D tũ Kiristã nao neere

A Zeezi kõo mak-sõng d sẽn segd n tũ, sẽn yɩɩd fãa, b sã n wa namsd-d d tẽebã yĩnga. (1 Pɩy. 2:21-23) Baa b sã n da tʋʋd a Zeezi, wall b namsd-a, a pa maand n lebs ye. (Mark 15:29-32) Bõe n da sõngd-a t’a tõogd toogo? A ra tʋll n saka a Zeova ne a sũur fãa. (Zã 6:38) Sẽn paase, a ra tagsda sũ-noog ning a sẽn na n wa paama yelle.—Ebre. 12:2, MN.

Neb sã n wa namsd-d d tẽebã yĩnga, d manesem segd n yɩɩ wãna? Kiris-ned hakɩɩk pa ‘lebsd wẽnga, wẽng yĩng ye.’ (Rom. 12:14, 17) D sã n dɩk Kiristã togs-n-taar tõog-toogã wɛɛngẽ, d sũur na n yɩɩ noogo, bala, d tata Wẽnnaam yam.—Mat. 5:10-12; 1 Pɩy. 4:12-14.

GES-Y VIDEO WÃ: A ZEOVA YƲƲRÃ PẼGR TARA YÕOD N YƖƖD BŨMB FÃA. RẼ POOR BƖ Y LEOK SOGSGÃ:

• Saam-bi-poakã sẽn wa n be roog a yembrã, bõe n sõng-a?

• Wãn to la b nams a Pötzingera ne a pagã kã-rãmbẽ?

• Bõe n sõng-b tɩ b tõog toogo?