Wẽnnaam zo-rãmbã lakda b mens ne sẽn yaa wẽnga

A Sʋɩtãan makda nebã n dat tɩ b maan tʋʋm-wẽnse. Ned sẽn dat n yɩ Wẽnnaam zoa segd n kisga a Zeova sẽn kisã. (Yɩɩl Sõamyã 97:10) Ad yɛl kẽer Wẽnnaam zo-rãmbã sẽn lakd b mens ne:

Yoobo. “Ra yo ye.” (Yikri 20:14) Maan pag ne rao lageng n nan pa kẽ kãadem me yaa wẽnga.—1 Korẽnt dãmba 6:18.

Rã-tɩgre. “Rã-tɩgdbã . . . [pa] na n paam Wẽnnaam Rĩungã ye.”—1 Korẽnt dãmba 6:10, NW.

Nin-kʋʋre, pʋg-yiisgu. “Ra kʋ ye.”—Yikri 20:13.

Wagdem. “Ra zu ye.”—Yikri 20:15.

Zɩlem-beedo. A Zeova kisa “zelemd sẽn yagd ziri.”—Yelbũna 6:17.

Pãng maaneg la sũ-yikr tɩ looge. “[A Zeova] kisa ned sẽn nong n maan a taab pãnga.” (Yɩɩl Sõamyã 11:5) “Yĩnga ratem biis [me yaa] . . . sũ-yikri.”—Galat dãmba 5:19, 20, NW.

Reem-n-bao ligdi. “Bɩ y bas tũud-n-taar maaneg ne ned . . . sẽn yaa . . . rat-tɩ-loog soaba.”—1 Korẽnt dãmba 5:11, NW.

Bu-zẽms neb kisgrã. “Nong[-y] yãmb bɛɛba, la y pʋʋs neb nins sẽn maand yãmb wẽnga la sẽn namsd yãmba yĩnga.”—Matɩe 5:43, 44.

Bũmb nins Wẽnnaam sẽn yet tõndã yaa tõnd neer yĩnga. Pa nana wakat fãa tɩ d lak d mens ne tʋʋm wẽnsã maaneg ye. Ne a Zeova la a Kaset rãmbã sõngre, y tõeeme n lak y mens ne bũmb nins sẽn pa noom Wẽnnaamã.—Ezai 48:17; Filip rãmba 4:13, NW; Hebre dãmba 10:24, 25.