Yãmb sogsgã leoore

◼ Bõe n tõe n wa kɩt tɩ d bas ned Biiblã zãmsgo?

Y sã n zãmsd ned Biiblã n wa neẽ t’a tẽebã pa paasde, y tõe n maaga y yĩng n wilg-a tɩ y na n basa zãmsgã. (Mat. 10:11) La reng-y n sok-y y meng woto: D sã n yãk lɛɛr zãmsgã yĩnga, a tũudame bɩ? A segenda zãmsg fãa bɩ? A wata tigissã kẽer bɩ? A gomda bũmb nins a sẽn zãmsdã yell bɩ? A zʋgã toeemdame tɩ wilgdẽ t’a tũuda Biiblã sagls bɩ? La bãng-y tɩ karen-biisã yʋʋm la b tõogã pa yembre, tɩ b tẽebã sẽn bɩt to-to wã me pa yembr ye. Sẽn paase, y sã n wa na n bas ned Biiblã zãmsgo, y segd n wilg-a-la a sẽn tog n maan tɩ y lebs n sɩng zãmsgã.—1 Tɩm. 2:4.