʋʋng r. 10 Biiblã karengo: Ezekɩɛll 42-45 Yɩɩll 77

Sõsg minim: Togs-n-yɩleng sẽn na yɩl tɩ b ra yĩm ye (be s.n. 206 s. a 1–4)

N° 1: Wakat bʋg la zob-peend yaa “waoogr maanfo”? (w05 15/1 s.n. a 8-9)

N° 2: Ezekɩɛll 43:1-12

N° 3: Bʋʋm nins sẽn kɩt tɩ kiris-nebã ka maand rogem daar tẽegr kibs rãmbã (rs s.n. 32 s. a 3–s.n. 34 s. a 2)

N° 4: * Wãn-wãn la d tõe n bãng “sãambã koees” n bake? (Zã 10:5)

Bõn-bɩʋʋng r. 17 Biiblã karengo: Ezekɩɛll 46-48 Yɩɩll 164 (19)

Sõsg minim: Togs-n-yɩleng koe-moonegã sasa la tigissã sõss sasa (be s.n. 207 s. a 1-s.n. 208 s. a 3)

N° 1: Ezekɩɛll sebrã yõodo (si s.n. 137-8 s. 29-33)

N° 2: Ezekɩɛll 47:1-14

N° 3: Bõe yĩng tɩ kiris-nebã lakd-b mens ne zɩɩm? (rs s.n. 359 s. a 1–s.n. 360 s. a 4)

N° 4: * Roagdbã sẽn tõe n kõ b kambã tɩ yaa sõma n yɩɩd yaa Wẽnnaam bãngrã

Bõn-bɩʋʋng r. 24 Biiblã karengo: Daniɛll 1-3:30 Yɩɩll 179

Sõsg minim: Gom-zug sẽn wɛgsd to-to (be s.n. 209 s. a 1-3)

N° 1: Daniɛll sebrã: Sɩngr goama (si s.n. 138-9 s. a 1-6)

N° 2: Daniɛll 2:1-16

N° 3: Bũmb ning sẽn kɩt tɩ d mi tɩ neb 144000 sõor sɩd yaa 144000 (Wil. 7:4)

N° 4: Bũmb ning sẽn kɩt tɩ sɩd kiris-nebã pa sakd tɩ b ning-b zɩɩmã (rs s.n. 360 s. a 5–s.n. 362 s. a 1)

Zĩ-likr r. a 1 Biiblã karengo: Daniɛll 3:31-6:29 Yɩɩll 14

Sõsg minim: Gom-zug sẽn zems sẽn yãkd to-to (be s.n. 210 s. a 1-s.n. 211 s. a 1; la 211 zĩ-gũbrã)

N° 1: Wakat bʋg la d tar bʋʋm n na n yik d sũuri? (w05 1/8 s.n. 13-15 )

N° 2: Daniɛll 3:31-4:14

N° 3: Wãn-wãn la d tõe n dɩk a Mefibosɛt togs-n-taare?

N° 4: # D sẽn na n leok ned sẽn kɩɩsd tõnd sẽn pa sakd tɩ b ning-d zɩɩmã to-to (rs s.n. 362 s. a 2-s.n. 364 s. a 2)

Zĩ-likr r. a 8 Biiblã karengo: Daniɛll 7-9 Yɩɩll 34

Sõsg minim: Wilg-y bũmb ning y sẽn dat tɩ nebã gãd y sõsgã pʋgẽ wã vẽenega (be s.n. 212 s. a 1-s.n. 213 s. a 2)

N° 1: Bas-y t’a Zeova Gomdã kogl-yã (w05 1/9 s.n. 28-31)

N° 2: Daniɛll 7:1-12

N° 3: Paam rogem paalgã rat n yeelame tɩ bõe? (rs s.n. 259 s. a 2–s.n. 260 s. a 8)

N° 4: D sã n moond koe-noogã wakat fãa, sũ-no-bʋg buud la d paamda?

