Tẽn-digimd-kãsems n zĩnd Tirki ne Siiri: Bõe la Biiblã yet rẽ wɛɛngẽ?

Yʋʋmd 2023 wao-fugdg kiuug rasem a 6 sẽn yɩ Tẽne daarã, tẽn-digimd-kãsems n zĩnd Tirki ne Siiri.

• “Tẽne wã daare, tẽn-digimd-kãseng n kʋ sẽn yɩɩd neb 3 700 Tirki ne Siiri tẽngã babg ning sẽn be nug-rɩtgã. Rẽ tɩ zĩigã ra tolg n yaa waoodo, tɩ kɩt tɩ ra yaa toog ne neb nins tẽn-digimdgã sẽn poglã la ne neb nins zags sẽn da sãamã. Sẽn paase, kɩtame tɩ ra yaa toog tɩ b tõog n yã neb nins sẽn da põs tẽn-digimd-kãsengã.”—Yʋʋmd 2023 wao-fugdg kiuug rasem a 6, Reuters.

Kibay a woto buudã sãamda sũur wʋsgo. Zu-loees a woto buud sasa, d tõe n teega a Zeovaa sẽn yaa ‘belsg fãa Wẽnnaamã.’ (2 Korẽnt rãmbã 1:3) A kɩtame tɩ “ne Gʋls-sõamyã belsgã maasem, d tõe n saag tɩ manegr n wate.”—Rom dãmbã 15:4.

Ne Biiblã maasem, d tõe n bãnga:

• bũmb nins b sẽn da pĩnd n togs tẽn-digimdsã wɛɛngẽ.

• soab ning sẽn tõe n sõng tõnd tɩ d paam belsgo, la d tẽed manegre.

• Wẽnnaam sẽn na n wa kɩt tɩ namsg buud fãa sa wã.

Y sã n dat n bãng Biiblã sẽn yet rẽ wɛɛngẽ, bɩ y karem sõss nins gom-zut sẽn yaa:

• “Bõe la Biiblã yet tẽn-digimd-kãsemsã wɛɛngẽ?”

• “L’espoir : Où le trouver ?”

• “Wẽnd na n kɩtame tɩ namsgã fãa sa ka la bilfu”