Bũmb ning d sẽn na n yeel n wilg zʋrno rãmbã

Gũusg Gasgã Sa-sika, 1

“Rũndã-rũndã, zĩig fãa la bala, d wae n yãta b sẽn halkd ãdem-biis kẽer burkĩndi. Yãmb tagsdame tɩ wʋsg sã n da tũudẽ-la a Zezi gom-kãensã, ra pa yɩtẽ woto bɩ? [Karm-y Matɩe 7:12. Bas-y t’a leoke.] Zʋrnall kãngã tika Biiblã n wilgd sẽn na n yɩ to-to tɩ ãdem-biig fãa wa paam tɩ b waoogd-a wa sẽn segdã.”

Gũusg Gasgã Sa-sika, 15

“D ra rat n bãnga yãmb tagsg gomd a Zezi sẽn togs zugu. [Karm-y Matɩe 5:5.] Kãab-kãngã sã n wa pidsi, yãmb tagsdame tɩ dũniyã zugu, yɛlã na n ket n yaa wa rũndã-rũndã wã bɩ? [Bas-y t’a leoke.] Zʋrnall kãngã tika Biiblã zug n wilgd a Zezi sẽn na n wa toeem dũniyã tɩ lebg to-to, la a wilgd neb nins sẽn na n wa soog dũniyã.”

Réveillez-vous ! Août

“Yãmb tẽedame tɩ wakat n wat tɩ d na n le yã d nin-nongds nins sẽn ki wã bɩ? [Bas-y t’a leoke.] Ges-y bũmb ning a Zezi sẽn kãab sẽn ki-bã wɛɛngẽ. [Karm-y Zã 5:28, 29.] Sõs-kãngã tika Biiblã n wilgd bũmb ning sẽn paamd ned, a kũum poore.” Wilg-y sõsg ning sẽn sɩngd sebrã neng 28 wã.

Gũusg Gasgã Bõn-bɩʋ. 1

“Rũndã-rũndã, neb wʋsg yam yii ne tũudmã. Rẽ yĩnga yãmb tagsdame tɩ tũudum tõe n kɩtame tɩ ned yɩ nin-sõng bɩ? [Bas-y t’a leoke.] Ges-y Biiblã sẽn da pĩnd n wilg nebã sẽn da na n wa tall manesem ning tũudmã wɛɛngẽ wã. [Karm-y 2 Tɩmote 4:3, 5.] Zʋrnall kãngã wilgda tũudum hakɩkã sẽn waoogd Wẽnnaam la a nafd tõnd to-to.”

Réveillez-vous ! Septembre

“Neb wʋsg sokda b mens n dat n bãng sã n yaa ne siãnsã zemsame tɩ d tẽ tɩ Wẽnd beeme. Yãmb tagsg yaa bõe rẽ wɛɛngẽ? [Bas-y t’a leoke. Rẽ poor bɩ y karem Hebre dãmba 3:4.] Réveillez-vous ! kãngã sẽn pa wõnd a taabã wilgda bũmb ning sẽn kɩt tɩ siãnsã mitb kẽer tẽed tɩ naand n be wã.”