Zĩ-likr r. 15 Biiblã karengo: Daniɛll 10-12 Yɩɩll 210

Sõsg minim: Ra bao-y n wɛgs yɛl wʋsg ye (be s.n. 213 s. a 3-s.n. 214 s. a 5)

N° 1: Daniɛll sebrã yõodo (si p. 142-3 s. 19-23)

N° 2: Daniɛll 11:1-14

N° 3: Mo-yõsr wakate, sik-m-mengã tõe n sõnga tõnd tɩ d welg yɛlã

N° 4: Pa tɩlae tɩ ned paam rogem paalgã n paam fãagr ye (rs s.n. 261 s. a 1-262 s. a 1)

Zĩ-likr r. 22 Biiblã karengo: Oze 1-7 Yɩɩll 66

Sõsg minim: Sɩngr goam sẽn kɩtd tɩ kɛlgdbã tʋlg n kelg-fo (be s.n. 215 s. a 1–s.n. 216 s. a 5)

N° 1: Oze sebrã: Sɩngr goama, la sebrã yõodo (si s.n. 143-6 s. a 1-8, 14-17)

N° 2: Oze 5:1-15

N° 3: # Wãn-wãn la d tõe n leok nebã tagsg toɛy-toɛyã rogem paalgã zugã? (rs s.n. 262 s. a 3-s.n. 263 s. a 2)

N° 4: Yɛl nins pʋsẽ kiris-nebã sẽn wilgd tɩ b tara sũ-marã

Zĩ-likr r. 29 Biiblã karengo: Oze 8-14 Yɩɩll 59

Sõsg minim: D sẽn na n maan to-to n paam tɩ nebã kelgd-d koe-moonegã sasa (be s.n. 217 s. a 1-4)

Lebg-n-gesã

Sɩpaolg r. a 5 Biiblã karengo: Zoɛll 1-4 Yɩɩll 166

Sõsg minim: D wilg d sõsgã gom-zug d sɩngr goamã pʋgẽ (be s.n. 217 s. a 5–s.n. 219 s. a 3)

N° 1: Zoɛll sebrã: Sɩngr goama, la sebrã yõodo (si s.n. 146-8 s. a 1-5, 12-14)

N° 2: Zoɛll 2:1-14

N° 3: Tall nonglem sẽn bɩ sẽn dat n yɛɛlga (1 Zã 4:18)

N° 4: Bõe yĩng tɩ togs prɛtr f yel-wẽn t’a kõ-f sugrã pa zems ne Biiblã? (rs s.n. 68 s. a 5-s.n. 69 s. a 9)

Sɩpaolg r. 12 Biiblã karengo: Amos 1-9 Yɩɩll 211

Sõsg minim: Baasg goam sẽn tar pãnga (be s.n. 220 s. a 1-3)

N° 1: Amos sebrã: Sɩngr goama, la sebrã yõodo (si s.n. 148-50 s. a 1-6, 13-17)

N° 2: Amos 2:1-16

N° 3: Bõe yĩng tɩ d pa segd n bas tɩ yell paam-d tɩ d yaool n dɩk yam?

N° 4: Ned sẽn beeg Wẽnnaam bɩ a to sẽn segd n maanega (rs s.n. 71 s. a 2–8)

Sɩpaolg r. 19 Biiblã karengo: Abdias 1-Zonas 4 Yɩɩll 220

Sõsg minim: Bũmb nins y sẽn pa segd n yĩm (be s.n. 220 s. a 4–s.n. 221 s. a 4)

N° 1: Abdias sebrã la Zonas sebrã: Sɩngr goama, la b yõodã (si s.n. 151-3 s. a 1-5, 10-14; s.n. 153-5 s. a 1-4, 9-12)

N° 2: Zonas 1:1-2:1

N° 3: Tẽeb pʋgẽ arzãnã sẽn segd n deng tẽng zug arzãnã võore

N° 4: * Bõe yĩng tɩ ned sẽn maan yel-wẽn-kãseng segd n tɩ togs kãsem dãmbã? (rs s.n. 71 s. a 9–s.n. 72 s. a 4)

Sɩpaolg r. 26 Biiblã karengo: Miise 1-7 Yɩɩll 18

Sõsg minim: Koɛɛgã mooneg wakate (be s.n. 221 s. a 5–s.n. 222 s. a 6)

N° 1: Miise sebrã: Sɩngr goama, la sebrã yõodo (si s.n. 155-8 s. a 1-8, 16-19)

N° 2: Miise 2:1-13

N° 3: Yɩ sũ-bʋgsem soab sẽn dat n yɛɛlga

N° 4: Bõe yĩng tɩ zems tɩ d tẽ tɩ yaa Wẽnnaam n naan bũmba fãa? (rs s.n. 72 s. a 5-s.n. 74 s. a 2)

Yʋʋm-sar r. a 3 Biiblã karengo: Nahũm 1-Hab. 3 Yɩɩll 137

Sõsg minim: Y sẽn yetã segd n sɩd yɩɩ sɩda (be s.n. 223 s. a 1-5)

N° 1: Nahũm sebrã la a Habakuk sebrã: Sɩngr goama, la b yõodã (si s.n. 158-60 s. a 1-7, 11-12; s.n. 161-3 s. a 1-5, 12-14)

N° 2: Habakuk 1:1-17

N° 3: D wʋm Biiblã sẽn wilgd naanegã sẽn yɩ to-to wã võor sõma (rs s.n. 75 s.a 1-s.n. 76 s. a 5)

N° 4: Bũmb ning sẽn kɩt tɩ vɩɩm sẽn pa satã pa na n yɩ yam-yiisgã

Yʋʋm-sar r. 10 Biiblã karengo: Sofoni 1-Aze 2 Yɩɩll 78

Sõsg minim: D ‘tall sɩd koɛɛgã kãn-kaẽ’ (be s.n. 224 s. a 1-4)

N° 1: Sofoni sebrã la Aze sebrã: Sɩngr goama, la b yõodã (si s.n. 163-5 s. a 1-6, 10-12; s.n. 166-8 s. a 1-7, 13-16)

N° 2: Sofoni 3:1-17

N° 3: Bõe yĩng tɩ pikã pʋʋsg pa zems ne Biiblã sẽn yetã? (rs s.n. 80 s. a 1–s.n. 81 s. a 2)

N° 4: * Wãn to la zems-n-taar ne Wẽnnaam manegd kãadem?

Yʋʋm-sar r. 17 Biiblã karengo: Zakari 1-8 Yɩɩll 209

Sõsg minim: Bao-y n bãng-y kibayã sã n sɩd yɩɩ sɩda (be s.n. 225 s. a 1-3)

N° 1: Zakari sebrã: Sɩngr goama (si s.n. 168-9 s. a 1-7)

N° 2: Zakari 7:1-14

N° 3: Wãn to la b sẽn yã bũmb ning a Zezi tedgrã sasa wã pids-yã?

N° 4: B sẽn da sõt nebã yʋʋm to-to sẽn deng sa-kãsengã yaa ye ne tõnd sẽn sõt yʋʋmã to-to rũndã-rũndã wã bɩ? (rs s.n. 85 s. a 4–s.n. 86 s. a 1)

Yʋʋm-sar r. 24 Biiblã karengo: Zakari 9-14 Yɩɩll 202

Sõsg minim: Sõsg võor-wʋm sẽn yaa nana-nana (be s.n. 226 s. a 1–s.n. 227 s. a 1)

N° 1: Zakari sebrã yõodo. Malaki sebrã: Sɩngr goama, la sebrã yõodo (si s.n. 171-2 s. 23-7; s.n. 172-4 s. a 1-6, 13-17)

N° 2: Zakari 10:1-12

N° 3: Bõe yĩng t’a Zeova Kaset rãmbã yet tɩ Wẽnnaam rĩungã lugla yʋʋmd 1914? (rs s.n. 86 s. a 2–s.n. 88 s. a 1 )

N° 4: Wãn to la d tõe n deng n segl d mens tɩ namsg d tẽebã yĩng nan pa wa?

Yʋʋm-sar r. 31 Biiblã karengo: Malaki 1-4 Yɩɩll 118

Sõsg minim: Wilg-y gom-bi-sãamsã võore (be s.n. 227 s. a 2–s.n. 228 s. a 1)

Lebg–n-gesã

Karen-biigã segd n kɩtame t’a sõsgã zems ne tigingã mooneg zĩig yɛlã sẽn yaa to-to wã.

Kõ-y sõs-kãngã rapã bala.

Karen-biigã segd n kɩtame t’a sõsgã zems ne tigingã mooneg zĩig yɛlã sẽn yaa to-to wã.

Kõ-y sõs-kãngã rapã bala.

Karen-biigã segd n kɩtame t’a sõsgã zems ne tigingã mooneg zĩig yɛlã sẽn yaa to-to wã.

Kõ-y sõs-kãngã rapã bala.